【七月新番】來自深淵 第二季 烈日的黃金鄉 (4)

公主個聲優真係將個劇情加左一倍分

逆推翻轉頭，佢必死係因為後面要有段布耶可當左公主係伊魯謬伊去刻劃公主，所以要有個死唔斷氣意識矇矓嘅狀態，亦都啫係話一定要中詛咒就死。咁無啦啦點會中招，肯定有個原因逼佢向上行。而家用嘅係佢唔知自己係人，咁我覺得用佢比怪向上拖又或者有人係上邊要人救布耶可去救人救到一半發現自己中招決定繼續去跟住單眼出黎個一齊救會好d。

比怪向上拖 然後先發覺自己唔係人 之後一路回憶?

呢到反而有回憶需要？

咁請問送頭有咩原因。唔係有怪入侵+村已毀自己必死佢地會送死幫公主回血？

係， 你諗既劇情舖排先係最好

咁唔係有怪入打傷公主 咁公主又使咩回血？

咪就係公主有回血需要同時佢地死梗先自殺。混雜左其他誘因咪降低左自我奉獻嘅比例。

村民對價值嘅信仰同渴望嘅表達係去搶去食而唔係去送頭喎。

劇場版
認識嘅時間長短唔重要，最重要嘅係莉可幫普魯修卡開咗「眼」，擴闊咗普魯修卡對世界嘅認知 唔再局限於第五層
喺莉可一行嚟到之前，普魯修卡個世界只係得黎明卿，而黎明卿只係熱衷於做實驗，到莉可嚟到話佢知原來個世界係好廣闊 係咁大㗎 一齊去冒險啦 會好好玩㗎
普魯修卡係完全唔知有呢啲嘢，係連黎明卿帶唔到俾佢嘅mind-blowing、心靈震撼、世界觀衝擊，佢自己天性都係鍾意冒險，可想而知莉可對於普魯修卡嚟講係幾咁重要
第二嗰到 莉可喊又喊過，佢最大心願係探索深淵+搵呀媽，帶住普魯修卡一齊落去第六層 履行返同佢嘅約定一齊冒險，我覺得好充份，唔知你仲想要啲咩
事實上，作者訪談有講過事後莉可一行有喺前線基地補給一排+睇在普魯修卡份上冇破壞精神隸屬機 （漫畫都冇呢段）

今季
首先我唔同意「今季幾乎全程都係平鋪直叙無將d比較重要嘅位强調同突出」，但我有某啲位認為漫畫係做得好好多
動畫畫風比較易入口，冇漫畫咁瘋狂混亂，好多場面係漫畫震撼好多、更有氣魄，例如貝拉弗第一次變龍、雷古第一次用白笛力量、精算獸父登場等等
1.你所講嘅食bb建議其實唔可行，因為成個過程就係建基於維可咁差嘅狀態之上，由佢嚟轉述所有事
三賢每個人代表嘅性質都好唔同，道德人性掙扎擔當已經有貝拉弗，唔再需要咩「喂其他病人個陣自己視角望住煮好嘅b散發出誘人邪惡嘅氣味背景一路拉遠再掙扎住咁喂人」，咁樣係角色作用重疊
維可只需要表現出嘅係面對最親嘅伊繆嗰種彷彿好似背刺咗佢 但伊繆竟然原諒自己嘅無限愧疚
至於bb原型的確係人類但被ban咗，依家諗深一層其實未必要真係人類
無可否認設定bb係人類嘅話一定會更容易共情
但我覺得咁嘅問題正正就係「太容易喇 」，呢套作品係喺奇幻世界世界冒險，需要帶俾觀眾新嘅觀看經驗，如果bb係人類 真係唔需要由來自深淵嚟實行啵
2.瓦茲強嗰段，我覺得作者&動畫組依家個做法係想點到即止，唔想俾太多既定立場好明顯咁講出邊位邊位角色一定係衰人，唔想觀眾好輕易去被呢個框架綁死，所以先唔喺畫面鏡頭上加鹽加醋
例如我睇其他人reaction片 都唔多會講到瓦茲強原來幕後做咗咁多嘢去操盤，佢所謂嘅「盡人事」背後個含義係咁深遠 唔係得個講字嘅廢台詞
觀眾睇嗰陣就覺得呢個只不過係娜娜奇嘅猜測，娜娜奇自己個態度其實亦都冇講到好死瓦茲強一定係咁諗
正正就係咁 先仍然有觀眾覺得佢做嘅嘢某程度係救村 係好團長，正如黎明卿佢一定係大仆街，但係喺第二個角度睇 佢只係瘋狂科學家，做嘅事係推推成個人類文明進程，亦真心愛小孩，呢啲面向睇佢又唔exactly係壞人
3.公主爆蛋嗰到，我都唔知動畫組改嚟做咩，有說係漫畫角度係公主自己視角睇啲生骸 所以會覺得佢地覬覦自己，呢到見仁見智

