過去,抽到改變牌,絲打似乎係搵工上嘅策略同方法無嘗試過改變,所以搵工嘅情況一路都無改變。
現在,抽到精神分裂牌,絲打現在係搵工嘅情況,可能因為失敗感令到你唔敢直接面對困境,開始有啲逃避搵工責任嘅感覺,好辛苦咁堅持決心搵到野做。
預期,抽到道德牌,絲打對於預期都覺得好失望,完全睇唔透前境應該點樣去發展,比困局蒙蔽住自己內心,失去搵工嘅動力。
實際情況,抽到投射牌,訊息提醒絲打你要放低對於將來嘅恐懼同不安嘅壓力,呢啲負面元素都只係你腦海入面嘅投射黎,並唔係真實嘅情況黎。認清自己內心逃避緊痛苦來源,先至知道自己嘅困局出自邊一度。
結果,抽到前世牌,呢張卡唔係講緊你前世業障呢d神怪野,而係同絲打你講,之前嘅經歷都已經成為過去,唔好再比以往嘅負面情緒同陰影束縛住你嘅動力。呢d元素都係一直拖住你,搵唔到工作原因。
建議牌,抽到雷電牌,呢張卡我抽到都唔會鐘意,訊息同絲打你講,要直接面對你嘅苦難,要你繼續努力咁去投CV,我知咁樣好磨蝕心智同動力,嘗試睇下自己CV有冇野要修改或者搵工嘅策略出現左問題?
勇敢捱過內心啲痛苦,先至有機會搵到野做。
另外我抽左月相卡,睇下有咩訊息:
行為上:訊息提醒你要努力堅持落去,嘗試check下自己需唔需要調整下策略同方法?因為艱難嘅時期就快要過去!
心態上:訊息鼓勵你,唔好睇小你自己,擔心太多唔會對件事有幫助。出去做下運動或者做下善事幫下人可以平衡返你嘅身心。
思想上:訊息提醒你要,要面對你嘅恐懼,如果真係拖得你好嚴重,要搵朋友或者外界幫你手,記得盡左力之後記要順其自然,要相信宇宙會安排一份合適嘅工作比你,請你勇敢堅持落去。
希望可以幫助到絲打你