步入收成期，好多跑友都跑到靚時間，夏天既付出無白費到
黎緊渣馬sub3有1萬獎金都引到好多高手入黎
跑幾快好?
新手唔洗睇pacing，睇心率，減脂/練帶氧系統心率唔好太高，太高會用左無氧系統同肌肉高負荷容易受傷
心跳控制係(220-年齡) x 70-80%，無心率錶就講到野傾到計既強度
新手唔洗咁早諗tempo、衝圈，輕鬆跑就夠
跑咁多輕鬆跑真係有用?
長跑當係起摩天大廈，輕鬆跑就係打好心肺地基，訓練慢肌及肌肉耐力
慢慢累積就有進步，可以google下MAF180
高手課表都係輕鬆跑佔8成，學識跑得慢就會跑得快
個底打到咁上下可以加返d 快課 tempo/interval， 兩者相輔相成，建議佔跑量最多15-20%
跑姿可以點改進
有幾點基礎可以注意:
高步頻(最理想一般每分鐘180左右，因人而異)，小步幅既跑法，對減輕膝蓋負擔極有用
避免刻意向前跨步，著地點係身體重心下方(腳微曲)
膊頭放鬆，身體盡量垂直（頂多輕微傾前4-5度)，唔洗刻意前傾
擺手避免橫向超過中線
夾屁股，嘗試用埋髖骨，patpat肉幫手協助推進
唔好坐住跑或跳住跑，跑時視角水平線大概比行路高少少，輕著地有助增加跑步經濟性+防受傷
https://www.youtube.com/watch?v=SoKOcDcyQa8&ab_channel=%E5%93%B2%E7%9D%BFJerry
https://www.youtube.com/watch?v=908unsPsuNY&ab_channel=%E5%93%B2%E7%9D%BFJerry
https://www.youtube.com/watch?v=Nt8DcjjncRM&ab_channel=%E5%93%B2%E7%9D%BFJerry
跑前建議最少花幾分鐘做動態熱身，以下呢隻懶人專用，非常簡單方便
https://www.youtube.com/watch?v=6XhrzRp4_Qk&t=286s
腳痛仲跑唔跑?
痛即係有傷，麻煩停跑休腳，尤其關節傷痛忍痛訓練100%會惡化
原因多數里數太多，姿勢唔岩
里數提升量盡量不超過上星期10%
姿勢可以google下，步頻試下提升到170-180，減低膝頭衝擊
亦可以練下肌肉，臀肌好多人忽略
跑少左一日，會唔會拖慢左進度，抖少d得唔得？
休息好重要，尤其重課快課之後，瞓多d補充多d蛋白質或者bcaa, 世界級跑手一日都會瞓8-10個鐘，中午會瞓晏覺
有咩跑錶推介?
跑錶最重要睇gps準確度，其次 心率，續航力，手錶及app功能AW gps轉灣位偏差位移較多，又要成日叉電，建議買返專for運動既錶
AWU有multi-band gps，都算準，但依然日叉，官方所提到既省電模式會限制監察功能
有心跑平平地買隻garmin forerunner 55，多D跑步DATA睇
打算一步到位可以考慮新出955，上山下海功能齊全，有多衛星多頻gps，計距離pacing最準
性價比最高可以考慮255，同955 近乎一樣，係無輕觸屏
想睇d樣靚既專for運動錶亦可睇下polar
戴唔戴口罩跑?
我就唔戴啦
2022年仲有乜好驚有咩鞋好著?
輕鬆慢跑大路款
nike: pegasus/invincible run/infinity run
asics: gel nimbus/novablast(新出3代有人話太彈唔岩新手easy run,要等多d巴絲review) /gel cumulus
mizuno: wave rider
hoka: clifton/mach 5
saucony: tempus
new balance: 1080 v12
有位台灣跑鞋shoetuber 拍D review片幾好可以睇下
https://www.youtube.com/c/Chengreaction/videos
開始想突破時間跟下programme，可以睇下jack daniels 或者hanson
推介下兩個本地youtuber，不過兩個都無update
https://www.youtube.com/channel/UCiwr_t5r8wz_C_FVu2CCLDA/videos
https://www.youtube.com/c/chillibb/videos
有個本地一線跑手開左channel，拍攝同剪片幾高質，大家可以follow下
https://youtube.com/channel/UCYo_cmgMYBGVP6Sdrs9720Q
有咩跑步心態
最緊要不受傷長跑長有
跑步沒有奇蹟只有累積
跑步靠既唔單只係肌肉，仲要有堅韌既意志
