[遊記] 冬 東京近郊富士山週遊+聖巡獨遊之旅

行到吊橋另一邊無咩景睇 相對地有各樣設施同戶外活動玩 並被樹林包圍

小食攤檔 包括部份靜岡縣各地特產 富士宮炒麵、鮮蜜柑果汁、靜岡關東煮等等


既然無去到靜岡市 當然試返個靜岡關東煮

好似係叫咗牛筯+雞皮?
湯汁意外地甘甜 只係除咗湯汁以外都無咩其他味可言

另外付款後可以入去摸下唔同小動物同影相

店內門口會見到有貓頭鷹可以睇下但唔俾影
貓頭鷹毛色靚到似公仔咁
另外鋪頭後面睇到有放家豬等出嚟食飼料

歷奇活動 包括爬繩索、電動平衡車等等 一律要額外收費



平衡車似乎幾有趣
但即使唔參加都可以就咁行下過後山個森林小道

影返個場地
時間關係行咗少少就落返嚟

吊橋對面仲有得玩滑索直接過返入口 個個玩滑索都叫得好大聲
但總覺得俾吊橋擋住見到嘅景唔多

興建吊橋時斬咗好多樹
梯級上嘅木碎就係由呢啲樹而來


手信店旁有介紹吊橋設計同原理


鈴芽的門鎖合作 可能套戲有場景用到三島吊橋掛
等上映就睇


事前都有諗過到底應唔應該去三島Skywalk
畢竟距離較遠 可預計好難夠河口湖/富士宮咁壯觀
不過見GoogleMap評論數咁高，又反正有興趣去山中城 就當係去趁下熱鬧

親身去到後 雖然富士山個景未必比得上富士五湖/富士宮 但有駿河灣全景加上其他設施睇下食下嘢都係唔錯嘅選擇嚟


原本只係預咗停留1.5小時 但準備過橋返去時開始有好多遊客 只能慢慢過橋
結果miss咗班車 要等多半個鐘

其實靜岡 濱松 個邊係咪無乜景點 諗咁去唔去

jr 東京pass又唔包個邊

靜岡: 三島松原、日本平、駿府城、清水港
濱松: 濱名湖、中田島砂丘、濱松城
其他: 秘景車站大井川鐵道奧大井湖上站
名產: 濱名湖鰻魚、掛川茶、靜岡關東煮、櫻花蝦

靜岡市嘅日本平同三島平原都係少數可以同時望到駿河灣同富士山嘅地方
不過最大問題係好受天氣影響景色交通又唔算方便
城堡唔係德川家康/井伊直虎fans感受應該未必好深