到貝拉弗，我唔反對可以畫多啲，但我覺得依家都夠充份
佢最重視嘅係人嘅「美」，佢對自己呢方面有充足絕對嘅自信
然而面對現實嘅殘酷佢都不得不屈服於生存本能之下，佢成個人生觀崩潰嗰種瞬速都好自然
其實呢到最大問題係，作者唔撚畫！佢畫得咁少真係冇計

大眼妹嗰到，漫畫其實得好細一格仔畫佢地百合，老實講我睇漫畫時都冇留意到，動畫又係唔知做咩抽走咗，但相對嘅動畫其實補咗一段大眼妹同維可同框，而大眼妹喺佢眼離扭扭另另咁

生骸被公主屠殺 之後又自願奉獻
其實你睇返廚娘講嘅嘢就明，佢覺得明明公主係嚟屠殺自己 但見到佢被大怪s輪咁慘想佢快啲逃走 自己都唔明點解會有咁矛盾
就好似新EVA咁 頭髮仍然生長代表駕駛員仍然係人類，呢到顯示咗生骸們其實仍然保有人性代表佢地喺某種意義上仲係人類
到點解要自我奉獻 又係好似廚娘所講，佢地間接參與咗 延長咗伊繆呢個細路女嘅惡夢
就係佢地明白佢地嘅生存正正係蠶食緊伊繆（唔關有冇食過BB事），但自己又想要生存（唔係都唔會拋棄人樣成為生骸），短短幾句同畫面已經描述咗呢種進退失據
你之後個講法反而係削弱咗生骸嘅爭扎 曾經身為人嘅人性，因為每個生骸都係窮途沒路先成為咁嘅模樣，名符其實慘劇終末，唔意外每位都有自己嘅故事同意慾，有啲真係想食公主啦 動畫都有做佢地流晒口水（漫畫本來係更多）
你指嘅排隊等食 未免太突兀了，亦唔覺佢地點解解要傳承探險意志，廚娘講呢啲自己嘅事，只有瓦茲強提及過要傳承積累令後人超越人類（我自己覺得佢背後有陰謀）

布耶可死呢段，首先 佢知唔知自己仍然係人類唔重要，佢講嘅「唔記得」係指佢唔記得有詛咒，佢監禁咗150年，咁長時間冇注意嘅嘢唔記得都好正常，出返嚟喺村入面佢都係行動自如
其次，佢係唔知個條村穿窿，呢句係變生骸發作第一句嚟
第三，佢睇唔到力場流入
最後，我覺得瓦茲強捉佢走 目的係挾持人質以防自己被公主殺，同時個人傾向係 瓦茲強想維可向上行死去，因為知道事情如果解決 維可係唔會死，當然實際上我只係9up

BGM更加唔認同，夏日時光BGM使用上係公認嘅差，成個po由頭到尾 到尾二集先話終於有一集係用得好
相反來自深淵兩個Po冇人屌過，得讚

冇睇吸血鬼 交俾其他人評論，你前面講到來自深淵係同季係中至中上，即係你唔係講緊作品質素，係指真係排ranking
咁全季51套作品入面 仲有冇其他例子可以講到來自深淵係排中至中上？

討論到咁真係辛苦

巴打你太認真佢根本無去深入了解過套野背後講乜
佢劇情要求畫出腸已經顯示佢係想啲劇情最好乜都交代晒唔好令觀眾有猜測

左下角

你媽SAUCE

你啱
感覺佢真係冇咁易就永遠退場
其他人一係被公主/大怪獵食、一係接觸力場消失、一係維可咁食詛咒而死
得佢化灰

你所講嘅一大堆野咪我講嘅鋪墊不足問題。本身成套野嘅價值觀已經係偏離現實常人，而佢選擇去描寫白卡嘅方法就係用一兩句對白去交待點解當事人會咁諗。有無交代同刻劃得好唔好足唔足係兩樣野。

三賢都係，而家係得布耶可寫得好，連團長執著再出發嘅動機都無辦法寫好------實際上癲佬動機向來都係好難交代得好，所以我先話尤其係對質嗰陣要突顯佢唔正常。當然而家是無的。

普魯修卡變左石頭都未算死，而家全部人比公主食哂記憶價值去哂公主到其實就係團長一手打造出黎借公主去探險。

bgm你地真係覺得ok隔離係無呢邊係唔夾

有時真係唔係下下up晒出黎話想點想點先叫做好架……..

