將軍澳居屋/租置/上車盤討論區(2) - 邊個話將軍澳冇5-700萬上車盤

早幾年先做完大維修

講開呢樣野
近幾年做得最好係景明苑
外牆維修左之後真係好似同新買咁
康盛可能無咁做，出面望都好似差唔多咁

點會冇做

景明算好彩, 差啲爛尾

好似有聽聞過，唔怪之得見佢地搭咁耐棚

想知大家對租置有冇研究，呢幾區有冇話邊條邨交通方便，最緊要係售出率就，少啲癲佬南亞白卡垃圾屋曱甴户？

屋企人抽緊白居二，想研究下

售出率高

呢區得三個租置
翠林寶琳景林

如果講交通，景林寶琳最好，近鐵路，講埋地理位置。以景林為佳，因為佢位於坑口寶林中間，又近公眾泳池同圖書館
翠林交通好差，主要靠巴士出區，又或者坐小巴落寶琳站但上翠林條隊經常排長龍，所以價錢極低水位，2字頭未補都見過

講景觀，翠林半山望落成個將軍澳係正，寶琳部分望寶翠公園好開揚，景林就部份望泳池景又係無阻擋咁濟

業主立案法團，景林個觀音廟就好多新聞，其餘兩個都無景林講到咁嚴重，但寶琳都有啲新聞出過

居民質素，基本上都係好多上一代新移民（即係七八十年代偷渡黎香港果代，唔係講緊回歸後既新移民），亦因為係董建華時代（2000年早期）出售，果陣大部份人都買左，而且果陣又本身無咩南亞人，所以極少見到有呢類人出現，好多人話多大陸人其實佢地本身都落左黎香港好耐識講廣東話但只不過見到同鄉先講家鄉話（好多「學」佬人）

講則，寶林同翠林好似一樣，則麻麻同好細；景林如果果新Y型買到最大三房，就真係好見駛性價比高

老實講，鄰居好唔好，就睇你好唔好彩，雖然之前有東張西望講過景林垃圾婆

但有白表一定買居屋啦，都唔會買呢三條邨
除非你只能買二三四百萬租置，咁就景林/寶林>翠林

唔夠錢買居屋，925果啲貴到傻 有睇過廣明寶明唐明做到9成但唔足20年，每個月又供好貴計唔掂數，如果唔係都想買尚德果頭

佢哋又話租置都考慮，所以了解下
即係景林寶林都ok？ 好驚隔離左右有痴線佬

千金難買好鄰居，事前上去望下啦

其實唔同屋邨都有唔同問題
好難一概而論，所以我只能逐樣去講
（三個屋邨都識有人住）
比我選有白表一定唔會選呢三條邨

租置唔係全部都要4成首期咩

間間唔同，計首次售出日期，你可以上網查下

so9sad 有冇話你會揀邊條邨？

5-7都叫上車☹️

5-7都唔叫上車？