濱松相對有特式好多 尤其濱名湖嘅養殖鰻魚
但真心遠三島去東京仲快過去濱松


疫情前中國同台灣都有飛機飛靜岡
所以唔少中國人台灣人會齋去靜岡，又或者東京/名古屋入靜岡出

嗰邊勝在搖曳露營△
你睇完動畫心思思想去你自然就會去

BTW 有大井川鐵道嘅蒸氣火車

Sor打錯靜岡市係三保松原先啱
成日見人講千辛萬苦去到三保松原 點知多雲
咩到見唔到

謝謝回覆🙏
3月尾我打算去身延聖巡+甲府+河口湖 因為jr pass 攪掂 身延線補少少錢

考慮咁落唔落去埋靜岡濱松
唔太好家康 更愛武田公

樓主有冇去本棲湖？ 其實係咪除非露營先去個邊？

搭巴士由河口湖落富士宮會經過本棲湖門口
不過就算落車都要行幾公里返浩庵露營場先見到富士山
唔係去露營就廢事去了
btw架巴士會兜哂成個精進湖

咁唔去鳥 祝樓主聖巡愉快

https://yurucamp-shizuoka.com/#modelmap
非自駕聖巡嚟講 濱松最容易去應該得辯天島

濱名湖好大 舘山寺同佐久米站車程會再遠啲
假如兩者都去應該只可以揾的士Uber
真係去濱松要預多唔少時間

靜岡市個人覺得真心唔太吸引 純粹叫做有個市區可以夜晚行下
最多反正經過咪行埋駿府城

LM

請問知唔知有冇山梨嘅聖巡地圖兼動畫畫面？因為主要都係載老母環富士山自駕，費事去啲冇乜絕景嘅聖巡地點

https://www.yamanashi-kankou.jp/special/sp_yurucamp/#tmp_model

我好似搵到，睇下先

仲有房間露營
https://www.yamanashi-kankou.jp/special/sp_heyacamp/index.html
第二季山梨縣官方有做page但最後無咩更新到
不過多咗嘅應該得身延山久遠寺、富士山站至山中湖、赤澤宿、早川町

電影就揾唔到

下面佢畀埋日帰同一泊嘅公共交通 plan，真係貼心。不過瘟疫令巴士減班，都係要 睇巴士官網時刻表 fact check

更正: 三島Skywalk原定用1小時 結果趕唔切追巴士
所以繼續影下相周圍行下
共停留1.5小時
原先plan得太chur

新eva第三村有浜松

下一站 山中城
由Skywalk搭多幾分鐘巴士就到
落車位嘅山中城案内所同時亦係小賣店 門口有百名城印

同我一齊由Skywalk上車去山中城嘅得一對香港中年夫婦
男人好開心咁攞本百名城集印本嚟吸印
女嘅都好欣然咁同佢一齊影下相

入口旁係箱根舊街道其中一段
古時東海道之中來往箱根宿同三島宿之間的道路


山中城係小田原城的支城 顧名思義係一座山城
北條氏為防禦豐臣氏而建 不過未正式完工就被攻打 僅半日就被攻破

畝堀 部份斜坡維修緊


繼續富士山
左邊扁扁地嘅係愛鷹連峰


山中城最大特色: 障子堀


格子型構造 睇落簡單但容易防禦敵軍攻勢
障子堀當中亦以山中城最出名

最好景觀嘅西橹同西之丸


睇返相先知個細路咁好奇望住我
另外都有狗主嚟帶狗散步

原本山中城並非鋪滿草 而係全部用容易滑同跣腳但粘性高嘅壤土製成
敵軍沿障子堀、畝堀等進玫時被射中、開炮擊中跌落去就好難爬返上嚟
後來作為觀光景點為咗美觀同保養形狀避免風化 先會種草上去

雖然北條氏精心設計山中城堀 可惜在豐臣氏7萬對北條氏4千的壓倒性兵力下 始終難以抵擋進攻

連接本丸同二之丸之間嘅復元木橋
紅葉滿開中

據考古發現障子堀原先都有木橋連接西櫓至西之丸
不過可能怕影響障子堀而無重建到


近出口處有大戰後雙方死亡將領之墓
小賣店手信係障子堀Waffle

山中城每個地方都有告示牌詳細說明各個構造 雖然得日文解說
山路同梯級整理得好靚 易行又行得舒服用返香港行山分級會係１星難度
山中城人流同剛才Skywalk相比極大反差 有荒涼的感覺

山中城行咗~1.5小時 南邊仲有另一半未行不過似乎差唔多唔太重要就skip了

謝提議 去甲府身延河口湖聖誕比較好咁 jr pass東廣域又差唔多包曬

反而好奇你甲府一帶行程會點安排
感覺上JR東廣域得3日仲去埋身廷 時間好似有點趕

磐田、掛川、御前崎聖巡唔自駕有啲難度，因為啲位唔近JR站之餘，搭完巴士仲要行
浜名湖叫做還可以，買1日pass搭天浜線就搞掂，不過車程唔密要預返時間
夠時間就邊度都去得

