一世人流流長,總會愛上幾個……

993 回覆
208 Like 21 Dislike
2017-07-25 12:47:34
moremoremore

唔好意思,今朝腦閉塞
出篇短短哋嘅睇住先⋯⋯
2017-07-25 12:48:18
大力支持樓主

多謝你成日幫我推post
2017-07-25 13:06:20
以前每朝瞓醒、每晚臨瞓,我總會收到佢嘅一聲早晨、早抖,令我慢慢習慣每日生活都有佢嘅出現。以前每次練舞,我哋總會結伴同行、形影不離,全世界都以為我哋係熱戀中嘅一對。

隨住我慢慢淡出跳舞嘅圈子,我哋越嚟越少見面。佢既問候,由每日變成一星期四五次、再變成一星期兩三次,再變成一星期未必一次。

我哋並唔係其他人諗嘅咁樣。根本從頭到尾,我哋都無成為過情侶。其他人只不過係將佢哋嘅美好想像主觀投射喺我哋身上。

曖昧,或者真係好似人哋咁講,係一段關係最美麗嘅時候。但同時,我覺得亦係最迷失嘅時候,因為當對方嘅行為同我嘅期望有落差,我根本無從搵到一個身分,能夠要求對方為自己做任何補償。

日子一日一日過去,患得患失嘅感覺逐漸消退。但意外總係意料之外地發生。直到五月中嘅一個下晝,我收到一個WhatsApp。
2017-07-25 14:55:14
感覺女主其實本身已經對男主出曬水

我都對男主出曬水啦
2017-07-25 16:38:16
感覺女主其實本身已經對男主出曬水

Isabella係個好易付出所有感情嘅女仔
2017-07-25 16:44:20
訊息來自Wallace。

「做緊咩?」15:34.

「喺屋企睇緊戲。」16:00.

「咩戲呀?」16:03.

「《初戀這件小事》。」16:23.

「識貨!泰國戲幾好睇㗎!」16:33.

「你都有睇過?」16:37.

「係呀,最後小嵐呢⋯⋯」16:38.

「喂!咪劇透呀!」16:38.

「想我唔講都得,」16:43.

Wallace
輸入中⋯
在線上
輸入中⋯

「聽日得唔得閒睇戲?」16:47.

聽講,十個有八個男仔打算向心儀嘅女仔表白嗰陣,都會約去睇戲。佢哋有啲會揀愛情片,但更多會揀鬼片。

「睇咩先?」17:03.

「《嚇鬼阿嫂》。」17:04.

噢!唔通⋯⋯佢打算向我表白?

但下一秒我就打消咗呢個諗法。如果真係要表白嘅,半年前已經表咗啦。或者⋯⋯佢太得閒,想搵個人攝時間啫?

「好啦。」17:05.

「咁聽晚七點旺角百老匯等啦!」17:08.
2017-07-25 17:10:37
2017-07-25 18:02:17
Push
2017-07-25 20:23:43
2017-07-25 20:39:04
我愛你哋咁多個
我出得咁慢仲會幫推post
等我食完晚飯,大概十點見!
2017-07-25 22:01:11
第二日晏晝四點,我已經企喺衣櫃面前諗緊著咩衫去睇戲。唔計之前練舞,今次其實係我哋第一次正式約會,點都唔可以著得太求其嘅。

該死嘅老毛病喺呢個時候又發作。

著裙好唔好呢?
長裙定短裙好呢?
長裙嘅話,百褶裙定雪紡裙好呢?
短裙嘅話,牛仔裙定貼身裙好呢?

定抑或著褲好呢?
長褲定短褲好呢?

過咗一個鐘,我終於決定好。穿著太有心思或者顯得奇怪,所以著返平時嘅衣著就好。淺黃色短袖上衣配牛仔短褲,平凡得嚟又清爽。

梳好頭、化好妝之後,我就出門口去搭地鐵。一路上雖然惴惴不安,但我內心盡量一直默念,今次嘅約會只不過係大家互攝時間,無任何特別意思。

叮。

「到咗啦,你呢?」18:56.

「下站落車。」18:59.

「好,戲院門口等。」19:00.

