sor,因為我冇連登AC,所以叫朋友代我發文
對於強哥嘅陰謀,我有個新推測
我本人係巴哈有發過一次:
https://forum.gamer.com.tw/Co.php?bsn=47245&sn=6347
先講結論,
瓦茲強最大目的是繼續旅行,而尼個目的已經完美達成左。
他並唔係要造出莉可村,而係要法普塔尼個遺物覺醒並繼承甘嘉,甚至係承載全村人靈魂,再由一個瓦茲強認可嘅人,即係莉可好好運用法普塔尼個遺物一齊上路去奈落。
以上推測係根據:
1. 大家都比莉可村誤導左,果個係作者誤導讀者嘅。
莉可估中瓦茲強想繼續旅行,並且想莉可用蛋的力量令村民再次踏上旅程,可能是正確,但冇詳細講,只係含糊帶過。
娜娜祈估瓦茲強想造莉可村,係作者誤導讀者。
娜娜祈只能根據貝拉夫記憶去推測,但貝拉夫其實對瓦茲強並唔了解。
憧憬是距離理解最遙遠的感情 by 藍染
2. 生骸村最大謎之一係瓦茲強對第三粒蛋許左咩願望?
唔知,未解之謎,但可以從蛋嘅運作推測有冇實現/只係未實現。
願望蛋,願望消逝使用者會死 (最少係確定嘅)
願望蛋,唔合適人類用,人類要用最好係幼體用。
粒蛋咩情況會爆?願望大強粒蛋承受唔到會爆?願望實現果時會爆?不明。
但總之人類瓦茲強用左,冇事,粒蛋仲係佢體內,如果死=失敗,咁至少佢冇失敗,只係願望未實現/唔夠力量實現。
總之瓦茲強對第三粒蛋許左咩願望,係未知,冇死,但粒蛋已經比左伊魯謬伊。
3. 法普塔到底係咩尼?法普塔到底係咩種族?人?生骸?深淵生物?
法普塔隻眼個紋章係咩?好似雷古個紋章。
而劇場版娜娜祈有提過遺物上有紋章,代表使用次數,無例外。
佢係3粒遺物蛋嘅產物,法普塔眼出現左紋章,佢可能係遺物。
甚至係受到瓦茲強第三粒蛋嘅影響。
咁瓦茲強到底對莉可佢地做左D咩?
1. 見到莉可果時係問佢D咩?
食得開唔開心?(第4集)討厭我嗎?(第9集)你慶幸自己尼到尼條村嗎?(第12集)
目的係確認莉可係咪佢等緊嘅人。
2. 第6集,點解團戰瓦茲強消失左?
因為佢要測試莉可及佢團隊嘅能力。
之後引導佢去拎法普塔一部分,引法普塔入村。
失敗都唔緊要,繼續等下一個探掘家,因為佢都唔會老死。
不過,法普塔入村就一定冇救,點解要做上面堆野?
因為法普塔入村瓦茲強有把握可以達成目的。
唔係打贏法普塔,反正要繼續旅行,條村都唔需要。
3. 第10集,點解要補強條村?
明知法普塔入村,滅村係遲早嘅事。
咁點解消耗自己都要擋火雨,補強條村,結果引晒D怪入村係為乜?
係為左爭取時間,佢等緊貝拉夫出場,進行一個傳承嘅「儀式」。
第11集,貝拉夫出場果時瓦茲強講左句: 「終於出場了。」
貝拉夫唔清楚瓦茲強,但瓦茲強了解貝拉夫,一定程度預知到佢行動。
就好似以前入村咁樣,佢知貝拉夫會想比法普塔食,同時令法普塔繼承甘嘉所有野,包括記憶、精神及憧憬,令佢唔會係復仇後漫無目的,令佢踏上旅途。甚至係吸收村民時覺醒為遺物。
4. 第11集,點解要跳落底層?
瓦茲強應該知道布耶可想見法譜塔,但佢係跳左入底層。
其實保護布耶可只係順便,佢真正目的係搵莉可。
佢要莉可帶法普塔一齊上路,帶法普塔一齊去奈落。
以上就係瓦茲強佢嘅累積,咁耐嘅計劃就係等莉可尼個天選之人可以帶佢地嘅「鄉愁」即法普塔到底,而唔係其他白笛。
再套入靈魂論嘅推測:
劇場版雷古話自己體內好似有複數靈魂。
如果雷古真係一個靈魂容器嘅遺物的話
咁可能法普塔遺物能力一部份就係靈魂容器,佢就係條村嘅進化版
甘嘉同村民都係村嘅一部份,法普塔係吸收晒佢地,成為一體。
將條村由物質變左靈魂,變左法普塔村,繼續上路。
死嘅只有布耶可。
好有可能,布耶可死前真係見到法普塔體內有伊魯謬伊嘅靈魂,D對話係對伊魯謬伊講,而唔係法普塔。
法普塔睇到靈魂,但睇唔到雷古D 靈魂,都冇睇到自己。
以上只係推測,你可以話我為左合理化而過度解讀,但漫畫後面有暗示瓦茲強唔會咁簡單就死。
另外,布耶可嘅死係好可惜,係劇情殺,但亦都係第二季中最完整嘅人物,而係最後都搵到自己價值,係完滿左佢。