【Ivy So & Candy吹奏區】那天晚上，我遇上了一對吸血鬼姊妹（2）

個勢我暫時覺得女1位：牙梅>椰奶>chantal

真人把聲係咪都係咁陰聲細氣

尋晚先知alice屋企咁rich

G持
牙純仲配角過牙梅

牙梅先係真正令新地改變自己既人

幫佢嘔吐物洗頭：請佢電髮
同愛雯村幫佢買衫：叫佢溝chantal

仲要開到聲話想溝新地（如果高啲嘅話）

如果結果真係牙梅win，你接唔接受到

btw諗緊救唔救到牙純戲份，但情況不樂觀

咁你個故由頭到而家都無講過邊3個係主角

我撐牙梅㗎，話晒都乃團副隊(其實無關係）

牙純嗰邊就真係難搞，除非你開第3季
如果唔係佢同主角啲交流會同另外兩個差好遠

又或者你第2季主力寫佢

第一句完全中哂

因為我根本冇講三條女係邊三條女

所以牙純唔救了，得閒講幾句派下膠幫下新地算

頂你寫到佢淨係識食，其他乜都無講過（ocamp隱形、車汪失戀佢又無出場、mid term溫書又無佢份）

最幫得手嗰part就係喺東北玩泥巴搵嘢食

把聲好溫柔
Alice有錢人家

雖然七巴嘅英雄系列好睇
但依然等緊三條女

加速！ ！ ！

50


直升機及一眾迪拉斯地面部隊離開後

現場就因只剩下阿風、蜜柑、夏梨及金仔四人


「沙...沙沙沙...」


此時，雨也下了

每一下都彷似打向眾人的心



「我...」

最愛的桔梗被捉，又豈能吞下這口氣

率先開聲的是夏梨：「我地快啲去救桔梗！！」


「傻風快啲起身啦！！我地出發啦！去將個lambda斬開十碌八碌！」

夏梨拉起負傷的阿風：「蜜柑！金仔！快啲拎架餐！！」


「...無錯，要救桔梗同正花」

金仔似乎也沒有絲毫迷惘



「好！」

夏梨見阿風仍未動身：「喂傻風！快啲啦！」



「...我...我冇資格...」


阿風一句，猶如對夏梨和金仔倒下一盤冷水


「...傻風...」

「阿風...」


「桔梗佢...係為左救我先咁比人捉左」

阿風低著頭道：「明明我對佢黎講根本乜都唔係，明明我頭先仲講呢啲悔氣說話...」

「我根本...冇臉再去救佢...」

「啪！！」


一記響亮的耳光，印在阿風的臉上

力度甚至能將他整個人打倒



「估唔到家姐又一次睇錯人」

出手的，正是蜜柑

「你，的確係一件垃圾」



「喂呀蜜柑呀，你又好似講得過左火喎...」

「係囉...又唔駛咁話阿風既...」



「方乘風，你完全唔值得家姐為你做咁多野」

就算夏梨和金仔阻止，但蜜柑仍未收口：「無我家姐既話，你根本一早死左」



「.....你講得啱」

阿風繼續低住頭：「我根本唔值得...死過返生....」



蜜柑看住垂頭喪氣的阿風，似乎也沒有再打落水狗的心情

「你知唔知點解家姐要救你？」



這一問，令阿風感到錯愕

「你...你咁問係咩意思...?」



「家姐佢自從果件事之後一直好內疚，好想再一次相信人類...」

蜜柑也似乎收下剛才的怒火



「蜜柑你講既...係阿源？」夏梨猶似一早知曉整件事般



「阿源...係邊個？」



「佢...係家姐第一個眷屬」

「刷！！！」

桔梗揮動武士刀，狠狠地對眼前的人狼劏下一刀


「都係啲低級人狼...」

蜜柑望住眼前一頂的人狼屍體，聲線似乎帶出少許失望：「家姐，究竟點先可以揾到『無爪人狼』...」


「呢五年...簡直一啲消息都冇」


當時，已經是兩姊妹父母被無爪人狼殺害的五年後

這五年間，無爪人狼猶如人間蒸發一般，在世界失去踪影


「係囉...成日都係打呢啲廢柴人狼！」夏梨也有點泄氣


相反，天性樂觀的桔梗卻看得開

「唔緊要啦，人狼本身都係鐘意作姦犯科既生物，咪當為香港出一份力囉，哈哈」


「家姐你真係好樂觀...」

性格變得陰沉的蜜柑也嘆一口氣：「但我既目標只有一個，就係揾到無...」

「家姐！！！！！」


「桔梗！！」


一隻仍未斃命的人狼，隨住兩人的大叫在桔梗的大叫

現身在桔梗身後！


但反應神速的桔梗又豈會被此等級數的人狼暗襲成功

右手馬上拔刀，準備一個轉身將人狼解決！


「危險呀！！！」



桔梗正要砍中該人狼之際

「！！！」

一個不知名身影衝到桔梗身後，背對住桔梗

彷彿要為桔梗擋下這一刀




但人狼在後，桔梗的本能反應又豈容自己的刀慢下半秒

「刷！！！！」

桔梗竟砍中該作勢為桔梗擋招的身影

傷口深度甚至足以致命



「咩...咩話！？」三女也沒料到，這人竟在剎那間衝出，更剛好能楔在桔梗和人狼之間



「刷呀！！！！」

該身影隨即再被人狼刺中心房

「啊呀.....！」



「咩...咩話！？」

桔梗襯住這空檔，隔著這身影一刀刺向人狼腦袋

以桔梗的手力，當然能一擊必殺人狼


見危機解除，桔梗馬上一探那身影的真身

「先生！你點呀？咦...」




「阿源...!?」

這個叫阿源的四眼男生，外表來看跟桔梗和夏梨相約

身中兩招的他，口裏吐血，雙眼反白，似乎也是返魂乏術


「嘩...係毒撚源？！駛唔駛跟你跟到黎呢度呀？」

夏梨同樣，一見到阿源的臉孔也大驚


「....佢係咩人黎？」蜜柑問



「佢係我同桔梗既大學同學黎」

夏梨不自覺地皺眉：「同過佢一組咁大把，就成日有意無意埋桔梗身，毒撚黎！」



桔梗蹲下檢查阿源的脈搏：「弊啦...傷到心臟」

「一日都係我...」

「家姐，根本都唔關你事」

桔梗冷冷叫道：「反而無呢個人阻頭阻勢既話，你一早就斬得中隻人狼」


「蜜柑講得啱呀」

夏梨也附和：「根本就係毒撚源自己衰，唔係跟蹤你既話根本唔會有事，響度出現得就預左有風險啦！」



「但...我始終誤傷左佢...」

桔梗拉空阿源的左頸側


「我...要救佢」



「喂喂喂桔梗！！！你想用眷屬之力救佢呀？！」

「家姐...你認真架？」


「嗯...」

桔梗對準阿源項上：「佢...唔應該因為而死...」



「...」

一路聽住的阿風一時間講不出話


「家姐響我同夏梨反對既情況下，救左阿源」

蜜柑繼續道：「比起你，阿源既運動神經更差，就算成為左眷屬都係完全幫唔到手」

1.
星期六日休息啦

2.

candy同yoyo勁靚女！

1. 慘 又要等兩日
仲要又係講到戲似就例

仲要又係講到戲肉就停

忍多兩日！
就黎入結局篇

仲有幾多集到？

咁快結局

16-18集

出左3個月啦，我寫故以黎出最耐都係今次
字數都係史上最多