咁有d人真係要非黑即白
畫公仔畫長穿腸先明
利申唔係講優劣,好定唔好之分
只能講百貨應百客

我都想睇團長視角同獨白，唔關交代得夠唔夠事，純粹想聽佢會用咩感情同文字去講件事

而家描寫嚴重不足啊。本來價值觀唔同嘅角色就特別難寫，普通角色價值觀同普通觀眾一樣可以取巧用觀眾自己經歷當鋪墊，但係白卡。舉例寫一個角色鐘意朋友鐘意屋企人幾乎係唔需要特別交代，但係要寫一個角色係好憎朋友好憎屋企人係需要一定篇幅描寫過去發生過咩事先可以合理交代角色性格行事動機。喺篇幅本來就唔夠去刻劃異常原因之下要做嘅就係用演出用音樂去烘托去突出角色異常一面等觀眾唔去諗點解。而今個第二季做嘅就係相反交代完就無完全無主次。

成套野一路都係講緊人面對未知去探索嘅精神。不斷出現嘅詛咒祝福一體兩面、異常黑暗血腥嘅情節都係用真實感去體現面對極大難題都要繼續向下行嘅精神。

你地講到成個第二季幾掂好鐘意但係連套野個主旨都理解唔到甚至覺得佢部份削弱立意表達嘅劇情無問題

其實如果你用瓦茲強個角度睇佢地成條村嘅價值繼承左落法普塔身上，佢地都無退場

Btw 其實用瓦茲強嘅觀念去睇就明佢點解咁做
一開始收留布耶可同伊爾謬伊唔係可憐佢地
而係俾佢地嘅價值發揮出黎(照顧人/導遊)
佢都唔係一開始就塞隻蛋俾伊爾謬伊，而係喺佢步入死亡(就黎失去價值) 嘅時候先俾佢用
殺子食子殘忍
但都賦予左佢地毫無意義嘅出生同死亡價值
唔俾貝拉芺死係因為佢地仲需要佢(嘅價值，亦反映喺帶頭入村果度)
會試圖諗方法令莉可用願望蛋係因為佢覺得莉可呢團人唔會生存得好耐，呢個係令價值存在得最好最悠久(同埋可以將成條村嘅價值繼續完整承拓落去) 嘅方法(強:你地最後都係會失敗，但願你地失敗之前能夠成功實現夢想blablabla)
某程度上都可以話瓦茲強係一個勢利嘅人，但佢勢利得黎亦都有遠觀同有耐性到肯等到果啲好似無價值嘅野(伊爾謬伊) 發揮價值為止
歸根究底都係想落深淵想探險，但瓦茲強無好似黎明卿咁天真(?) 到覺得愛可以發揮到好大作用，而係將目光擺喺點樣將價值一直承繼落去度(生骸村一直存在咁耐就係瓦茲強想要嘅野，只不過佢貪心到想要更多先會想對莉可出手)

瓦茲強唔做呢啲嘢
佢地團人就會喺百幾年前消失
化成毫無意義嘅骸骨同灰塵
無影響任何人，無任何人記得

而亦因為佢做左呢啲嘢
出現左生骸村，出現左法普塔
即使生骸村滅亡，嘛啊啊卡恰一眾生骸都會成為莉可繼續冒險嘅價值，甚至我覺得法普塔能夠入隊參加冒險就係作者對瓦茲強價值繼承呢個觀念最大嘅肯定

問題係你說服唔到人 點解係鋪墊 交代同刻劃係唔好 不足，而非其他人認為嘅啱啱好？
黎明卿都睇落好多秘密未講，來自深淵Boss嘅魅力就係神秘感，其實就連奧森都係，漫畫似乎會繼續講奧森
呢個係作者style，佢本身出得慢，你覺得佢寫唔夠、寫唔好，我又認為喺節奏明快、咁短嘅篇幅限制上係啱啱好
反而覺得如果跟你建議咁行係做多咗 太刻意同累贅，當然唔blame你呢樣

瓦茲強動機，已知劇情都明示咗，再多又係做多咗，除非佢有第二第三個layer可以帶到出嚟啦
有細心留意都見到佢同維可講「伊繆會成為佢地嘅救贖、有餵埋俾其他人食」時，都陰啲陰啲透露佢嘅唔正常
瓦茲強個性格係正面扮冇嘢發生 一切係順其自然，實際喺背後操盤，對質時突顯佢唔正常根本唔係必要嘅位，太故意咪就係俾咗框架觀眾佢一定係衰人

瓦茲強唔係嗰種會假借他人之手冒險嘅探險家
同時我傾向佢唔係「人之將死 其言也善」嘅人

老實講你講到BGM唔夾 係你幾篇cm入面我覺得最shocking嘅位
呢到、Youtube、reddit都係有讚冇彈，你真係天選之人

Ranking方面你舉唔舉到多啲，中之中上 即係起碼10套排佢前面掛

Lm

我傾向係佢同莉可一樣 冒險係要靠自己嚟嘅人
滿口謊言、死法奇特吊詭
同埋估佢150年嚟 佢接觸過咁多外來者、白笛 係獲得咗一啲情報
所以佢會以自己形式重新返嚟

普魯修卡：加buff 萬能鎖匙

有無嘛啊啊公仔買?