搭巴士落返三島市中心嘅三嶋大社前

（「嶋」係「島」的異體字，即三島大社
戰後避免同其他神社撞名而改名）

三嶋大社看似普通地方神社但非常受日本遊客歡迎
朝早巴士經過時三嶋大社車龍好長 好彩下晝少咗好多

參道兩旁種滿櫻花

花季時應該幾壯觀

神池


明明係餵鴨 但引咗好多鴿嚟擋住條路唔肯走 嚇到阿小妹妹大叫

神鹿苑


啲鹿好靜唔理人
聽到有雞叫聲但見唔到
告示牌寫住禁止請勿丟棄雞和貓
換言之應該曾經有人真係試過丟雞同貓入去

源頼朝曾被流放到伊豆國多年 流放地離三島大社唔遠
頼朝舉兵討伐平家前都曾特意來參拜 後來獲得最終勝利，建立鎌倉幕府
後來鎌倉幕府將軍代代都相當信奉三嶋大社 多次遠道來參拜

源頼朝北條政子腰掛石

相傳頼朝討伐平家前參拜大社百日後曾同妻子北條政子坐過呢兩嚿石休息

神門同神馬舍

三嶋大社正門前知名鰻魚店要排隊
時間唔夠就唔食了 等今晚再返三島食其他鰻魚店

由三嶋大社至三島廣小路車站一段係東海道一部份

沿路有唔少稍為有歷史嘅文藝店 連boardgame鋪都有

源兵衛川


三島市中心遍佈源自富士山同箱根火山地下水湧出而成的河川
因此三島無論旅遊宣傳定街邊商鋪都唔難見到せせらぎ(潺潺流水)一詞
明明係市區但綠色樹木川流包圍嘅感覺幾舒適
夏天應該幾適合嚟散步

源兵衛川曾經因為工業發展而被污染、水位下降
直至約30年前市民同企業開始合作改善問題
到而家已經清澈到夏天時有螢火蟲

雖然GoogleMap會顯示源兵衛川喺樂壽園同三島廣小路中間
不過後來check返其實三島廣小路以南都係源兵衛川一部份
而源兵衛川嘅人氣溪邊caféディレッタント カフェ都係果邊先啱
可惜無去到 (GoogleMap圖)


經過白瀧公園有幾檔路邊小食攤位


三島名物之一 三島可樂餅
用當地產薯仔製成 市內好多地方有得賣

意外地超好食內部薯蓉好鬆軟好香
btw 背景嘅樂壽園冬天時會池水乾塘 雖然都有水豚等動物睇不過下次有機會先再嚟啦

三島可樂餅太正
到車站前忍唔住立即再食多次
桃中軒 三島駅南口売店 (Tabelog 3.26)

一樣都係外邊鬆脆 內部軟綿綿
同之前路邊檔食差唔多 不過俾多咗一細支醬汁自己落


JR沼津站落車即刻趕去搭巴士到沼津港
坐巴士一路見到沼津車站同商店街一帶都無咩人好稀疏寂靜
但沼津港就完全相反 非常熱閙 大部份都係揸私家車過嚟


沼津港鄰靠日本第一深海灣: 駿河灣 漁獲豐富
沼津港新鮮館


主要賣各類干物(魚乾)俾人攞返屋企去煮
即食魚乾零食都好平多款 雖然外表普通
其餘仲有深海主題甜品店、荼葉等等

可惜去到沼津已經3點 部份店鋪都開始準備收檔


出到去見燒蠔店多人排隊就跟風試下
港の牡蠣センター カキ小屋 沼津店 (Tabelog 3.25)
食咗件燒蠔 350yen 貴咗少少

都好食嘅 燒完都仲鮮甜
但覺得沼津有其他更有特式水產值得去試
可惜無試到燒干物

港八十八番地 門口幾有氣氛
以沼津深海水族館為中心嘅遊客向觀光區
附近都係深海魚漢堡、夀司店、海鮮餐廳之類