[遊記] 冬 東京近郊富士山週遊+聖巡獨遊之旅

咁我問人借vpn 算

差唔多日落，趁日落前之後搭一個站去三鷹站

特登去三鷹站嘅原因係為咗呢個三鷹跨線人道橋

1929年落成的三鷹跨線橋除咗係日本鐵路fans影相聖地外，亦係太宰治好鐘意到訪嘅地方之一
可以同時望住多條鐵路線，天氣好時聽講富士山都望到

由於橋身老化嚴重，曾被計劃移除 但講咗好多年都未拆
去到有幾個中學生鐵路fan唔知等緊影咩
附近其實都係普通民居地方

返到新宿揾晚餐食

新宿東口3D貓廣告板 幾流暢 唔少遊客甚至日本人都影
除咗招牌貓以外 會輪流出其他廣告

酒店隔離天橋底有個位做promotion賣大豆製拉麵

雖然叫咗個博多style 食落感覺異常地健康唔太鐘意

晚餐食新宿中村屋Manna (Tabelog 3.54)
(餐廳環境借網上圖)

呢間餐廳好似有好多年歷史
餐廳環境氣氛好正 好懷舊日本西式feel
其他日本食客打扮禮貌都好高級咁

漢堡、炸物同芒果布甸都正嘅
唔太識形容 但調味細節都做得幾特別
但燉牛肉配蛋包飯真係有啲怪 燉肉汁同個蛋飯唔太夾
燉牛肉仲要額外加錢轉有機會嚟多次會想揀返招牌咖哩試


返酒店前去歌舞伎町兜咗個圈
相比以前，專拉外國人嘅黑人華人唔見哂
取以代之，係成列日本男女企街拉local客
歌舞伎町嘅大電視都播放牛郎們嘅宣傳片

三哥 排隊去食嘅睇落似中國人為主


今晚膠囊酒店 安心お宿プレミア 新宿駅前店
呢間應該係男性限定入住
好近新宿站 雖然係膠囊但價錢比得上一般酒店
可以任裝飲品、湯、白飯等等 仲有個人工温泉浸
算幾乾淨

Check in 時同Reception個日本職員傾時有啲溝通問題，結果佢攞咗最近幾出名嘅旅遊翻譯機出嚟用
翻譯機準確度似乎幾高

DAY 2 完

成日覺得翻譯機好無謂，因為一個 app 就搞掂，人手一部電話點解要拆多部嘢

翻譯質素有分別掛
對遊客嚟講少少多餘
但對酒店/觀光業而言會方便同穩陣啲 仲唔使職員攞自己電話出嚟用

最後VPN 得左
暫plan 2個鐘左右

DAY 3
今日開始暫時離開大城市東京，正式往郊外出發
坐巴士直接到河口湖

拜拜新宿，下星期再見~

沿路上好好彩完全無塞車
btw巴士上有廁所可以用

一路由東京去河口湖時，富士山會出現喺車嘅左邊
可惜即場去到買無揀到位，被安排坐咗喺右邊 去得尾段先有機會影到少少

坐緊巴士時，可能係心理作用 成座富士山睇落個feel巨型得恐怖
不過到河口湖車站附近時，或者係海拔高咗 富士山size感覺上反而正常返

坐咗2個鐘 到河口湖車站
懷舊風嘅木質車站

温泉娘 推廣河口湖温泉

落車去咗酒店放低行李，然後再繼續行去餐廳
可能係被太陽曬融緊啲雪? 山頂左邊好似出緊蒸氣咁


今日嘅午餐 餺飥名店 甲州ほうとう小作 (Tabelog 3.49)
https://tabelog.com/yamanashi/A1903/A190303/19000046/

店內店外都係懷舊傳統民居feel
餐廳好寬敞 另外都有富士山手信買
排咗幾分鐘就入得
(餐廳環境借網上圖)


餺飥(ほうとう)係山梨縣的鄉土料理 類似寬條版烏冬 並幾吸湯汁
而小作個湯底用咗大量南瓜同菜 濃得嚟會有啲甜味
小作個餺飥可以揀配豬肉、鴨肉、南瓜等等，甚至係野豬肉、熊肉

叫咗馬肉刺身+野豬肉餺飥

第一次食馬肉刺身 有少少似硬身啲、無海鮮味嘅魚生
唔差但又未算得上鐘意 試過就算

野豬肉似乎比一般豬味道較濃 不過揀返普通豬肉可能都足夠夠味
除咗餺飥，天婦羅飯好似都出名 不過食完餺飥已經飽到試唔到

河口湖一帶好多餺飥店 喺河口湖車站前嘅ほうとう不動 應該最方便
不過ほうとう不動個餺飥好似得南瓜 無得揀配肉
ほうとう小作離車站距離唔短 又無車站 假如徒步去要注意時間及同伴體力

