「屙唔出都算!最搞笑係其實大家都喺門外面等,但問極佢都冇反應,羚羚以為佢暈咗,擔心到喊住要搵表哥!嗰陣一撞入去,文傑連塊面都嚇到青埋!」房東笑得花枝亂顫,完全無視周遭的氣氛。
「求下你唔好再講啦!」鍾倩羚羞死了,不禁回過頭高聲抗議。
「好啦好啦!唔講你啦。」房東擺擺手:「之後文傑好似因為呢件事同人打架,阿嫂嗰陣忙著返工吖嘛,根本唔清楚來龍去脈。結果為咗冚住件事就話文傑屙唔準!」
鍾文傑礙於對方是長輩,只能在一旁陪笑,心裏恨不得用強力膠紙把姑媽那張嘴封起來。
夜幕低垂,屋內燈火通明,笑聲四溢。
最後房東是被鍾倩羚架著回家的。
按照江湖規矩:誰煮飯誰洗碗。因此鍾文傑歇了會兒就開始跟髒碟較勁。
念及鍾文傑獨自炒了一桌子菜也不容易。陳凱婷良心過不去,收拾飯桌後就轉身去廚房,曲起肘往人腰側一撞,讓他在旁邊擦乾碗碟。
她扭開水龍頭,連頭也不抬。
最近兩人陷入沉默的情況愈發頻繁,這次誰也沒有提起剛才鍾倩羚口裡的話。