【七月新番】來自深淵 第二季 烈日的黃金鄉 (4)

你講得好 不過同刪減主角戲份無衝突
瓦茲強嘅心理描寫極少 你提到嘅陷阱可以從佢嘅視角出發 雷古vs深淵怪物打戲可以減少 娜娜奇去揾貝拉弗變成貝拉弗見到娜娜奇黎揾佢

我諗每個作者都有自己嘅創作style
土筆係唔鍾意畫公仔畫出腸嗰種
佢喜歡留懸念 唔係咩都解釋晒
黎明篇都冇咁做

黎明篇幾好睇 黃金鄉睇到出咗戲

但最後死咗比怪分食

戰力已經有雷古 睇到靈魂先係公主嘅價值

嗰個應該係對應番ヴエコ嗰閪

你咪理
佢轉咗藍色，一出色違版毛公仔又大賣

不嬲體感五分鐘
今集有體感十五分鐘

唔係好明強哥點解要送維可落底
希望佢仲有料到，佢帶出左累積呢樣野，可能佢同黎明拿過料知道d野

咁就慢慢講。無睇過漫畫。

首先係劇場版趕嘅問題，有兩項非常明顯極趕嘅位。第一係莉可普魯修卡兩個識左一日熟到好似識左幾年咁。莉可只係同普魯修卡講過d冒險旅程故事就加爆左普魯修卡好感。第二係最後莉可由倒瀉普魯修卡去到發現石頭想興奮落六層只係過左三分鐘。雖然莉可係白卡我唔係唔可以理解，但係假如有提過一句就叫合理轉變描寫仔細嘅話呢個世界就唔會有樣野叫鋪墊不足。鋪墊不足嘅問題今季一樣有。

ppt同演出好唔好我就覺得一d關係都無，重點係今季幾乎全程都係平鋪直叙無將d比較重要嘅位强調同突出，而呢點同情節上設計都有關。我印象中應該要强調而實際上只係正常咁帶過嘅位有食bb、公主爆蛋出世、揭露團長陰謀、食人復活開眼。未能盡錄可能有更多一時醒唔起。具體嘅建議例如食b可以唔係布耶可視角暈暈下，畫面一片黑暗之中一路掙扎，就死跟住一股香味爬爬到團長腳底被喂食而佢唔知係咩。後面知道真相之後喂其他病人個陣自己視角望住煮好嘅b散發出誘人邪惡嘅氣味背景一路拉遠再掙扎住咁喂人。再癡d可以個b係人型甚至畫埋分娩過程。我明佢食b有罪惡感但係觀眾視角食個兔仔樣嘅b真係罪惡感代入有限。又例如講成班人對峙團長揭露佢想利用莉可許新願再出發個段係完全平鋪直敘影住大家輪流講野就係。正常爆陰謀係咪應該試下加强緊張刺激感先係，例如係咪可以有大家一路講野個陣特寫團長半塊面幾乎填滿畫面或者莉可一路“指正”團長一路背住所有人呢d常見嘅詭異感分鏡？尤其係佢個慘劇終末無表情更加要透過動作去刻畫條友白卡程度而唔係你眼望我眼對答就算。現場難得有個識講人話嘅canteen阿嬸又唔講多幾句側面反映下條友白卡。又例如不滅公主出世個到，我一路每集睇完再睇下分析先知原來漫畫入面成班村民唔係眼淚口水一齊標。。。同動畫流眼淚意思都差好遠下。更多例子歡迎自己諗。今季演出同節奏控制明顯做得好嘅係第一集第十集，自然過場雙線吊癮、雷古法普塔敵友關係轉變夠衝擊力。

