錢係我最大嘅戀物癖，22歲輸晒所有身家

不過你1年贏到1千萬就會覺得下年贏到幾億

其實你咁後生就用炒賣呢個技能得到咁多錢
都係一種成就解鎖嚟，好多人一世都做唔到
依家雖然啲錢冇晒一時間令你嘅價值觀出現動搖
但係人生有好多方法去得到財富同成就感
唔係只係得搵錢
如果用搵錢多與少嚟決定自己有冇價值
咁你依家一定會好痛苦
人生到你死咗嘅時候
銀行存款有幾個零都冇意義
你回顧人生會發現你嘅價值係在於你做過嘅事
你為呢個世界帶來過啲咩貢獻過啲咩
呢啲嘢先會留喺大家心入面

我三十幾歲人銀行長期只得幾萬蚊
亦從來都未試過超過二十萬積蓄
我從來都唔會投資同買股票買幣
因為我知道對我嚟講錢夠用夠生存就可以
我唔會因為搵到好多錢就產生成就感
喺好多人眼中我呢啲就係人生嘅loser
但我從來唔會覺得自己係冇價值
因為我用我努力搵返嚟嘅錢做我自己嘅創作
亦用嚟幫過好多人同動物
我覺得雖然呢啲財富最後唔喺我身上停留
但我嘅存在有令到一啲人得到幸福
令啲一啲眾生冇咁痛苦，我就功德圓滿
我都會有懷疑自己嘅時候
如果我係你咁後生就經歷鉅變
我都唔知點樣可以調整返個價值觀
我覺得你可以諗吓除咗搵錢之外
其實你一定仲有好多被呢個世界需要嘅理由
只係你自己唔記得咗 迷失咗
你已經比好多人好彩嘅係你唔需要還債
你自由自在冇案底 你仲好後生
人生仲隨時都可以㩒個掣重啟
咁咪試吓唔好靠運氣 靠自己努力去成功
如果你做到靠自己實力東山再起 一定會更加爽皮

呢一刻你可能好痛苦
但我地嘅人生好長好長
一定係起起落落
唔會只係得痛苦
將來一定都會有幸福嘅時候
而幸福嘅標準一定唔會只係搵到好多錢
靠物質嚟得到快樂只係其中一種方法
共勉之

我都係相信食幾多著幾多整定，所以我都係返工

嘩一千萬， 擺比較穩陣收息股都基乎成世唔使做

交學費買經驗

試下學下點樣善待自己
就算無左咁多錢，咁又點？
唔通你條命淨係值依個價？
當你有咁多錢時，你又係拎曬去幣到
有錢，同無錢，你嘅表面上嘅生活都無變到
變嘅就只有你內心，同眼前嘅數字
咁你自己呢？
試下搵翻自己，自己冷靜幾日，幾星期都得
會好好多

咁既諗法無可能賺到1千萬

可能10萬賺幾萬就想止賺

心理醫生同精神科醫生最大分別係

一個有權力開藥比你
另一個無權力

如果心理學家開藥比你,但又唔係神科醫生
咁條友就好有問題

因為神科醫生係大過心理學家.....

如果係真，向好方面諗你慶幸自己後生嘅時候得到教訓，好好調整心態，日後大把日子東山再起

追求快樂

差唔多 不過輸得多你幾倍 輸到懷疑人生
唯一好彩Cashout左部分 可以繼續上路

Jump咗？

有千萬，你就想過億
有一億你就想十億

有十億你就想變李加城。。。。

睇黎你都無咩追求。。。。

笑咗 本身一世收息cc 服服 計現價btc 你都成2千萬

無風險管理話知你贏到百位數啦

郭富城都失去了一切 驚西

讀好d書 學返門專業知識好過啦
有本事咪去ibank 做囉 冇本事咪認命囉
個個都識炒股 就唔會有韭菜啦
個個都識炒股 人地投資銀行 就唔洗請trader啦

126粒btc

咁睇，用自己最風光去比而家點都死，用未開始炒嘅時候來比較，你而家都唔係好差。

過咗去就過咗去啦，錢可以再賺。

好似我老豆咁97 輸哂d錢，今時今日仲悔恨緊，有咩用？休息下，重新出發啦

字太多

總之
你仲細
大把日子

大把投行trader都俾人割啦

先22歲咁後生
跌過先識話要控制風險
儲返個本 再嚟過

你既問題係, 你搞咁多野只係想摑老豆老母幾巴
你一日唔放下, 俾你拎到幾千萬亦係浪費
而家先係最好既時機俾自己一個機會同自己和解
屋企人仆街你控制唔到, 你只有控制自己唔好為佢地而活