新手免費塔羅占卜 + 傾計 post

主題牌，抽到受制牌，訊息同巴打你講，如果想搵到心儀嘅工作，就先要了解自己嘅價值同特別之處，而唔係模仿到好似其他人咁一式一樣，咁樣只會埋沒你自己嘅價值同亮眼之處，失去外界發掘到你嘅機會。

內在牌，抽到罪惡感。現時巴打內心依家充負面情緒，可能係黎自家人同埋對自我嘅責備，令到自己好大壓力同負面思想。但呢啲只係你內心所產生出黎嘅負面能量黎，唔好比呢d 負面情緒影響同扼殺你自己所擁有嘅核心價值。

外在牌，抽到懶惰，巴打面對住外面環境因素，似乎開始想「躺平」，唔想面對現實，過得一日得一日就算。但咁做只會不斷削弱自己能力同價值，最後不進則退。

洞見牌，抽到執著過去，訊息提醒巴打你，過去左嘅，唔適合自己嘅都已經過去同無法改變，真正可以改變到巴打你處境嘅係當下。與其擔心將來，不如將個重心拉返現在，反思下依家仲有咩係做得唔好？之前做得差嘅唔緊要，更正返佢，重整返個狀態再黎過。唔好再比過去拉住你。

結果牌，抽到意識牌，可以話係今次成個占卜嘅總結，提醒巴打要回復返清明心，要明白呢d 經歷只係比你去經歷同成長，最終呢啲事件同經驗，將會轉化成為你往後成功嘅踏腳石。


未來呢半年，你會搵到一份充滿挑戰性嘅新工作，面對住陌生環境，請巴打你努力克服，因為你唔試下冒險，又點知道最終呢份工會帶到你去到幾遠？

所以巴打好好加油！希望解答到你

但係我唔知自己嘅價值同特別之處我點樣先可以發掘到

今次真係唔好意思絲打，新手學藝未精，解答唔到你

呢點你要嘗試多d 先知，係會不停撞板，但係呢d 都只係令你成長嘅要素黎。

好似以我占卜為例，你見出面多數都係用偉特牌多，而我就偏偏選用禪修牌做占卜。可能見到特別嘅case後冇咩例子可以參考，但正正呢啲撞板經歷先會令你自己知道自己技術去到邊，風格同人地有咩唔同。所以巴打一定要試多d 先知。

另外我再抽月相卡，睇下有咩提醒你


身體：
唔好輕易就放棄，抽到呢張卡姐係同你講宇宙係會成全你，但係你要努力堅持去嘗試，先會知道自己嘅價值同埋優勢。

心態：
訊息同你講，一定要對自己有自信！一定要相信自己嘅能力！唔好再介意自己嘅過去，因為生命每一日都不斷改變，所以唔好再比過去束縛住你自己。

思想：
係時候放下過去並且脫變。同埋你要對你嘅身份/能力堅定，先可以成為更強嘅自己。

希望解答到你

多謝你咁有耐性咁解答我嘅問題因為我早前揾咗一份唔適合自己嘅工作，令我覺得好沮喪⋯⋯嗰份工比起我過去嘅實習經驗差太多，令我非常懷疑自己嘅眼光。再加上我辭咗嗰份工之後，至今仲未揾到其他工，令我覺得好氣餒，明明我未accept 嗰個offer之前，都仲有其他offer係手，但點解依家一份都揾唔到

我會放低過去，重新了解自己，相信自己嘅能力，希望揾到一份自己鍾意嘅工作

多謝你

主題牌，抽到轉向內在，現時絲打你面對住外界嘅批評同指點，令到你無所適從。所以提醒你面對住將來遇到嘅挫折同批評時，唔好忘記選擇呢條路嘅初心。

過去，抽到重擔，過去絲打你選擇呢條路，可能都會面對住家人同外界嘅批評同指點，想你跟隨佢地嘅價值觀去選擇，所以你會覺得好辛苦，好大壓力同重擔。

現在，抽到內在聲音，絲打現在你雖然面對住外間嘅聲音不停咁係你耳邊徘徊，但絲打其實心入面係好清楚自己嘅目標同想行嘅路。

預期，抽到調整，絲打預計自己將會整合返自己嘅狀態，消除外界同自己選擇嘅衝突，等到所有野都處理之好後，再重新起步。

實際情況，抽到大師牌，絲打面對住實際情況，其實都會感到不安同擔憂，希望自己可以有人教導你點樣處理呢件事。其實絲打你好應該堅持落去，由其係絲打你好清楚而且亦好想做呢份工作，只要最後為自己人生負責返就可以。人生經歷係你自己，冇人可以左右到你嘅選擇。所以接受依家個情況，堅持行落去，自自然然你就會知道條路會點發展。至少唔好比自己後悔。

結果牌抽到參與牌，絲打需要同外界同家人或者外界好好溝通，唯有通過共識，互相尊重同配合，先可以有一個完滿嘅結果。

希望解答到絲打你

樓主幫幫我占占呀