我未行到戲院門口,離遠已經見到Wallace拎住兩張戲飛,四圍張望搜索我嘅蹤影。

「唔好意思呀,遲咗少少。」

「唔緊要。咁入場囉?」
2017-07-25 22:40:38
我哋按照職員指示入到戲院,坐喺最後一排嘅正中位置。眼見坐喺我哋前面同左右兩邊嘅都係情侶,我哋之間嘅氣氛當堂有啲尷尬。

「你會唔會好驚㗎?」

「呃⋯⋯應該唔會啩。」

「你驚嗰陣唔好捉住我呀,我嗌非禮㗎。」

「你⋯⋯唔好捉住我先真呀!」

其實我咁大個人都未試過入戲院睇鬼片。睇場戲要成幾十蚊,絕對算唔上平價,何苦貼錢買難受?

結果,套戲開始無幾耐,我就畀突然間唔知喺邊度彈出嚟嘅女主角嚇親。我右邊隱約傳嚟陣陣偷笑。我即刻用手揞住眼,但手指中間漏出隙縫,係名副其實嘅「又要驚又要睇」。

隔咗一陣,我又畀女主角嘅尖叫聲嚇親。

Wallace收起我哋座椅之間嘅扶手,跟住一手放到我背後、一手放喺我胸前,環抱住驚到縮埋一舊嘅我。我突然覺得自己心跳好快,但已經分唔清楚到底係因為睇緊鬼片,定係佢攬住我。

「好驚呀?」佢哄到我耳邊講,「我攬住你就會無咁驚㗎啦。」

佢講說話時口中噴出嘅熱氣,令我覺得好似被電擊一樣,成個身突然軟晒。我無掙扎開佢嘅懷抱,反而安心地挨住佢嘅膊頭。

基本上呢兩個鐘,我哋都係維持住咁上下嘅姿勢。
2017-07-25 22:51:42
睇到呢度,真係好有初戀感覺!
2017-07-25 23:48:46
睇到呢度,真係好有初戀感覺!

咁就好啦

你哋好少留言講感受
我仲驚住唔知會唔會寫得無咩感覺
2017-07-26 00:01:07
好驚呀...

但我又想睇落去
2017-07-26 00:31:22
好驚呀...

但我又想睇落去

驚咩呀
嚟,講畀叔叔聽吓
2017-07-26 00:33:01
加速

你留言叫到,就出多篇啦
2017-07-26 00:35:12
睇到最後,我先知原來呢一套係浪漫又溫馨嘅鬼片。當男主角知道真相後仍然對女主角不離不棄,嗰一份偉大嘅愛實在叫人動容。

我喺佢懷中微微抽泣,夾帶住索鼻水嘅聲音。佢探頭望一望我,然後伸手抹走我面上嘅淚水。

「傻瓜,睇戲咋嘛。」

直到套戲完場、戲院開始開返燈嘅時候,佢先至縮開對手。等到其他人慢慢散去,我哋先離開戲院。

「套戲都幾好睇吖?」

「嗯。」我低頭回應,怕佢睇到我仲微微發熱嘅面頰。

「你未食飯㗎可?不如一齊食?」

「係呀⋯⋯好吖。」

「呢度附近有間餐廳叫Ocean's,啲嘢食唔錯㗎,有無興趣?」

「無所謂,你話事啦。」

唔知點解,今晚旺角好似特別多人。我哋喺人多擠逼嘅街上並肩而行實在太佔位置,於是我只好默默地跟喺佢後面。
2017-07-26 00:52:11
好驚呀...

但我又想睇落去

驚咩呀
嚟,講畀叔叔聽吓


下,唔係姐姐咩
2017-07-26 08:15:51
好驚呀...

但我又想睇落去

驚咩呀
嚟,講畀叔叔聽吓


下,唔係姐姐咩

點解會以為我係姐姐
2017-07-26 10:28:24
行咗十幾分鐘,差唔多到餐廳樓下,好多人等緊過馬路。行人紅燈一轉,個個爭先恐後過路,將我哋嘅距離越拉越遠。

行咗幾步,綠燈已經閃吓閃吓。Wallace伸出右手,捉住我隻手臂,拉住我喺人群中左穿右插,跑過去對面街。

過完馬路,大家都無放開手。佢嘅手掌慢慢沿住我嘅手臂、手腕,越捉越落,最後掂住我嘅手掌,十指緊扣咁拖實。

「條街多人,驚你走失。」

「如果頭先捉錯人咁點算?」我忍唔住笑咗出嚟。

佢拖住我嘅手稍稍用力,拖得更實,

「我眼中只有你,一定唔會捉得錯。」

我唔知我哋算唔算一齊咗。我只係覺得呢一刻好幸福,幸福到⋯⋯好唔真實。
2017-07-26 10:57:12
Wallace 擺到明player 啦

樓主一定比男仔傷過
2017-07-26 11:02:56
第300同400個留言都係我嘅
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