（眼鏡撚交流討論）貼你副眼鏡 21

2間都幫趁過，無可否認上目調教鏡係pro 啲，但食水太深
新黑我係佢仲係百寶利年代幫襯，果陣買左十幾副都有，估唔到後生仔老闆越做越大

你咁熱情 搞到我想同你求婚添

10年前邊有宜家咁多人玩日本鏡框
無可否認係新黑帶動

算啦kelvin，做番你嘅自由行生意啦

篇文酸到呢... 疫情前對客淨係識白鴿眼
唔係疫情，你邊度care香港人生意阿，廢老

主觀野唔評論 你一直話唔舒服唔滿意佢係會好用心同你校
但你睇佢用d工具全部都係冇包膠or布
就咁夾落去個鏡架度 會唔會刮花其實係抽獎黎
我依家喺佢度配嗰副校完過兩日洗眼鏡嗰陣先發覺有條痕
但因為過左太耐都追究唔到所以冇左下文
後尾我去過幾間 佢地都係拎布包住個鉗先校
或者係直接包左熱縮膠套 完全唔會好似新黑咁就咁金屬掂金屬

上次諗住去新黑配鏡 有個後生女嚟serve我 可能見我副眼鏡無牌子啦 就亂咁pat我副眼鏡 成個感覺好唔專業 臨走話唔想買 （我嗰副係古董眼鏡）佢問我洗唔洗配返最低價錢嗰副鏡片 我心諗：屌你啊

之後去另一間銅鑼灣黃店 人哋一拎上手就知靚嘢 即刻拎去洗去抹去檢查 成個感覺真係專業好多

無比較真係無傷害

咩古董咁威 有冇圖研究下

不過新黑有樣野好你可以隨便喺櫃桶拎眼鏡試
唔會有人特登跟住你 對於客黎講stress細好多
舊嘅款佢成日都有留一兩副而且價錢好平
但新返款價錢其實都係市價黎
好似之前個post有巴打講2022ss嗰副stratus人地賣3300佢賣4100

真，新黑咁多間分店大部份員工對眼鏡既知識係唔合格，但佢真係比其他大鋪平
咁未睇啲客覺得值唔值得俾個差價去買佢口中既調校技術同售後服務囉，係上目配過2副又唔覺得有幾咁特別，講到尾都係百貨應百客既道理姐
搬晒啲行業長遠健康發展同前人種樹後人涼出黎真係笑死人，唔諗下自己咁多年都係mark到個價勁高，咁係對你盤生意健康姐，同埋無可否認係新黑將日本手造眼鏡變得大眾化同貼地左

開戰啦

我反而覺得旺角新黑較眼鏡手勢好啲
雖然配鏡奶過野 但新黑購物體驗真係幾好

上目無買過 但記得幾年前問同一副架
新黑平上目$1500

上目又貴 D sales又串
早輪行cwb 鋪頭 我行近少少望吓
即刻有個呀叔走埋嚟話佢哋呢度啲眼鏡唔可以好似其他舖頭咁隨便攞

心諗使唔使咁撚驚

之後有個西裝友行入嚟就同佢講隨便睇隨便試

利申：嗰日就咁着普通T恤牛仔褲

本身已經mark up得貴 有錢都唔幫襯你

最後幫襯咗第二間

介唔介意比較埋Warehouse
因為黎緊打算去幫襯

自從Jonathan冇落舖頭
我覺得整體所有新黑sales係差咗

新黑好既係任你試任你影相，款多，但配鏡感覺無咁好。
上目較鏡好好手勢，唔好既係試上面又唔比影相，又唔俾個型號你，得個代號，都唔知怕咩。又貴。配鏡無折。YP好似係佢代理。

價錢warehouse大部分都貴過新黑
香港配鏡標準指南係去新黑試到啱>記低鏡架牌子型號>上網research價格/服務
我副鏡框喺新黑買剩架 跟住去左隔離配鏡片
價錢平d 驗眼設施又多d 有咩驗眼壓青光眼嗰d

我成日驚人地換左副框
打算去warehouse/新黑配一副，再之後去日本網站配

上目直頭係吸血鬼

試過托佢搵副OP，日本正價先二千幾個店長開一萬元，痴撚線當人ON9
試過搵其中一個店員幫手較副眼鏡，個店員睇都唔眼直接攞鉗整花個鼻托位
之後永不錄用

上星期第一次去新黑副，聽完個價即刻俾錢。
上目調較係PRO D ，但一定唔值俾貴30-50% 價錢

果陣係上目買左2副tart 配zeiss 鏡，每副差不多6000，可能而家黎講算平