【Ivy So & Candy吹奏區】那天晚上,我遇上了一對吸血鬼姊妹(2)

496 回覆
83 Like 15 Dislike
2022-01-10 22:17:33
手拖住蜜柑,桔梗步進客廳


「daddy」


「返左黎啦?」

坐在梳化的此人,白髮白鬍、身材高瘦、戴住方形眼鏡

右手正揭著英文書藉,全身均散發出紳士的氣息


「嗯!」

桔梗苦笑道:「夏梨比老師罰緊留堂,所以會遲啲先返」



「幾多歲呀,仲比人罰留堂」

桔梗父親搖搖頭,拎起英式茶杯


「係呢,上次...果個忠孝向你提出既婚事,你拒絕架啦?」


「嗯」

桔梗斬釘截鐵道:「我對佢冇興趣」




「明智決定」

飲了一口紅茶,桔梗父親再道:「只不過係個披住貴族皮囊既流氓,夏梨都比佢好」


「嘻嘻,咁就當然啦」



桔梗走到廚房

「auntie,煮咩咁香呀?」


「咦返黎啦桔梗?」

這女子雖然已過三十,但仍駐顏有術,臉上彷彿看不到任何一個毛孔

「煮緊咖哩牛腩呀,不過我都係跟住食譜黎整咋,唔知得唔得架」


「媽咪煮既幾時都好食架啦!」蜜柑笑道



「auntie又試咁謙啦,我啲廚藝都係auntie你教架之嘛」

桔梗已拎住小匙:「等我試下味先...嗯!香呀!」


「媽咪,我又要食!」


「好呀」

桔梗後母把匙上的咖哩汁吹冷,再餵到蜜柑口中:「睇熱呀吓,呀...」


「嗯!好味呀!」
2022-01-10 22:17:59
「大家食飯!」

桔梗一家四口,加上夏梨,圍在圓桌吃飯



「我唔客氣啦!」

夏梨毫無儀態地夾起咖哩牛腩:「嘩好味呀!!auntie你簡直係神仙既化身呀!」


「慢慢食啦夏梨,成個嘴邊都係咖哩汁啦」

桔梗的後母以紙巾為夏梨清理


「嘻嘻,咁真係好肚餓丫嘛!比個死人班主任留我堂,6點先走到咋!」


「好心你對自己啲功課著緊啲啦,咁樣點同桔梗一齊入大學呀...」

桔梗父親彷彿將夏梨當成自己女兒般訓話


「uncle你定啦!上次考試無溫書我都啱啱好過到骨,到時Alevel溫左書既話輕鬆同桔梗一齊入大學啦!」


「哼,你係至好」



「係喎,蜜柑今次考試又拎第一名呀,我想獎下佢」

桔梗提議:「不如,我地一家五口一齊去迪士尼樂園玩一日丫!再住埋一晚酒店」


「好呀!!」

一聽到,蜜柑興奮得手舞足蹈



「你地去啦,呢啲細路仔野唔啱我」

桔梗父親一盤冷水,使蜜柑的興奮之情被冷卻



「唉呀,蜜柑咁叻女,係要獎勵下佢既」

桔梗後母故意望住桔梗父親,似乎在施加壓力


「係囉uncle!我咁耐以黎都未試過第一名架,今次咪當獎勵下蜜柑囉!」

夏梨講得將口中的咖哩汁飛出



「好啦,daddy!!」

「好啦~~好啦~~」


在各人懇求下,桔梗父親也似乎心軟

「....好啦」



「好耶!!!!」
2022-01-10 22:18:09
阿風聽住桔梗細訴往事,彷佛親歷其景

「好...幸福」


「無錯...果陣..的確好幸福」

憶起往事

不只桔梗,就連蜜柑,雙眼都已經紅透,淚水在眼框上搖晃


「可惜...已經係最後一次」
2022-01-10 22:22:44
1.
高中生桔梗


2.
七巴小說宇宙仲剩四個故就會入終極大結局
2022-01-10 23:16:31
1. 高中桔梗好似會最開始張圖咁靚

2. 個4個故諗左方向未?
2022-01-11 05:54:47
同你一樣
利申睇開驅風嘢
2022-01-11 06:04:31
佢睇開呢班都唔係特別新
2022-01-11 06:11:19
呢班都驅風咩?勁後生喎
2022-01-11 06:15:40
都有返咁上下資歷/上到1-2線
2022-01-11 07:39:31
2.

