IU音源+版權呢嚿超肥,尤其版權...佢啲歌成Q日響啲食店商店聽到,再計埋拆帳比例,真係肥到著唔落襪。
鳩估下佢收入同身家會幾好玩。籠統計,佢一年gross收入應該200-250億won。代言每隻好似8-10億won/年,佢手上宜家有15隻,當係8億一隻,全年就係120億;音源+版權上半年65億,當下半年音源少啲,拉埋全年100億左右;其他垃垃雜投資、拍戲嗰啲鳩屈當30億,咁就已經250億。Workshop運作當係入晒佢數一年20億,捐錢又20億,再扣38%稅,淨收入應該係130億左右。個人使費同家用當30億 (i.e.一個月2.5億,大約等如HKD1.6M,睇佢個款都未必使到咁多),咁計佢一年應該可以儲到100億,連續四五年係咁,淨肉儲埋未拎去投資煲大都已經400-500億won。唯一無得估就係佢屋企兩老做生意入唔入埋佢數。
可惜少少係2020到宜家都瘟疫開唔到con;以佢宜家地位開一轉con應該點都多20-30億won落袋 (當係2019年,本土加外地一共十幾場咁計)。
脷伸:基本都係鳩估,歡迎派膠/腐皮,唔好打頭...