召喚lihkg所有學神/P牌巴絲 (105)

300好平架啦

10km以下都可以1波吊住極力行 吊極力果陣其實超級唔建議印brake 車速太快就再吊高少少唔係吊一半+brake
我無行過迦密唔清楚 但如果好似上面巴打講斜向上既 起步拉手掣吊一半極力 feel到車頭微震就比少少油鬆手掣上 直到行咗4~5米左右就鬆曬極力比大油 同你乙部斜路起步原理一樣

我早排都係上開$320一節

天光道棍Van肥咗

想請教吓：
未有查看交通情況 （開車前有望左右路面同左右鏡，係咪因為漏咗中鏡？）

未能充分使用駕駛鏡（係咪開車停車都要左中右鏡望哂？我見cut線個啲做足擰鏡望盲點佢就冇剔我）

未能調整車速以適應交通情況（我諗應該係最尾返試場條大直路無上3波？）

師傅冇乜點提望鏡時機淨係話緊張、少上考試時段
都唔知快期定正常好小灰

你係呢3個大tick?
頭2個就算你做漏通常都係細tick
第3個你係咪全段路冇上3波？

1. 比較難講 有可能係考牌官覺得你睇得唔夠遠 唔好淨係掛住自己前面幾米既路況 要睇遠啲出面發生緊咩事提早行動 例如前面幾十米紅燈有車排緊隊就提早收油唔好衝到去先發現要停再急踩 又或者老遠有死車就搵機會cut出去唔好到咗先拖慢cut
2. 我估你似係揸緊果時無/好少望中鏡 駕駛中要周不時望中鏡 大直路hea行無野做就做戲擰一擰頭扮望幾次都好唔係就會剔
3. 大直路前面無車一定要上3 唔可以用2慢慢行

如果有打算retake就排快期啦 依家個個排唔到快期到你排到都差唔多一年 一定有足夠時間比你重新操返好

係大剔我都呆咗
所以真心想知個完整流程等我下次做返足
我諗真係好嚴重唔望鏡其實佢會屌咗？
第3個我做過一次咋，係咪佢望唔到當冇

多謝指教！好詳細
想retake 㗎一定
自己覺得棍波操作上都okay
衰呢啲意識嘢覺得有D唔抵
諗住報港島唔洗過海練
聽聞得一個掃捍埔都唔易考

有冇人既學車師傅教
轉波果陣 慢慢輕鬆哂極力子先比油？
我見樓上巴打話鬆到磨擦點已經要比油
即係到磨擦點 就慢慢比油 同時左腳慢慢升起 同時右腳慢慢比油落去？
如果鬆哂極力張先比油會好chok?

我師傅教可以轉晒波 鬆晒極力子 再比油都得
開頭以為驚我亂先咁講 最後到考個日我都係咁做
都冇事
應該轉完波 搵岩磨擦點 停一秒 再慢慢放 搵得準車就唔會chok

棍van好似當有裝住貨所以唔使望中鏡？

正路起左腳就俾油 …….

起哂腳先俾油都得….點解會咁講
因為考試啲同學腳抽筋 1212唔到
未升腳就踩油 俾考官聽到狂呼油聲就控制不當

咁我唔知第2點巴打衰咩棍私無依啲規則 果時cfu成日叫我交足內心戲無野做就望左中右扮望鏡

停車拉手制前有冇望？

其實轉曬再比油定轉波鬆一半就比油都可以
點解cfu教轉曬先比油上面巴打都有講怕你未熟腳會變亂呼油 比人tick油門控制不當
鬆一半就比住油放埋果半好處係速度會快好多 例如當你迴旋處上高速要好快由2/3波上到6波既時候 每次都轉好曬再比油就會好花時間 再更追求慳時間仲可以係低波段吊一半極力比大油然後即刻踩極力再上一個波 不過超級傷車唔建議學 搵食車又唔係自己既就另計
仲有一個原因係每個波段都有佢最低速度 如果轉好曬再比油好有可能係你轉波既過程中因為收油架車失去動力跌出咗果個波段既最低速度而死火 依個情況係高波段會特別敏感
當然以上講既野都係考到車牌後先會發生既野 所以考牌跟cfu轉好再比油會比較穩陣

Thanks 2 位巴打詳細解釋

準備停車都要望左右
你有冇望

未有查看交通情況
可以係第21、23、56、58
佢剔係邊格
開車 停車 要望 揸緊其實都要望

我自動van , 師父無話唔駛望，停車前開車前要望，行車時左右鏡都順便望望中鏡。
但左盲點豁免。

但記住有牌果陣點都要望埋左

Yes,如貨唔滿，有得望唔望，好蝕抵！

21