諗哂
大結局都諗埋
2022-01-11 07:40:23
我寫呢堆算出名
2022-01-11 15:37:16
Push
2022-01-11 17:16:58
2022-01-11 21:41:21
開波前一推
2022-01-11 22:14:47
Ready睇文一推
2022-01-11 22:36:32
47

「家姐!我要同米妮影相」

蜜柑雀躍地跑到米妮前


手持相機的桔梗馬上舉機

「一、二、三...笑!」



「點呀點呀」

蜜柑跑至桔梗旁查看相片



「嘩,蜜柑真係成個小公主咁喎」

夏梨也和桔梗一起看住蜜柑,兩人都入鄉隨俗,戴上老鼠頭箍


「緊係啦,今朝早auntie特登幫佢紮左個公主頭架」

桔梗對蜜柑做了ok的手勢:「難得黎到迪士尼,緊係要扮靚啲架啦!」



「...」

在一旁看著的桔梗父親一語不發,似乎跟這歡樂的氣氛毫不相襯

途人經過看到他這個黑面神,也不自覺地加快腳步



「哎呀,老公呀,笑下啦」

也載住頭箍的桔梗後母些許責怪自己的丈夫


「我都唔鐘意米奇老鼠...」

父親板起臉冷冷道


「daddy!媽咪!」

天真爛漫的蜜柑叫著兩親



「黎啦!」


「咁蜜柑仲係細路女,佢鐘意丫嘛!」

桔梗後母拉黎丈夫,氣道:「你做人爸爸就就下個女啦!行啦...」


「唉...!」
2022-01-11 22:37:16
「各位望鏡頭啦,三,二,一!」

樂園員工為五人拍下家庭照


雖然萬個不願意,但拍照時

父親也是努力擠出笑容





「蜜柑,今日開唔開心呀?」

桔梗的後母牽住蜜柑


「開心!」

蜜柑一手拖住母親,一手抱住唐老鴨毛公仔

「不過我估唔到,daddy都玩得咁開心呀」

蜜柑一句,引來眾人發笑

「哈哈係喎!未黎之前uncle又話咩『唔啦~~唔啱我呀~~』,頭先玩巴斯光年咪又係成個細路咁!」


桔梗父親感到難為情,馬上辯解

「咩呀...咁,蜜柑鐘意丫嘛...」


當然,大家都明知父親只是口是心非



「家姐!我想食雪糕呀!」

行往酒店的路上,蜜柑見到路邊的雪糕店,馬上撒嬌叫道


「咦我又想食喎!」夏梨也跟著蜜柑叫道


「好丫,咁..」

桔梗轉頭望向兩親


「咁我地返去酒店先丫,你地慢慢」桔梗父親道


「嗯,好呀」



桔梗父親兩夫妻一同進入酒店的升降機,準備回到自己的房間

「老公你真係好得意呀」

「咩...咩呀?」


「扮哂被逼黎呢度咁,其實最開心就係你!」

桔梗後母笑道:「果然你都仲係有童真既!」


「咪亂講啦,只...只係..」

桔梗父親又展現傲嬌性格:「蜜柑鐘意丫嘛...」


「係啦係啦...」


兩夫妻打開酒店房門

「咦...」


在闇暗的房間中,兩人依然感覺到

一人,正在面前


「.....」
2022-01-11 22:38:08
「我今日真係好開心呀,我諗聽日一定會更加開心既姐!係咪呀桔梗!」

夏梨和桔梗,各自在兩邊拖住蜜柑,上到房間的樓層


「哎呀夏梨呀,哈姆太郎入面咁老土既對白都搬出黎既」

蜜柑的嘴角仍有雲哩拿雪糕


「咦你仲記得哈姆太郎喎!」桔梗笑問


「緊係啦,我幼稚園啲野都仲記得架!咦...」

蜜柑望向前方:「果間咪我地間房?點解開住左既?」


「可能daddy佢地驚我地唔記得左帶開門卡姐,放...」



「砰!!!!!!」

一聲巨響從房內傳出


「!」

一下子,三人不再安心,馬上跑進房間


但,在裡面等著她們的,卻是地獄




「刷!!!!!」


兩姊妹的父親,在三人面前

被一武士刀刺穿胸口


「da...」

「無...無可能架....」


而桔梗的後母,早已倒下,浴在血上


「媽咪!!!!」

蜜柑馬上奔向自己的母親前


那黑影已經察覺三人

輕輕使力將武士刀從父親拔出


「桔梗.蜜...蜜柑..快...快...啲走呀...」


即使父親如何用最後一口氣叮囑,這刻的桔梗又怎會聽得進耳

手無寸鐵也要將眼前的人殺死!




