一世人流流長，總會愛上幾個……

993 回覆

208 Like 21 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁

是娘便有奶 2017-08-23 22:51:28

好正

雖然唔知係唔係真人真事但我好投入呢個故事

你老母係我阿嫂 2017-08-23 23:25:27

我哋離開人群之後，一直沿住九龍灣方向繼續行，想搵個無咁多人嘅位再坐低。但隨住越嚟越接近十二點，海濱長廊上嘅人亦越嚟越多。最後，我哋隨便搵個位靠住欄杆，一齊望向平靜嘅大海。

「頭先你話你想證實一啲嘢，而家仲已經有咗答案？」

「嗯。Isabella，」

佢右手放喺欄杆上，微微面向我呢邊，

「我記得初初點解我會揀你，係因為我覺得你好特別。我心諗，個個女仔都係唔性感嗰張相唔放，邊有人好似你咁，淨係用風景相嚟識人㗎？」

我噗一聲笑咗出嚟。

「可能因為我哋有緣啦，你都揀咗我，我哋就係咁開始傾計。唔知點解，我覺得同你好似識咗好耐，相處起嚟完全唔似啱啱識嘅網友。喺嗰個時候，我就決定咗要見你，好想知道你嘅真人係點。」

我微微點頭，因為我同佢不約而同有一樣嘅感覺，都覺得對方似一個已經識咗好耐嘅朋友。

「跟住開始試吓約你，點知你次次都請我食檸檬，搞到我灰咗一排，差啲就想放棄。但好彩我無，我唔想就咁就無咗你。我想見你，因為我想證實我對你係咪真係有感覺，而答案⋯⋯係，我鍾意你。你同我想像中嘅一樣，細細粒、白白淨，笑起上嚟嗰陣好甜。」

佢伸出左手攬住我膊頭，將我向佢嘅胸懷拉近一啲。我無避開，只係微微低頭，等佢繼續講落去。

「我知道你其實對我都有好感，只係你唔敢承認。我唔知點解你要咁，我淨係知我哋真係好投契，興趣、諗法同話題幾乎一樣。我覺得你係個好好嘅女仔，我真係⋯⋯好鍾意你。」

佢用兩手按住我兩邊膊頭，微微一扭，令我可以面向住佢。然後，佢又好似頭先咁捉住我對手，

「你可唔可以做我女朋友？」

你老母係我阿嫂 2017-08-23 23:26:32