[遊記] 冬 東京近郊富士山週遊+聖巡獨遊之旅

正確嚟講，個傳說係情侶喺吉祥寺井之頭公園一齊坐天鵝船後會分手

由新江之島水族館望出海邊



正式入江之島
由大橋入去其實都一大段距離





一路上都有微微雨


江之島名物之一 原隻章魚燒
煎果下好香 但吃落其實無咩味

btw 中午後好多中學團同海外遊客 成條商店街都係人
兩邊嘅手信鋪都幾有特式嘅

江島神社


先直往江之島岩屋方向 黃昏返嚟先再行海蠟燭


一路上主要都係各個神社寺廟
後段唔少鋪頭都無開門

咁得意，真係第一次聽。以前行經仲覺得情侶係到踩船仔應該幾好feel

魚見亭 (Tabelog 3.48)
可以望到一大片海景 可惜啱啱落完雨 露天部份濕哂 臨走時先開放返

江之島丼(滑蛋海螺飯) 配 蟹肉味噌湯
味道一般 得海螺尚算正常
蟹肉太散 或者樓豬太廢 無工具下難拆咗啲
純粹個海平線景幾正

繼續向岩屋方向行 行落好多層石級後到稚兒之淵
一大片海蝕平台







好鐘意呢個地方
大海同岩岸融為一體 好有自然氣息
岩岸表面幾跣腳 但有啲日本妹著住高跟鞋照樣行嚟行去好勁平衡力

野生的河豚出現了水退關係被困岩岸中嘅水氹
漲多水少少應該夠遊出大海


江之島岩屋 岩洞共有兩個 以海蝕洞而言算相當大
不過其實都好快行完
傳說中僧侶空海、源頼朝等都曾經嚟参拝

第一個岩洞職員會俾蠟燭攞住照明慢慢行 小小探險feel
不過因為聖誕關係岩洞天花頂其實都有放一排排燈光
(無影到 借官方同維基圖)


有啲位個頂比較矮 好似要稍為彎低腰行

由岩屋望返出大海


第二個岩屋

江之島上有個天女與五頭龍傳說 所以有個神龍像
但總覺得以神像而言無咩氣勢外表好令人聯想到龍珠

應該正正因為幾好feel 特別易吸引好多年輕情侶
但本身普遍年輕情侶都難維持關係得好耐
所以先有咁嘅傳說

江之島唔係通常食吻仔魚咩冇食到？

雖然江之島出名吻仔魚
但之前沼津食吻仔魚體驗覺得麻麻
唔太想再試多次 而且又唔係當造季節
見個江之島丼餐可以配隻蟹腳咪試下

聽講稚兒之淵個日落景好靚
不過既然有觀景台當然上返海蠟燭睇落

行返上去嘅石級相當斜 要花唔少體力
Btw稚兒之淵有船直接可以過返江之島大橋 但如果當日大風就會停

龍戀之鐘 有手機架俾人自拍用
影出嚟就係下面咁樣

後面掛滿拍拖景點常有嘅愛情鎖
敲鐘時響到喺梯級都聽到

去海蠟燭會先經過Samuel Cocking植物園先上到去
温室只剩紅磚遺址 植物園周圍種滿熱帶植物

江之島燈塔Sea Candle
門口有一兩間商店同餐廳

搭𨋢上到觀景台有玻璃隔住 行上多層到塔頂就係露天
當然露天得就預咗要食下海風

落完雨個天好清
藤澤市、東京高樓、富士山、相模灣上岩礁島仔、遠至伊豆大島都望到

作為日落勝地 海蠟燭都見到有唔少高中情侶行
放學可以嚟望住咁靚日落景 成件事好chill
另外有個著住江之電制服應該係電鐵司機 喺到同燈塔職員吹水

落到2樓平台坐下食少少嘢
等5點正燈塔亮燈 (冬天限定)

