每晚,鐘樓附近都有好多街頭歌手或樂隊表演,今晚亦唔例外。其中一隊樂隊吸引咗最多途人圍觀,我哋都湊近埋去趁熱鬧。
那一線眼淚 欠大志
太沒意思
若自覺這叫痛苦未免過份容易
我沒有被你改寫一生怎配有心事
我沒有被你害過恨過寫成情史變廢紙
春秋只轉載要事 如果愛你欠意義
這眼淚無從安置
我沒有運氣放大自私的失意
更沒有道理在這日你得到真愛製造恨意
想心酸還可以 想心底留根刺
至少要見面上萬次
https://youtu.be/hRFAY4D9zdI
「送畀大家,張敬軒嘅《春秋》。跟住落嚟⋯⋯」
「唔,不如走囉?」
「點解呀?啱啱先嚟到咋喎,同埋都幾好聽吖。」我微微抬起頭,試圖阻止眼淚流落嚟。
「失戀仲聽啲咁慘嘅歌⋯⋯嚟,我帶你去一個地方吖。」
「去邊呀?」
「你等陣咪知囉,呢邊。」
我哋又行返去頭先泊車嘅地方,上車後唔駛五分鐘就到咗目的地。呢度路窄車多,唔少男女面帶微紅之餘行到東歪西倒,渾身酒氣。