原來物語都有得聖巡，真係唔講唔知

附近無巴士站，唯有行15分鐘返河口湖車站

今日河口湖行程係踩單車由河口湖站來往大石公園
去到車站附近嘅「Fujisanbike 河口湖駅前 手荷物預り屋」租單車
店員識講英文
由於冬天日本大槪4點半日落，得返3個鐘時間可以踩 同樣價錢下就租咗架電動輔助單車，3個鐘1500yen
似乎係幫助起步果下慳力啲，上斜波時幾有用

第一站嚟到河口湖船津呢邊停低 由於隔離係纜車站 呢一帶有唔少手信鋪


河口湖芝士蛋糕花園(河口湖チーズケーキガーデン)
可以現場食，但更多遊客會買蛋糕手信攞走


朝霧高原芝士蛋糕，以富士山隔離嘅朝霧高原出產牛奶製成
香得嚟味道唔太濃 配合杯咖啡一齊食幾夾
另外幫咗坐隔離嘅香港人情侶影咗相

本身打算搭纜車去天上山 點知去到先知咁啱今日維修

留名

巴打想請教一下
我下星期二會去日本，5日，都諗住搵一日去河口湖（星期三至五是但一日）
但我想去到當地成田先買富士回遊係唔係都可以買到？
（如果冇就坐去大月再轉富士急）

我無坐富士回遊所以詳情唔肯定
但一日先得三班 而家又更多遊客
去到先買富士回遊可能唔穩陣

身延係搖曳露營？

轉富士急時間其實差不多

係 仲有富士宮都係

我12月27號喺涉谷都仲買到30號去富士山同2號返指定席
所以巴打如果星期二到日本而又想搭富士回遊嘅話 可以揀星期四或者五

希望幫到巴打

lm

多謝巴打指點

諗住買唔到就去大月轉富士急算

無得上天上山，時間有多沿湖邊慢慢踩

大大隻天鵝行上岸 但除咗呢隻以外嘅天鵝好似都無頸圈圍住

經河口湖大橋繼續行

路過有班日本人露營 位置幾靚好識揀


沿路單車路面其實唔算太好踩唔夠平滑 而且少少窄
不過河口湖揀坐單車的確享受好多 假如揀坐巴士單去大石公園嘅話應該幾悶下除非夠早去見到逆富士 又或者啱花期
同埋坐巴士中途好多景色都會睇唔到

終於到大石公園 可以同時觀看富士山同河口湖
有花園種植好多唔同植物 不過季節關係當時得一種花開緊
隔離個河口湖自然生活館有賣各式手信 (門口無影到)
順手買山梨桃味餅乾返去做手信
叫咗個香印mix巨峰軟雪糕 坐喺二樓睇住風景食

有靖國神社，正皮

差唔多日落踩趕返到河口湖站還車完全無休息下大槪半個鐘返到去

河口湖站個手信鋪 可能會比其他鋪貴些少但款式都夠靚
不過好逼好多人

河口湖站閘前影特急列車富士回遊同富士山

本身諗住去富士急旗下ふじやま温泉浸返下 點知樓豬呢個時候犯咗個錯: 無預先check開放日期
坐接駁巴士到去先知咁岩今日原來係休息日無去
唯有再坐多次慢慢返河口湖 好彩富士急個接駁巴士係免費 但浪費咗時間
途中經過富士山站同富士急站 但條街太暗都廢事落車睇

是日晚餐 冨士天ぷら いだ天 (Tabelog 3.28)
朝早經過時非常多人排 不過到夜晚已經可以直接入
最出名係天婦羅放題 同埋大型天丼

天婦羅放題即叫即整限數量 出餐速度自然唔會快
但其實叫3輪已經好飽
中間一細罐嘅係推廣緊嘅個高級七味粉
相當香同幼 但一小羹已經幾辣

冬天河口湖夜晚好凍好大風 著哂羽絨、外套、手套、頸套、帽都頂唔順
好彩返酒店中途有兩三間便利店可以稍為休息先撐到返去
返酒店後睇手機話温度得負1度

雖然最後河口湖無上天上山、無浸到温泉係有啲可惜
不過成個湖嘅自然環境幾悠閒 餐廳氣氛食物都正
整體嚟講河口湖都意外地唔錯嘅





Day3 完