將軍澳居屋/租置/上車盤討論區(2) - 邊個話將軍澳冇5-700萬上車盤

600頭買到 431/465尺
睇到個唔洗裝修嘅盤

諗法係:
減返本身預左裝修筆錢就等於買500尾
好多私樓600中都係要大執
近地鐵
環境ok

有錯請指教

啱啱睇完，有一個覺得唔洗點執不過極低層
其他都覺得要執廚/廁/地板。
如果要執得2-30萬，我起碼要講到610先有機。
好似難少少。
依家睇中個完全唔洗執，設計又啱心水。
另外安寧夠近地鐵站。
不過擔心緊600頭中 買已補會唔會好on9

其實你哋係點搵aa？
之前係街鋪求其篤咗個，睇咗一次係咁chur我，煩到唔想理佢

如果自己睇左一次，屋企人想睇多次樓，
應該講左價先睇，定睇完再慢慢講？

搵買左樓朋友介紹
我之前果個好好，佢睇左一兩間就知我想要咩
之後帶我睇既好多岩心水，好多有得選
一得閒我就搵佢睇都唔覺得我煩（似我chur多啲）

真，太後生通常賣新樓
試下去康城啲企街aa同游走三寶既aa比較下就知

下面間五金鋪強烈推介
買野平好多，連啲師傅成日都去大手入貨
算係區內出名平，自己裝修買料不妨去睇下

業主趕住賣
aa趕住收佣
又點會chur

想問個無聊問題
如果大家住兩房，仲有冇請工人
到底四百幾呎點樣間多間工人房呢？

帶屋企人睇樓既係好麻煩
因為老一輩有一個觀念係
無論個單位幾咁鐘意都唔好流露出黎，要搵啲野去彈先可以講價
但我係業主聽到呢野，我就真係好想立即趕你出去
傾價都費事同你傾

所以我覺得無論係咪屋企人幫手出首期
都自己同另一半睇左樓先
岩喇，就比啲相比長輩睇當睇左
又或者傾到七七八八咪睇下有無得再睇囉
起碼你會選到自己鐘意既，唔係選到長輩鐘意既
呢方面一定要堅持，對你將來婚姻關係好重要
信我，因為我中過招