無諗到燈飾可以咁靚 隻色睇得好舒服
好match日落天色+富士山

再上返觀景台

燈飾放滿花園

植物園開始多人湧入
呢個時候樓豬就準備走唔一齊逼

Btw離開Samuel Cooking植物園時 會有職員check有無夜間飛
所以無得提早入場唔俾夜間門票錢


返到藤澤站 附近百貨嘅便當店都減價清貨收檔
雖然500至1000yen左右好平
行完一圈後想買嘅款式已經被人買走咗
唯有出返去揾餐廳

唔知係因為呢幾日食太多海鮮 定係食得太清
總覺得胃口開始怪怪地試下轉口味食多啲肉
北海道キッチン YOSHIMI リエール藤沢店 (Tabelog 3.21)
烤牛肉丼 (借google圖)

普普通通無特別 車站商場係咁上下

樓豬行太多路腳痛到已經頂唔順
買定聽朝早餐 8點半早早地返酒店休息



Day 8 完

你行江之島大約用左幾耐，我嚟緊4月都去但得2個鐘左右

2個鐘咁chur

咁我可能唔去岩屋同埋我唔洗食晏

鶴岡八幡宮兩邊池塘嘅路上都種滿樹


大河劇館

為當年大河劇鐮倉殿的13人而設 原本係鎌倉文華館
排隊條龍好長，自己又無睇到大河劇就唔入去了
btw北條氏家紋真心型簡單幾何設計但幾有氣勢

約800年前 源賴朝於鎌倉成立日本第一個幕府，即由將軍及其手下武士控制的武家政權，將天皇作為傀儡留喺京都
鶴岡八幡宮當年就被作為城市中心 開始發展鐮倉
鎌倉三面環山 最後一面向湘南海岸 防守能力極佳
不過亦因為咁嘅地勢 缺乏廣闊腹地發展成如京都東京一樣嘅大型城市

本宮



兩邊門神都係鐮倉時期style

本宮同本殿間仲有個回廊 一部份進行緊工程維修
好神奇地本宮內有自動售賣機for寶物殿入場卷

(左邊寶物殿入場卷 右邊係之後會提到嘅國寶館展覽)

寶物殿雖然地方唔大 參觀嘅人亦唔多 對比本宮前人潮相當清靜
只需200yen 內部唔俾影
https://www.hachimangu.or.jp/sightseeing/homotsu/#tabpanel1

展品個人覺得幾有趣
有鐮倉時期社務記録、文書
亦有當時太刀、貝殼制化妝箱、御神服
以及其他時期嘅鶴岡八幡修建圖、源賴朝同源賴義木像等等
見到有日本師奶們應該有追劇 好熟咁對住個族譜研究角色關係

樓豬睇完寶物殿太興奮見到仲有間國寶館就無睇清楚亂咁沖入去睇

結果中伏果期特別展內容關於北條義時之後嘅世代
樓豬學識淺，一個都唔認識
展品以多數係碗碟器皿類、僧人畫像 常設展係鐮倉時代佛像神像
特展相對有特色嘅 應該係鐮倉時期周邊寺廟僧人木造坐像
佛像睇得多 用返同類技術雕刻人像就較少見
俾咗700yen 睇咗5分鐘就出返嚟


沿小町通行返出去
周圍都逼滿遊客同埋學校團

臨走買個燒章魚片手信返香港
睇落普通但幾香脆好食


午餐時間
食事處 秋本 (Tabelog 3.54)
https://tabelog.com/kanagawa/A1404/A140402/14003222/
位置比較隱蔽 經過一條窄巷進入小型商場上樓梯就到
但都幾full 要等幾個位先入得去

天丼 (蝦、魚、野菜) 最後仲有球柚子雪榚 連稅1980 yen

炸得唔錯幾正
其中嘅野菜應該都係鐮倉野菜
鐮倉野菜產量少品種多 咁啱前一晚睇電視介紹過
不愧係新鮮菜 炸咗都仲咁鮮甜有菜味

另外亦有鐮倉野菜天丼、生熟吻仔魚丼可以揀 下次再嚟鐮倉應該會再試

想問問樓主點解去河口湖點解選擇巴士唔係搭富士急行

嚟緊想學樓主咁其中一日去河口湖踩單車兜個圈，只係我仲研究緊啲交通

因為巴士平
單程2000yen 好彩唔塞車2個鐘就到
巴士班次都密 亦可以早少少訂定位

假如新宿坐JR到河口湖，坐富士回遊就4130yen ~2個鐘
普通車經大月再富士急行就2510yen ~2.5個鐘
如果行程啱買JR東京廣域周遊券​，坐富士回遊/急行都合理嘅
只係我行程上唔啱用JR東京廣域pass

