新手免費塔羅占卜 + 傾計 post

巴打，唔好意思咁遲幫到你占，想請問你需唔需要update 問題？

絲打你對男方嘅感受，抽到受制牌，會覺得自己係對方面前展露唔到自我，好多都要收收埋埋咁，唔想比對方知你真正想法。

男方對你嘅感受，抽到叛逆者，佢會覺得你唔太願意投入呢段關係入面，而且覺得你都幾有主見，唔似一個乖乖女咁。

綜合能量，抽到孤獨牌，你地雙方似乎好少交流，甚至我會覺得你地都未有感情基礎，似神女有心，襄王無夢嘅感覺。

洞見，抽到平常牌，似乎都係絲打你單戀緊對方為主，男友唔似對你有意思，但係又對無反感，所以要你想唔想更進一步。

將來半年，抽到全然牌，絲打如果想追求對方，就要多d 展露自己，因為對方似乎有鐘意嘅對象出現。

希望解答到絲打你

Hello 巴打, 想問學業加身邊有冇人對我有feel?

樓主你好
我係c男 想問下同k女有冇發展機會

更新
搵工個方面都係想知道未來三個月搵唔搵到

另外同ex傾返計2個幾月，但早幾日又斷咗
想知佢係咪有其他對象，佢對我嘅感覺係點，我哋冇機會復合？

唔該晒樓主，辛苦晒

如果方便嘅話都可以
我幫佢哋做咗freelance，想睇下有冇機會
謝謝你

好呀

樓主你好，因為依家呢份工同我本身想做嘅方向唔同，但做落覺得都唔錯。想問下依家呢份工做嘅野係咪我將來應該發展嘅方向？定係應該再試下本來想做嘅方向？如果繼續做呢份工落去，個事業發展又會係點？

唔該樓主

主題牌，抽到開花牌，似乎巴打依家係呢份freelance job都會覺得幾滿足同享受，感覺呢份工都尚算唔錯。

現在，抽到覺知牌，巴打得到呢次工作機會，覺得終於都唔洗咁焦慮，日日都要等通知。但就比較擔心自己將來發展，無太大安全感。

預期，抽到守財奴，面對住收入同福利問題，你會覺得呢份工充滿疑慮，因為freelance job 會唔太穩定，會認為公司計住budget 先會作出呢個決定，從而對呢間公司都唔太滿意。

實際情況，抽到內在聲音，巴打現在會出現雜亂嘅聲音係腦海入面，會覺得比較混亂，但係只要巴打你安靜落嚟，聽返自己嘅內心，就會知道自己嘅需要同理想。

建議牌，抽到意識牌，訊息建議巴打你講，面對住將來未知嘅情況，只要好好咁客觀觀察，內心其實係會知道reelance晉升機會嘅情況。

將來牌，抽到旅行牌，巴打半年內要係freelance job 入面達成自己嘅目標似乎仲有一段距離，而且仲需要你好努力表現先會達到目標。

希望解答到巴打你。

謝謝巴打開牌

其實我都feel到係單戀
你開埋牌
令我死咗條心jeh…..

咁都係取決於絲打你知道左個趨勢之後，會點樣作出回應同決定嘅姐

過去，抽到傻瓜，絲打你過去為左搵到理想工作，唔太理會外界環境，全心全意咁去搵野做，一股熱誠不停咁去嘗試。

現在，抽到守財奴，絲打你對於搵理想工作似乎有d 執著，唔太肯放唔低身段去試其他行業或者待遇條件較差嘅工作。

將來，抽到勇氣牌，將來三個月絲打你會搵到搵到野做，但係就需要你以時勢去搵野做，要睇餸食飯。因為黎緊嘅經濟都唔太好，食物同生活成本又會上漲，建議你搵到工就暫時做住先，騎牛搵馬再算啦。


愛情方面：

你對對方嘅應覺，抽到放手牌，你會感覺對方似乎已經放低左呢段感情，唔再執著關係中。

對方對你嘅感覺，抽到對抗牌，對方對你嘅感覺會覺得你係呢段關係充滿不信任，有d固執咁，而且唔認同自己過往係關係入面嘅錯失，

綜合能量，抽到執著過去牌，雙方都因為過去分手嘅回憶，令到雙方都認為呢段關係相當痛苦。所以會睇唔清大家現在對於現況嘅睇法。

洞見，抽到機會牌，雙方將會採取觀望態度去面對呢段關係，而且雙方嘅地位都有所改善。期待將來可以復合嘅機會出現。

將來半年，抽到妥協牌，絲打你地都會復合返，但係關係都似乎一般般，只係維持住少少嘅連繫。關係唔係太理想咁。

希望解答到絲打你