新手免費塔羅占卜 + 傾計 post

hello樓主
想占事業
而家做緊份穩定但冇興趣既工 做到好迷惘
想知我應唔應該做多陣辭職去讀書/進修鐘意既野追夢？
感激

現時，巴打你好努力咁為自己嘅學業去付出精神同心力。似乎係為左黎緊嘅考試做緊準備？

將來呢一年，可能巴打去到一間新嘅學校/環境讀書，面對住陌生環境，你會發現自己同周圍嘅同學格格不入咁，對自己無咩信心，所以想盡辦法去同新同學埋堆，所以到時你會覺得讀到唔太開心。

現在，抽到嘅係朋友牌，絲打似乎係同緊一位對象發展緊，而且感情都發展得唔錯，但係似乎對方當你係好朋友多過情人咁wo

將來呢幾個月，絲打似乎會遇到多角關係當中，不過如果絲打如果單身就無咩所謂，係競爭對手多左咁姐。

hihi 樓主～ 想問問婚姻關係係咪會keep住美滿 會否有小朋友 同移民機會大唔大
想再問深入d ga 不過怕樓主忙 問住咁多先

過去，抽到頭腦牌，見到巴打你都因為疫情關係，搞到你好煩惱，本來好多野都plan 定好哂，但就因為外來因素，搞到一時之間失哂預算。

現在，抽到平凡牌，巴打現時面對住疫情都只能夠默默耕耘，雖然唔似以前咁拼命努力，但係都唔想得過且過，hea 住做就算，希望困境盡快過去。

將來，抽到成功牌，巴打因為之前默默耕耘嘅關係，將會獲得成功，所以依家巴打其實唔洗擔心，繼續努力就可以

洞見，其實巴打你可以多d 同同學，老師或者上司分享多d 你嘅想法同感受，咁樣會對你實習所遇到嘅困境會有幫助，而且佢地都會比到建議你。

結果，經歷今次困境，巴打你將會利用今次嘅經驗，成為一個面面俱全，將來會識得點樣去面對類似情況，成為一個更成熟嘅人。

另外，我都幫你占左去澳洲嘅情況


現在，巴打你會好雀躍想去到澳洲，認為呢次係一個好好嘅突破機會

將來呢半年，我認為你會去到澳洲，但係就會覺得似乎你係唔舍得放低香港所擁有嘅野，同時又好想去到澳洲，所以到時你會搞到自己兩頭唔到岸嘅局面。睇下到時你點樣處理

希望解答到巴打你啦

唔一定，咁當然提問者本人現場抽係最好最準啦。但係提問者只要向占卜者發出問題，基本上都授權左比占者幫佢問問題同拎訊息，所以唔會太影響到占卜效果。

Hello ~ 樓主~
前2個月識左個男仔 想知佢到底點睇我
麻煩您la~~

樓主你好，我想問下同男朋友嘅感情狀況，佢點樣睇

你好

K 女
現時有穩定男朋友
想知道，佢會唔會係合適嘅結婚對象？

如果可以
想問埋半年內工作前景、有冇嘢要注意
（返咗新工兩個月）

Hello樓主
我想問我以前追過但唔成功嘅一個男仔 我哋之間仲會唔會有交集/我哋嘅緣份會係點？
好耐無見過佢了 但成日都仲會諗起佢

樓主介唔介意留Tg傾
我覺得呢排真係好似你所講嘅咁

好啦，因為我都係第一次咁樣占而又好似中

@khem201

過去，抽到愛情夢，見到巴打你失業時都好想好似依前咁做黎生，努力做野，但好可惜事與願遺，只能夠孤芳自賞，回憶以前返工嘅日子。

現在，抽到覺知，巴打現時覺得係時候努力搵野做，放低之前嘅幻想同失業嘅經歷，開始收拾心情，重新開始搵野做。

預期，經歷過風風雨雨，巴打你預期黎緊應該得嘗所願，搵到一份理想嘅工作，重新過返正常日子。

洞見，訊息同你講，因為依家外圍經濟都比之前差，如果繼續以依家嘅方法去搵野做，好難搵到理想嘅工作，所以巴打你會依家可能感覺到大失預算，覺得好類惱。

將來呢六個月，巴打你應該會陸陸續續有interview，但因為開出黎嘅offer比起之前冇咁好，放唔低身段，所以巴打有機會呢種原因而拒絕工作機會。


建議牌抽到了解牌，建議巴打你要了解大圍經濟環境，有野工作機會己經好好架啦，所以唔好限制住自己，要騎牛搵馬，因為黎緊生活費將會愈黎愈貴。

希望解答到巴打你