[遊記] 冬 東京近郊富士山週遊+聖巡獨遊之旅

睇櫻花前線甲府第一賞花名勝係身延山寺百年大櫻花樹 好想撞正

身延線唔係東京廣域個範圍 (因為果條線係JR東海的)
廣域pass可以係新宿搭Azusa到去甲府，最快班次3個站就到

要睇下整體行程編排路線點走先定到用咩pass好，因為富士山area有好鬼多相關既pass，幾麻煩下

唔係 JR東海 同 JR東日本 並唔係同一間公司
JR東京廣域周遊券只可以包你到甲府
但甲府至身延呢段已經係JR東海範圍，車錢要自費

而JR東海嘅Pass當中 只有富士山、靜岡地區周遊券Mini可以到身延
我當時就係用呢張
但亦去唔到甲府 只包下部温泉至富士

就係因為咁我先索性落熱海算

當時查咗好耐資料 先確認取消咗本栖湖下部温泉線
唔係嘅話原本有諗過由身延甲府咁直接返東京

有冇一張pass可以圍住富士山玩架

帶芝麻凜去搖曳賞櫻

想問師兄有乜搖曳精品推薦

想順道參拜下信玄公

又要加埋孤獨搖滾聖巡

機票都未買

真係要渣26去本棲先得

依家仲經本栖湖 浩庵就要再步行

我行左一程，行返出本栖湖巴士站成4km

依家想去八ヶ岳個秘湯聖巡，但難度至少5粒星

夠腳力嘅話 可以由本栖湖巴士站行半個本栖湖去浩庵露營場
不過聽講大部份路都係凹凸不平攞gip會好麻煩

呢類行程無咩可能拖gip

睇完電影google完已經放棄咗八ヶ岳秘湯
冬天極高難度 唔係冬天個景又麻麻
起碼都要鍛鍊返一排買哂裝先夠膽試

公仔邊度買

合作商品可以留意身延山武州屋老闆嘅資訊
https://www.oku-minobusan.com/yurucampgoods.html#i-30
畢竟就算我去時有 都好大機會已經賣哂斷貨
另外聽講浩庵有自己推出商品

相對麻煩呢個問題
中途應該準備爆轆

熱海站前

今晚行程得返熱海銀座同埋行海灘

熱海 以温泉同埋海灘聞名、斜坡上建成嘅觀光城市
大部份路都係斜路或者梯級 好彩揀咗間酒店好近JR站 而且只需平路去到

到酒店check in
由於徒步定坐巴士去熱海銀座時間差唔多後，就繼續用腳行


熱海曾經係日本人尤其東京居民中極受歡迎嘅渡假聖地
但去到九十年代日本經濟泡沫爆破 熱海隨之而衰落
直至近十幾年前 透過一連串改革，翻新設施、打卡景點店鋪、推廣活動等等 最終成功重新吸引遊客復甦觀光業

雖然話情況已經好咗，行去熱海銀座中途的路唔少仍然明顯地殘舊，甚至係吉鋪

充滿昭和感嘅熱海銀座

主要都係餐廳居酒屋等 雖說開得較夜，不過好多都係9點10點收
另外亦有老式彈珠店同埋風俗店

樓豬呢個時候選擇困難症發作 兜咗半個鐘 幾經辛苦揀咗間結果已經過咗Last Order
最後去咗熱海渚町・おさかな丼屋ビストロ (Tabelog 3.27) 都係僅僅Last order 前入到去
https://tabelog.com/shizuoka/A2205/A220502/22037271/
風格幾年輕同熱鬧 除咗日式海鮮飯仲有意粉同果汁酒等可以揀 侍應都好後生

拖羅丼 酸橙果汁酒 (トロとろとろ丼, だいだい丸ごとサワー)
賣相幾靚 玻璃杯印埋字好IG打卡feel
餐廳推薦嘅食法係先用wasabi撈剌身用醬油，再淋上去
當剩返少少魚生同飯時，再叫侍應攞熱魚介出汁倒入去 好似茶漬飯咁食
拖羅口感幾好 唔腥，雖然又未至於非常鮮味
魚介出汁都幾香

ダイダイ係伊豆冬天當做水果 即係日本新年時鏡餅上面果個水果 雖然漢字寫成橙/臭橙 但比一般認知嘅橙更酸 根據學名應該等於酸橙?
唔適合生食 一般會製成醋或調味料

酸橙果汁酒個酸度接近檸檬但有甜味 飲落好似HOROYOI 好開胃

事前打定嘅草禞用哂更新速度會慢啲

謝謝巴打

好似係露營版定電單車版多左個頭配埋好耐之前既睡袋配件 一盒芝麻可以配到2粒芝麻

本身想去大江戶温泉浸日歸温泉 不過門口前大大個Banner講明取消住日歸服務 唯有揾機會再浸温泉啦

熱海銀座有個Locker賣蜜柑 (GoogleMap街景圖)
放200yen入去就可以打開櫃攞出嚟 一袋好似5個
天黑睇唔清楚靚唔靚 反正夠平同為咗營養都照買咗 睇落食落正常嘅

熱海親水公園 遙遠可以見到熱海城

成排嘅酒店、遊艇、海灘 好有夏威夷檀香山feel
海灘啲沙相當幼滑

海灘有成班應該係大學生玩線香花火 燒得幾勁下 好青春




阿宮之松

120年前尾崎紅葉的連載小說金色夜叉曾大受歡迎 不過結局未寫完尾崎紅葉就病逝
其中熱海海邊松樹前男主角貫一踼開女主角阿宮經典一幕吸引大批fans到熱海朝聖
熱海亦以此開始慢慢發展成觀光城市

初代松樹因為興建馬路後太多汽車廢氣而枯死而家係二代目

大致劇情:


由阿宮之松要行返一層層梯級先上到車站
坐巴士都得不過廢事等

LM

Day 5 完

Skywalk幾年前打完風第二日去過Skywalk