「我要殺左你!!!」
2022-01-11 22:38:09
Live!!
2022-01-11 22:38:43
「蜜柑...快...啲走」

桔梗的後母尚剩一口氣


「我唔走!我唔走呀!!啊呀...啊呀呀...」

蜜柑發狂般緊握母親的雙手

就算已經漸漸冰冷也好,也想感受母親的掌心的温暖


「我地唔響度...要聽...咳咳!!桔梗同...夏梨既說話...」


「媽咪!!!!」


那黑影出招奇快,配合純熟刀法

桔梗根本連進攻也無法做好,只能一味作守勢


「好快!!雙手冇爪,而且...佢身上一點殺意都冇,但又有人狼既氣味」



那黑影襯桔梗一時的放慢,抓住桔梗一手

「弊啦!!」


黑影正要揮刀下手,給桔梗致命一擊之際


「砰!!!砰!!!砰!!!」

多發子彈擊向黑影


黑影馬上將刀轉向子彈方,擺動多下將子彈全數切開一半


另一身影從闇暗中撲出,雙手持斧斬向黑影上


「車...先生」

那人,正是剛剛才和眾人對立的車宰寬。


「噹!!!」


黑影隨即用刀格下雙斧

「格...」

車宰寬氣力之大,足以使黑影鬆開桔梗,改以雙手持刀


「喝!!!」

雙方比拼氣力,格開退後數步


「...」

黑影似乎見戰況陷入膠著,竟跳出陽台逃脫


「唔駛旨意走!」

車宰寬完全沒理會桔梗等人,跳出房間追擊黑影



「嗚...嗚啊呀呀...daddy...auntie...」

望住早已斷氣的父親,桔梗只能緊握拳頭,跪地痛哭



「啊呀呀呀...嗚...啊呀...」

淚線缺堤的又豈止桔梗,蜜柑和夏梨也雙擁痛哭
2022-01-11 22:39:14
「主啊,如今可以照祢的話, 釋放僕人安然去世。因為我的眼睛,已經看見祢的救恩。 就是祢在萬民面前,所預備的。」

山頭上,身穿喪服的桔梗和蜜柑,以及百多名身穿黑服的人士

在牧師的禱告帶領下,合上雙目


即使已過一個多月,但對兩姊妹而言

這疼痛絕對沒那麼快就能磨滅


「嗚...」年幼的蜜柑情緒仍不穩定

在兩旁的夏梨和金仔沒有說任何一話,只在搭住蜜柑的雙肩


「桔梗,蜜柑,節哀順變啦」

兩位跟桔梗年紀相約的少年也走上前安慰


「多謝你地...」


「丫望月家果兩件都黎既」

「明明唔係公會既人都好意思黎架喎」


聽到眾人的閒言閒語,其中一少年馬上喝叫

「關你撚事咩!我老豆生前同小鳥遊大叔情如兄弟,依家我地兩兄弟代老豆送大叔最後一程又有咩問題呀!」


「算啦彌生」

「咁係丫嘛!乜撚野公會喎,全部含撚啦去」



「聽講呢,本身果晚車先生果隊人同果個『無爪人狼』打緊架,係佢話要引出對方既主人先至要放走佢」

「咩話?即係話唔係車先生既話小島遊兩公婆唔駛死?」


神經敏感的蜜柑一聽到周遭的閒話,雙拳的青筋不自覺暴現

視線,已經望向不遠的車宰寬
2022-01-11 22:39:46
「係你...係你呀!!」

蜜柑懷著無限的怒火,穿過人群來到車宰寬面前

「係你害死daddy媽咪架!係你呀!」


當然,年初的蜜柑又豈是車宰寬的對手

車宰寬一個退後,蜜柑直倒在地


「蜜柑!」

眾人馬上扶起蜜柑

「你件賤種縮乜撚呀!」夏梨痛罵


「哼!無理取鬧」

車宰寬冷冷叫道:「特登放無爪人狼係公會比我既秘密命令」

「小鳥遊兩公婆既事係意外,要怪就怪佢地明知呢排有無爪人狼出現都唔帶武器,而且...」

「果陣冇我出現,你地仲會企得到響度咩?」


桔梗和夏梨當然知道此乃事實,只能不甘心地低下頭

而蜜柑的淚水,已經滴滿草地


「唔甘心呀?唔甘心就變強啦,去揾無爪人狼報仇丫」

車宰寬一邊轉身離開,一邊挑釁道:「然後,再揾我報仇」



望住車宰寬漸漸變小的背影

蜜柑咬牙切齒,雙手抓住草堆

內心的悲傷,變成復仇之火的助燃劑





「.....一定要報仇」

「我...一定要殺死你地!!!」
2022-01-11 22:43:38
1.


2.
無爪人狼都講得好白了,有追七巴小說宇宙應該知
2022-01-11 23:03:13
2. 想知呢隻無瓜人狼會唔會已經係出現過嘅人物
2022-01-11 23:04:10
同個時孤獨兄弟2 彌生話唔知公會係咩 係吹水?
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