喬喬眨眨眼,正欲開口,陳凱婷卻率先替她回答了:「佢返唔到屋企,而家嗰班人就塞住佢門口,冇一日半日都唔會走。」
鍾文傑拿杯子的手頓了一下,然後嗯了聲,支起身子為喬喬騰出位置。
「搵到佢阿媽,人哋拜託我哋幫手睇住喬喬一個星期先。」
陳凱婷靜默了一會,欲言又止,思索片刻便叫鍾文傑隨她進房。
房門輕掩,鍾文傑還是第一次踏進對方的地盤,他按捺著好奇心隨意坐在電腦椅上,悄悄環顧四周。
「睇完未?」她本來下意識想交叉雙臂,可又看到自己帶著傷,有點尷尬。
鍾文傑自討沒趣地把雙手下巴墊在椅背上。
陳凱婷挨著牆,晃了晃頭,好像一時間想不到該從何開始。
思來想去,還是先交換情報比較穩妥。
「你點解唔同我講呢?」她先發制人。
「講啲咩?」
「佢老豆嘅事啊!!」陳凱婷回過頭瞥了一眼門縫外的人,再用氣音激動道:「你知唔知道佢爭咗幾多?」