返藤澤酒店攞行李 為咗快15分鐘車程而揀咗JR而無搭江之電
點知JR線有事故延誤最後較原定遲咗差唔多半個鐘先到藤澤
早知搭江之電仲快


終於要完結近郊旅程 返到大城市東京
呢兩晚酒店位於赤坂 由藤澤出發要經新橋轉車到赤坂見附

一開始無check清楚 去到新橋先發現新橋無得買東京72小時pass
好失策 應該要一開始喺新宿/品川等大站買定
只好照俾車錢搭到赤坂見附再買返



新宿都廳係東京都政府office 不過更重要嘅係有免費觀景台
北展望室被用咗嚟做疫望接種中心所以要行多少少路去南展望室

都廳鋼琴 開放俾每個人輪流玩一陣
YouTube常見到有人去街頭表演
去到先知原來3點半過後就唔開放可惜成4點先到，無得睇/玩

後面成班觀光客爭位影日落




最近果塊樹林應該係代代木公園
東京幾乎東南西北全部都係高樓


稍為遠啲，但都見到東京鐵塔同晴空塔



落返都廳一樓東京觀光情報中心 47都道府縣東京各區旅遊宣傳單張都有
職員英文、普通話都非常流利

樓豬睇完寶物殿太興奮見到仲有間國寶館就無睇清楚亂咁沖入去睇

結果中伏果期特別展內容關於北條義時之後嘅世代
樓豬學識淺，一個都唔認識
展品以多數係碗碟器皿類、僧人畫像 常設展係鐮倉時代佛像神像
特展相對有特色嘅 應該係鐮倉時期周邊寺廟僧人木造坐像
佛像睇得多 用返同類技術雕刻人像就較少見
俾咗700yen 睇咗5分鐘就出返嚟

扮吓嘢睇吓啲介紹設計都好吖
不過睇完都通常好快唔記得

新宿之眼

東京人步速大快 影親都有殘影
新宿SUBARU大樓地下通道裝飾 超過50年前作成
位於都廳同新宿站之間嘅地下通道 但其實離都廳距離都相當遠
以前仲會著埋燈 睇返啲相幾迷幻feel
可惜隨住SUBARU大樓拆卸，目前失去電力供應 無得睇亮燈



六本木地標巨型蜘蛛

特登嚟六本木目的並非觀景台/美術館 而係為咗六本木聖誕市集
六本木新城商場範圍相當大 而且周圍都人山人海
咁大個聖誕市集都要揾咗一陣先揾到

主要係聖誕精品店 同埋4間小食店
btw德國領事館有份參與，所以飲食都係德國Style

無論精品店定小食店都相當受歡迎 然而場地唔大
排隊人龍圍繞成個會場 排咗~15分鐘仲要唔係室內，好鬼凍
只係除咗我以外，其他都情侶/成班女仔咁一齊去
得樓豬係自己一條友去聖誕市集叫又貴又細嘢食

匈牙利燉牛肉配德國酸菜+朱古力Gluhwein(橙皮香科酒)
場地好full 只能跟其他日木人坐喺花槽邊食
喺咁凍又大風嘅天氣下 味道獨特嘅香科酒好保暖
燉牛肉正正常常地香腍，但真係細份 兩樣加埋咁就1850yen

