召喚lihkg所有學神/P牌巴絲 (105)

舊人新境 · 2022-09-08T23:04:44+08:00

上個post 召喚lihkg 所有學牌P牌/ 巴絲 (104) https://lih.kg/3123166 好壞師傅list (只供參考，其實師傅都係人夾人嘅啫) <a rel="noopener noreferrer nofollow" href="https://docs.google.com/spreadsheets/d/1P3ULTCnAeMVaZBseRkVgEQCKMRTTjUfzIxwtNeA69Hk/edit?usp=sharing" data-sr-url="https://r.lihkg.com/link?u=https%3A%2F%2Fdocs.google.com%2Fspreadsheets%2Fd%2F1P3ULTCnAeMVaZBseRkVgEQCKMRTTjUfzIxwtNeA69Hk%2Fedit%3Fusp%3Dsharing&d=Tuv4ocrG%2BdjcVe3KFH%2BawO1WvfKOlAkI5V%2BcGSWttE4%3D&h=13f6ef3a" data-auto-link target="_blank">https://docs.google.com/spreadsheets/d/1P3ULTCnAeMVaZBseRkVgEQCKMRTTjUfzIxwtNeA69Hk/edit?usp=sharing Q/A 問題1）學咩車，幾錢先叫平，幾錢先叫貴，我報邊間學校或者駕駛學院好？答案1）首先要搞清楚，你想學邊款車，有2大分類，自動波及棍波。2款車，私家車(1仔牌)及輕型貨車(2仔牌)(以下簡稱貨van)。問題2）咁學邊款最著數? 答案2）根據運輸署規則，考貨van牌係送埋私家車牌，考棍波係送埋自動波牌，換然之，學棍波貨van最合乎經濟原則，因為考1個牌就送埋其餘3個牌比你，即是Buy 1 get 3 free。問題3）我手腳唔協調架，學棍波實撞車！咁自動波應該學私家車定貨Van? 答案3）你可以選擇自動波貨van或自動波私家車，同樣地，你考自動波貨van係會送埋自動波私家車牌比你。亦有人話，其實我只要自動波私家車牌就夠，少個牌對我冇影響，咁你可以只報1個自動波私家車牌。棍波私家車，我唔建議大家去報考，一來師傅少，二來係4款車當中係最難學識。最易學邊款車，我認為最易學一定係自動波貨van，原因有3個：第1，泊位會比私家車容易，因為考試個泊位其實係設計比大小小既車泊，例如貨van，而且貨van有後鏡可以睇到車尾入唔入到考泊車時既黃格，呢個絕對係優勢；第2，貨van車頭有魚眼鏡，對考車既人仕要做3手軚掉頭極有幫助；第3，貨van兩邊側鏡可以望到既範圍係比私家車為大，車身亦較高，盲點亦都比較少，而私家車有車頭部分，新手係比較難掌握與車頭距離，相反貨van司機已經坐到全車最前部份，只係需要掌握車尾距離感，所以我會建議新手學貨van。問題4）考試場地係點架？答案4）香港考車，主要分2大區-香港島區，九龍及新界區。以上我地都比較鍾意統稱叫考街。先講下九龍及新界區，考貨van，不論自動波或棍波，有5個試場，運輸署會隨機抽1個比你，分別有天光道，忠義街，油塘，澤安，永孝街。至於私家車，不論自動波或棍波，有3個試場，運輸署亦會隨機抽1個比你，分別係培正道，石蔭，忠義街。香港島區方面就比較簡單，只有2個考場，分別係掃桿埔只考貨van及跑馬地只考私家車。有人會問，李健或者鏗鏘果D係點玩法，嗱，我地要搞清楚，我地統稱呢D叫駕駛學校，駕駛學校係冇私家場，佢地只係幫你排街外場，亦即係你去跟私人師傅學車一樣，駕駛學校會幫你報名考以上幾個場地，再幫你安排師傅，而佢地比較有規模，可以隨時去投訴換師傅。至於香港駕駛學院，佢係有自己既私家場，分別位於元朗，沙田及鴨脷洲。有人會問，咦，我住元朗喎，可唔可以報元朗駕駛學院考，但用私人師傅或者去跟駕駛學校應考架，得唔得架，答案係NO，不可以。唔好問我點解，要問就問返駕駛學院點解政府會比咗個咁古怪既條例出黎。仲有間新觀塘駕駛學校，佢哋觀塘嘅私家場係只考乙部，丙部去翻上面個油塘考。問題5）邊個場最難，邊個場最易？答案5）只要控制好部車，冇話邊個特別容易，邊個特別難。如果真係要揀一間，鴨脷洲駕駛學院，呢個絕對係全港最易試場。但要留意返，考官每日穿梭不同考場，昨日可能係天光道，今日可能係澤安，明日可能係元朗，後日可能係沙田，鴨脷洲係全港出名最易既試場，問題係考官去到鴨脷洲，覺得條考試路線咁易，自然會將心中把尺提高返，考生想合格都要合符返一定水平。

冬天或再可相見 2022-09-20 13:46:20

51063956
覺得佢都幾好

Yankton 2022-09-20 14:32:31

唔係

你光豬 2022-09-20 16:44:02

我每次停車都會chok一chok，同埋大約預早幾多距離開始踩brake?

Hilary陳昕翹 2022-09-20 16:53:45

點樣入停車場可以接近D八達通

好驚撞倒

無雀仔嘅腳仔 2022-09-20 16:54:40

用假鳩最好

靜默曲章 2022-09-20 17:00:29

chok係指車頭chok定成架車chok?
如果車頭chok就係太低速都未踩極力成架車chok就係你最後brake印太深夾硬踩停佢
brake距離要睇車速好難一個距離萬能key 你見到前面唔去得就已經可以輕輕brake定覺得仲唔夠就再印深少少再唔夠就再深少少直到半個車位前就右腳brake不變左腳一下踩盡極力

靜默曲章 2022-09-20 17:08:54

入停車場果時盡量貼近八達通機入去車窗就到機位就相反方向扭盡停車
入果時你望住部機揸好難hi到多數出事係拍完卡開車一起步果下唔記得堂軚方向先hi埋去所以提早比盡相反方向起步果刻已經遠離部機就無問題

瘋狂打疫苗去食飯 2022-09-20 17:13:19