下一個問題係人物轉變極速。由於係布耶可視角所以一開始醒翻之後貝拉弗已經係處於食過人罪惡感爆棚崩潰狀態，如果有更詳細轉變刻畫當中過程最後決心送頭送記憶會自然好多，就好似布耶可係刻畫最多所以布耶可揀自殺跳崖好合理自然咁。仲有個藍色慘劇終末無啦啦好感觸好後悔咁救布耶可，我以爲純粹係戲份多d順眼d嘅人睇分析先知係原來係動畫無做出黎嘅情人。後期高潮條村被入侵，大量村民驚到郁都唔敢郁，得幾個知道要打公主。到後面公主被打爆村民又全部自願奉獻比佢。實際上食過bb得最初個代人，咁多村民應該好多都無食過，係唔會有罪惡愧疚感，送死原因只有一個就係條村爆左自己都就死不如比佢食回血算。而呢個情節設計係削弱左村民自我奉獻嘅純度。如果變成公主一入村成班人就排隊等食，公主覺得成班人事到如今扮咩準備大開殺戒，之後深淵怪物入侵打爆公主，先至再開始食人回血會好d。要係有得揀嘅時候村民仍然自願送死先顯得出班人傳承探險意志嘅純度。

布耶可送死係今季最弱智橋段之一，好難想像重要人物居然死於唔記得自己係人於是向上爬中詛咒。

音樂係另一個大問題。如果以上我覺得有問題嘅情節有段適合嘅bgm support其實可以當無野，不過可惜嘅係今季八成時間對於bgm浪費方面同隔離summer time rendering處於同一個level。

立意上我唔認爲我有講錯，兩季一套劇場版都係講緊呢幾樣。今季係一個老母喺最溫暖嘅黑暗之中生左受祝福嘅女，最後個女同時受自己同村民祝福獨立嘅故事。

要我排今季我會排頂點吸血鬼好睇過佢。

出黎講左幾句野扮型之後令到觀眾有印象, goods又可以大賣

最唔明係點解強哥監禁佢嗰陣要剝佢光豬

唔知點解 maa san 消失個陣雖然冇咩音樂同畫面
但好想喊

你呢啲係平時畫公仔畫到出腸既手法
跟你咁做 一定唔會好睇

佢地比公主食唔係因為有罪惡愧疚喎... 公主對佢地黎講係神一樣, 佢地任何野都以價值黎衡量.. 而公主係價值化身, 所以點解佢地一開始咁想要公主既野, 最後公主就死 同公主召喚佢地 所以先比佢食喎... 由頭到尾佢地都冇話過有罪惡愧疚 點樣一入村排隊比佢食呀
你係咪搞錯角色呀

其實唔係用擋火雨為由
起橋係計劃擋火雨係意外
喺莉可佢地迫於無奈要用願望蛋嘅力量之前舞台唔可以消失所以先擋火雨
所以佢擋雨嘅同時先會感嘆「明明自己已經剩低唔多」

太長淨係覆布耶可果part
你睇佢就幾個鐘內嘅事
但其實人地喺條村入面生活左幾百年（佢仲要無同其他人交流過咁過絕大部份時間）
而村入面一直都無上升負荷
尤其佢仲急住去搵尤如自己個女生下嘅最後一個女
唔知道力場滲左入黎而向上行有咩出奇
力場喺普通人眼中根本識別唔到

Btw 我都係到呢下先判斷到佢仲係人類[sosad
本身都以為佢係變左好似人嘅生骸
點會估到幾百年無老無死仲會係普通人黎

係佢呢個安排好差 話知你擋刀定有飛行怪捉起左佢中詛咒都好過完全死於自己蠢

咁係你個人覺得
如果真係擋刀或者有有飛行怪捉起就真係膠晒

就係向上行受左詛咒佢先知道原來自己依然係人類
係伊嚕繆伊對佢既關顧，無變佢做生骸
如果我無get錯

我覺得煲仔飯反人類嘅點唔係因為殺生
甚至唔關同類相食嘅事
而係濫用伊妹嘅願望同踐踏緊佢付出嘅愛
現實入面我諗到最接近嘅事係強國老豆煮咗個仔嘅寵物龍蝦強行餵仔，個仔喊住話好食

佢連點解村民比公主食都搞錯