東京橫濱其實有其他更大型嘅聖誕市集
只係六本木比較順路 同埋反正未嚟過六本木

食完細細份晚餐，冒住寒風行去睇聖誕燈飾同東京鐵塔



兜完過圈返酒店
赤坂站隔離就係TBS電視台總部
附近都有旗下電視劇/舞台劇推廣
呢期係哈利波特舞台劇


Day 9 完

Day 10

一朝早原本打算直接去皇居東御苑 但原先揀好嘅飯團店無開到
附近Office區無餐廳咁早開行下揾下就到東京車站



車站主建築係西式紅磚造建築 幾鐘意呢類大正時期風格
內部個頂部好似係車站酒店嘅房間 可以打開窗望返落嚟


KITTE 丸の内商場
日本郵政旗下商場 於東京中央郵便局舊址修建成
聽講由商場上層可以望到成個東京車站 不過無上到去睇


變咗商場，但依然有個郵局
有好多款明信片

原本無plan到咁早嚟東京車站 無預先揾有咩食
平平地附近揾間Cafe早餐

前守衛所

櫻田巽櫓
護城河中幾隻鴨遊下潛下水


正式入皇居(江戶城) 門口有守衛檢查行李
可以預約參觀內部 不過唔預約都可以入皇居東御苑

大手門

大大棵銀杏


本丸天守台

復完天守模型

江戶城曾建成史上最大天守
後來因大火而燒失 由於因為已進入和平時期就無再重建

皇居就算單係東御苑其實範圍都好廣 不過幾乎都係平路所以行得幾輕鬆

樓主好鍾意動物

去各地旅行時 周圍嘅動植物，例如街邊雀仔都可能同香港平時見到嘅唔一樣
更能感受到自己已經身處一個新嘅地方

類似玩pokemon咁 每個地區每條路嘅pkm都會有唔同

重建後嘅原宿站
原本嘅木造車站因太舊同埋消防問題拆咗

Btw入到東京市區可能光害太勁對眼頂唔順，結果要揾間附近松本清買眼藥水款式又多又平過香港

太田紀念美術館 專門展出浮世繪作品

今期展覽係小林清親及其弟子的作品
以其受西洋畫法影響、重視光影變化嘅「光線畫」聞名
本身無聽講呢位畫家 只係展覽宣傳嘅畫作太靚所以先特登嚟參觀

部份展品 (官方介紹):

https://otakinen-museum.note.jp/n/n3e3d11e2b8d4
展品係畫東京各地日夜黃昏黎明景色
各種天色同燈光配合西方人物剪影畫法 色調温和嘅風格睇得好舒服
地方唔太多得兩層 但幅幅畫都有詳細介紹，所以都要每個人排隊慢慢欣賞再向前行
行咗~1個鐘

之前已經行過原宿，所以睇完美術館就去涉谷




涉谷新落成嘅宮下公園 最後唔記得返嚟睇

終於嚟到遊戲、動畫中見過無數次嘅涉谷站
不過由於涉谷站進行緊翻新工程，唔少路封咗/改路
靠遊戲學返嚟涉谷站構造 反而令自己更加迷路


八公像 合照都要排隊

全球最知名嘅十字路口


涉谷中心街



Wendy's ~1000yen

呢排可能食太清胃口怪怪地
食返啲junk food平衡下

整體其實算好食嘅
薯條調味粉係明太子味 雖然香但調味重咗啲

澀谷PARCO商場
6樓有任天堂、Pokemon、Sega、Jump、刀劍亂舞等官方商店
其中任天堂同Pokemon收銀都排長龍

Splatoon 防水袋、滑板、紙皮箱個設計都幾正
可惜衣服個款式比較難著得好睇



Pokemon Center
朱紫推出無耐，啲Staff都著上橘子/葡萄學院制服 (影唔到)


卡比獸同埋角羊背囊幾Q

趁日落前上去SHIBUYA SKY
由售票處影返落去



終於上到天台 好凍
安全關係，職員會要求背囊、自拍棍等都必需放進提供嘅儲物櫃內

行程最後一次見到富士山

相比都廳見到嘅更細
Btw連續3日都係黃昏時間由觀景塔睇富士山，仲一個比一個細
開始無咁大感覺

澀谷Scramble Square商場，以及Shibuya Sky觀景台都係疫情期間開幕
海外遊客固然多，不過同時都見到好多日本人





室內觀景台嘅迷幻裝飾


晴空塔同東京鐵塔