召喚lihkg所有學神/P牌巴絲 (105)

上個post
召喚lihkg 所有學牌P牌/ 巴絲 (104)
https://lih.kg/3123166

好壞師傅list (只供參考，其實師傅都係人夾人嘅啫)
https://docs.google.com/spreadsheets/d/1P3ULTCnAeMVaZBseRkVgEQCKMRTTjUfzIxwtNeA69Hk/edit?usp=sharing

Q/A
問題1）
學咩車，幾錢先叫平，幾錢先叫貴，我報邊間學校或者駕駛學院好？

答案1）
首先要搞清楚，你想學邊款車，有2大分類，自動波及棍波。2款車，私家車(1仔牌)及輕型貨車(2仔牌)(以下簡稱貨van)。

問題2）
咁學邊款最著數?

答案2）
根據運輸署規則，考貨van牌係送埋私家車牌，考棍波係送埋自動波牌，換然之，學棍波貨van最合乎經濟原則，因為考1個牌就送埋其餘3個牌比你，即是Buy 1 get 3 free。

問題3）
我手腳唔協調架，學棍波實撞車！咁自動波應該學私家車定貨Van?

答案3）
你可以選擇自動波貨van或自動波私家車，同樣地，你考自動波貨van係會送埋自動波私家車牌比你。亦有人話，其實我只要自動波私家車牌就夠，少個牌對我冇影響，咁你可以只報1個自動波私家車牌。
棍波私家車，我唔建議大家去報考，一來師傅少，二來係4款車當中係最難學識。最易學邊款車，我認為最易學一定係自動波貨van，原因有3個：

第1，泊位會比私家車容易，因為考試個泊位其實係設計比大小小既車泊，例如貨van，而且貨van有後鏡可以睇到車尾入唔入到考泊車時既黃格，呢個絕對係優勢；
第2，貨van車頭有魚眼鏡，對考車既人仕要做3手軚掉頭極有幫助；
第3，貨van兩邊側鏡可以望到既範圍係比私家車為大，車身亦較高，盲點亦都比較少，而私家車有車頭部分，新手係比較難掌握與車頭距離，相反貨van司機已經坐到全車最前部份，只係需要掌握車尾距離感，所以我會建議新手學貨van。

問題4）
考試場地係點架？

答案4）
香港考車，主要分2大區-香港島區，九龍及新界區。以上我地都比較鍾意統稱叫考街。先講下九龍及新界區，考貨van，不論自動波或棍波，有5個試場，運輸署會隨機抽1個比你，分別有天光道，忠義街，油塘，澤安，永孝街。至於私家車，不論自動波或棍波，有3個試場，運輸署亦會隨機抽1個比你，分別係培正道，石蔭，忠義街。

香港島區方面就比較簡單，只有2個考場，分別係掃桿埔只考貨van及跑馬地只考私家車。

有人會問，李健或者鏗鏘果D係點玩法，嗱，我地要搞清楚，我地統稱呢D叫駕駛學校，駕駛學校係冇私家場，佢地只係幫你排街外場，亦即係你去跟私人師傅學車一樣，駕駛學校會幫你報名考以上幾個場地，再幫你安排師傅，而佢地比較有規模，可以隨時去投訴換師傅。

至於香港駕駛學院，佢係有自己既私家場，分別位於元朗，沙田及鴨脷洲。

有人會問，咦，我住元朗喎，可唔可以報元朗駕駛學院考，但用私人師傅或者去跟駕駛學校應考架，得唔得架，答案係NO，不可以。唔好問我點解，要問就問返駕駛學院點解政府會比咗個咁古怪既條例出黎。

仲有間新觀塘駕駛學校，佢哋觀塘嘅私家場係只考乙部，丙部去翻上面個油塘考。

問題5）
邊個場最難，邊個場最易？

答案5）
只要控制好部車，冇話邊個特別容易，邊個特別難。如果真係要揀一間，鴨脷洲駕駛學院，呢個絕對係全港最易試場。但要留意返，考官每日穿梭不同考場，昨日可能係天光道，今日可能係澤安，明日可能係元朗，後日可能係沙田，鴨脷洲係全港出名最易既試場，問題係考官去到鴨脷洲，覺得條考試路線咁易，自然會將心中把尺提高返，考生想合格都要合符返一定水平。

留名

岩岩睇完部Mazda 6洛埋訂 岩岩試揸原來貨van同私家車差咁遠

等緊架hustlerbb落地

補考抽到油塘
含得撚

多左個迴旋處同大機會係四山街
GOOD LUCK

睇完utube片
永孝真係易好多...
咁多 1 take pass唔到 dup哂春
肥豬肉擺到口都唔識食

嚟緊想考大巴牌 想問私家車P牌一年
計唔計在內

果時八掛問師傅
佢都話泊位 起動 都大分別

睇片黎講 油塘好似真係最難

究竟有幾多快期係油塘

有冇人知抽到快期去運輸署俾錢洗唔洗排隊

可以網上比

係咁系統繁忙
想今日去交咗算 洗唔洗排一粒鐘

其實香港考車同P牌制度都係on9
考車如果你自己報中左covid，唔會比快期你，要排到出年，咁咪即係鼓勵你隱暪

P牌又係，扣分扣到一個位要重新考試，於是就好多人雪一年先開始揸車

有時係facebook見到d傻閪女人中左走去報
之後話要排隊尾
笑撚到嘰出聲

P牌制度雖然變相鼓勵雪一年 但都幾難可以再優化到
以前聽老豆講佢考果陣無P牌一考到就直接正牌 後來加P本意係代表依個人已經qualify獨立揸車 但提醒其他道路使用者依條友新手上路 比定心理準備佢可能手車衰啲讓下佢 比佢有一年時間熟習獨立駕駛同行highway 如果覺得一年自己仲未練夠仲可以再續P
結果啲人就覺得P牌又柒又唔可以過70etc 就想雪一年再出車 結果咪變道路炸彈
打RPG你都唔會有新手保護期唔要 一開波就衝上位地圖啦

我想抽港島快期

我想keep住show個p牌得唔得，個個見到我就讓開

笑死 生人勿近咁

有D人專揀P牌劏

P牌懲罰應該同正式牌睇齊，吓吓加監停牌，啲高危人士炒過一次就雪個牌雪到甩P仲危險
仲有時速70應該要係建議，新牌嗰時行吐露港公路行70俾啲大貨櫃推到傻

以上嘅嘢改到啲人唔會想雪個牌，同會樂意掛住個p牌揸車，新手掛個p牌又可以提吓其他駕駛者

現行制度之下
雪P 一年真係絕對理解
身邊好多朋友/ 同事都係甩P 先再補鐘 熟番手先出車

時速70好難改建議 前排撞老牛果單條女咪一樣覺得自己40片入彎無問題 條路寫行幾多一回事以自己技術應該行幾多速度依家野真係講經驗同instinct
assume所有新牌仔都未有依個能力就索性全部鎖70都叫有佢既道理 highway見到前面P牌做站長一係自己爬頭一係死死地氣跟70 成日見啲人唔gurP牌仔行得慢推住P牌仔又bu又閃燈真係駕駛態度好差