[KPOP] K-POP 2022討論區 (37)

唔係炮友啦

試下講邊個大前輩係lv3定lv4
本身都以為佢真 世界女 但咁鬼多破綻
車銀優都多得佢唔少

Nako返到日本好靜

的確人係有分熟同唔熟嘅朋友
但咁樣講出嚟都唔知話佢on9定蠢
咁其他朋友係咪冇見佢嘅必要啦

由佢101觀察到宜家，或者可以咁形容：唔係唔識撈，但只係片面識撈。

長輩前輩角度睇佢，佢絕對係勤奮上進，知機守禮，演藝技能交足功課。某啲綜藝人，同埋《驅魔麵館》劇組啲前輩演員都有認證，咁睇佢幾年嚟基本嘅演藝表現又的確對得住呢種評價。問題係佢對同輩後輩就另一回事：好9L多「意見／諗法」，平日跟住「大叔」+「領袖」人設死忍爛忍但又不時忍唔住，久唔久就會有嘢自膠，令人對佢有小器同虛偽嘅印象。佢近兩年拍劇多，開始上位，本來都好似少咗呢類嘢，估唔到今次又嚟料。有時為人嘅嘢，真係改唔到。

另外in a way佢把口唔收忍唔到，早幾年掘到常駐綜藝，拍白鍾元個《胡同餐廳》，都已經試過：去到人哋啲食店，品評太多太盡，搞到節目組同店家都有老尷情況，結果10集就落車，之後。嚟到宜家，就係做節目拍劇之類嗰啲「公事」嘢忍到，但一到個人訪談touch到佢本人就穿崩。總之呢味嘢，可能要搵個前輩認真提下佢睇《三國演義》入面楊修之死嗰啲，先或者可能再改到下。

即場分

同志效磨埋豆腐添

禾都想做車銀優lv 1好友

如果車銀優係1 呢兩個有3叫賺左啦

其實套埋韓國傳統文化就好易理解佢呢種習性：講輩份講禮數。

用文言文史書寫法，佢大致就係「負氣持儀節，熱中求進。恭於事上而輕慢於下，於同儕罕所許可。......」呢種咁。

即場拆人情

隔住個Mon都覺得好尷尬 救命

New Jeans d 歌好正

如果真係醒目到底嘅，有得兜：effectively by hook or by crook 講到「宜家係3，(希望)遲下變2變1啦」，咁就算假得嚟都叫體面。佢嘅毛病就係咁，一到事關同輩後輩就hold唔住，爆漿瀨尿牛丸咁爆，連搵張紙巾抹返都唔識。

如果咁講 佢圓滑嗰面只係一種錯覺

btw原來胡同餐廳係因為呢個原因先咁快下車 仲以為佢忙之類

好癲

去食野個店員淨係識世正
唔知佢係twice

當時落車原因係有少少語焉不詳，行程唔夾就最佳理由啦 (嗰陣頭10集，佢又的確有3集缺席)。問題係，新節目，收視OK，而且係開山唯一一個女主持／助手，真係無嘢嘅好難會咁樣兩嘢就落車。嗰陣有啲人咁樣講笑，但空穴來風未必無因：
https://www.koreastardaily.com/tc/news/111405

認真講，佢「圓滑」係因為前途而迫出嚟嘅「社會性」，而且係緊貼住社會傳統個尺度，同自己負面嗰浸嘢無衝突嘅就由得佢唔會改。出嚟搵食咁樣好難話啱定唔啱，但畀行內其他(有影響力嘅)人甚至大眾睇到破綻，就肯定唔係最好嘅玩法。

I.O.I
世正呀

兩邊fans又準備互屌

I.O.I已成condom

咁樣講出黎唔知話佢率直好定唔識人情世故好

呢啲擺係心咪得 咁樣分等級比你開名嘅都覺得尷尬啦

將最人情世故／現實嘅嘢，用最唔識人情世故／現實嘅方式講晒出嚟。只此一家，別無分店~