我女朋友仍住我同ex有嘢 （2）

首先好多謝咁多位巴絲鬧醒我我都明大家想表達嘅嘢。拍拖冇辦法兩全其美，拍拖有開心嘅同時就係要犧牲另外一啲嘢，我自己覺得同個ex冇嘢係冇用嘅，要佢都咁諗先啱，如果唔係痛苦嘅的確係佢。

我都知自己過份咗，一時燥底咗係因為，我一路以嚟付出咗好多，女朋友又係比較大頭蝦又有啲公主脾氣，我成日都覺得我太多嘢讓步，所以先想佢讓返我一次，一次都好，但我冇諗到依一次係個咁無理嘅要求。

我同咗我女朋友達成共識，都同ex講咗唔再私下傾，我女朋友想幾時check手機就幾時俾佢睇，佢都同意咗，依個應該係對我地最舒服嘅解決方法，多謝咁多位巴絲點醒我

真係無咩理由唔質疑你

師兄可唔可以講多啲，想知佢點諗

又用ex送嘅嘢又同個ex繼續打機囉
送嘅嘢如果實用嘅話個人覺得繼續用都ok嘅，但係仲同ex有聯絡就⋯
你話你同個ex有避嫌唔單獨約出街，但係你又同佢打機仲有聯絡
雖然話信任係好緊要，但係你易地而處諗下如果今日係女朋友同個ex繼續保持來往你係咪都ok100%信曬對方唔會有條刺先
你條女又唔係24小時望住你同你ex嘅對話，點知你係咪真係純打機

佢有解釋佢送俾我嘅嘢仲冇穿冇爛我先繼續用但佢都好似唔明咁
佢同ex傾我冇所謂，冇過界咪得，我會信佢呀。