真係好羨慕D人可以留學

20幾歲啱啱出黎做野點拎100萬？
你知唔知好多打工仔連40萬首期都儲唔撚到要租屋？

我讀語言學校1年，食住學玩洗左13-14萬

19歲返咕哩工返到20歲，儲左12萬幾，之後再加daddy嘅5000蚊資助

易唔易就你自己諗

小妹過一年都去歐洲

全港根本大把最少中產，你見連登高登近十年咁多人開post去外國讀書就知
我中學屋邨讀，全班36人有10個外國，包埋日韓。我就澳洲讀書。
出來做過野，or香港讀大學，特別係hku, 就明始終窮人限制想像，我都想像唔到住港島半山生活係點
外國讀書一定係靠父幹，但係連十幾廿萬都比唔起，應該成個都有家庭問題

同你差不多
我係屋企人有急病
加上武肺橫行
有d咩事驚番唔切HK

我中學畢業做左2年野，19歲個陣見德國學費好平，於是自己供左自己過去留學三年，返黎香港入咗大公司做咗幾年野，其他人問我係咪有錢竹升仔。但其實我一路都係住深水埗唐樓，到20六七歲都未試過住一層係可以搭lift嘅樓。

所以去留學其實唔係好難，如果你唔係揀英美澳加。見工時候俾人壓就一定，但你之後點發展點樣升職其實好睇你自己個人能力，屋企只係佔你成個生涯嘅好小一部份（對我來講，其他人就唔知）

咪on9
一向日本係亞洲黎講留學算貴
一年20萬走唔甩
要平去台灣啦

同埋只讀兩年語校就完 即係本身香港都u grad
相反讀上去點只你講果26萬

有fd去讀2年日文2年專門都洗左過百萬啦
佢依家讀緊大學 幾碼洗左屋企百幾萬

無錢就唔好牽強去留學啦

巴打好勁
除咗錢仲要應付語言不通同歧視，真係好勁

我有一路讀書一路做part time , 同埋經常黐飲黐食，周圍去唔同人哋屋企瞓覺慳返好多錢。

歧視黎講嘅話，其實唔會話好多，其實係好睇你可唔可以融入人哋社會例如話學佢哋語言咁樣。其實case呢啲我哋香港都有好多，最緊要係自己係一個正常人嘅話就唔會大問題。

所以如果有心嘅話去留學嘅話，搵個地方去讀書嘅話，反而我覺得錢唔會係你最大問題，最大問題應該係你嘅毅力夠唔夠？

你第一段唔係好多人做到

係，我嗰陣窮到好撚厚面皮

真
但係啲人唔肯面對

巴打係咪個樣唔太Chinese，比較高大成熟
我喺本地大學見到d歐洲嘅交流生，覺得佢哋外表比我好太多，根本係兩種人

不是，純粹係面皮夠厚。屌冇錢，真係咩都做得出嗰陣，要圓滑夠圓滑，要吃苦夠吃苦。

鬼叫自己一開始讀書唔夠叻，但係又好想去吓外國讀書，圓下自己嗰心願。屌嗰陣真係唔夠錢洗，唯有去啲中國餐館到洗大餅，仲要俾人壓榨，明明八歐一個鐘就俾5歐。寄人籬下嗰陣要幫人洗衫掃地，洗碗剪草。

所以講到尾我始終都係覺得係毅力問題，而且上述嘅問題我都覺得唔會話好難做到，因為洗衫掃地洗碗呢啲邊個做唔到，只係在乎我哋自己想唔想做。所以如果真係想去馬嘅話就快啲去馬，相信自己你冇嘢會搞唔掂的

梗係唔計
交流就係交流
留學就係黎學
完全係兩回事黎

有平有貴既
你學德/法文去讀書都免費
比利時都有廉價大學

去加拿大Working holiday 搞省提名，做兩年野出pr再讀好多印度菲律賓人都係咁

勁
我都係咁上下儲左錢走左去荷蘭
因為驚搞唔掂語言

有心既話，好多地方讀PG唔使學費仲有人工收

ching你又離地咗啲
好似啲地產佬話4M budget「加多少少」可以買6M嘅樓咁
人哋畀唔起就係畀唔起㗎啦

對於真係窮人家庭出生嘅人
兩三年間要喺戶口倒30萬出嚟絕對唔係細數
唔係捨唔捨得，而係真係拎唔出
本地讀書都係靠申請grant loan
父母貪心嘅話，隨時讀完中學已經叫你畀家用

lm

讀phd.有少少人工吊住條命

好多人對去外國讀書既憧憬都好美好
當你十幾歲時候無人無物要一個人諗點處理唔熟悉既環境同瑣碎事
係比而家d人一家人咁去移民困難幾倍
即係同時迫自己將生存技能同外語技能點滿
其實係無咩好羨慕 唯一好既就只係得教育好d
同埋自己住時既自由感