【Ivy So & Candy吹奏區】那天晚上，我遇上了一對吸血鬼姊妹（2）

Push

唔建議扮到好可惜

可能七巴真心呢

collar d訪問多撚到睇唔哂

到時個結果：
同fd打牌賭錢賭足9日

證明你唔夠「全心一意」

初一就會變全心一意撚錢

55

「由你派銀狼會襲擊我地，我就知道，你真正想要既，係吸血鬼同人狼融合既身體」

「不過，你單單只係想要呢樣既野既話，大可以只捉走正花」

「捉埋我，就證明左，你知道無爪人狼既事」


「嘩...小鳥遊大小姐你係咪福爾摩斯再世呀？咁都比你估到既！」

lambda收起笑容

「無錯，我既目標，就係十年前既無爪人狼」

「當年神秘失蹤既佢，唔好講你地，就連我地迪拉斯都完全搵唔到」


「所以，我先請你黎」



「但係，lambda先生，有冇人話過你知，唔用真身露面向人請求好冇禮貌」

桔梗邊笑，邊以肉眼捕捉不到的速度，對lambda彈指放出石子


「噠！」

石子穿過labda的「身體」，正中壁上



「嘿，真係乜都呃唔到你，咁都睇得出我係用左立體投影」

lambda的身體上開始現出殘影：「不過冇辦法啦，面對你呢個級數既吸血鬼，呢種保障都係要做既...」


「要得知我地兩姊妹同無爪人狼既事應該唔難既，不過...」

板起臉的桔梗：「點解，你會有呢個目標？」


「...呼」

lambda呼一個氣：「我地迪拉斯響呢幾年間試過無數次，將吸血鬼同人狼既基因結合響人體內，但身體排斥反應嚴重，所有實驗體全數死亡...」

lambda再次站起

「直到我知道，十年前無爪人狼既『傳說』，我先明白」

「佢就係我地想揾到既人」


「雖然果堆實驗品都排斥而死，但至少我地都得到一樣好重要既情報」

「就係...吸血鬼既超級基因遇到人狼基因時，會處於休眠狀態，佢明明存在，但『味道』會比人狼基因蓋過」


「呢點，擅長感應既吸血鬼，應該好清楚丫」



「的確，即使正花變成金仔眷屬之後，我都唔可以感應到佢...」桔梗心裹也同意


「所以，憑倖存者既情報，我好有理由相信」

lambda回頭對住桔梗：「無爪人狼，就係人狼同吸血鬼既混合體」



「你咁想揾到無爪人狼，就係為左想實驗成功，研究出吸血鬼同人狼既完美混合」

桔梗皺眉問道：「但，點解你要咁做？」




「呢個就係我地公司機密啦，小鳥遊大小姐～」

lambda搖搖手指：「但唯一可以講既係，我地既計劃，對呢個世界都係好事，都係有益」

「既然我地都有無爪人狼呢個共同目標，唔知小鳥遊大小姐有冇興趣...一齊『合作』搵出無爪人狼呢？」



「...合作？你只係想得到你想要既野姐」

桔梗淺笑一下：「你地迪拉斯有比我地更強既情報網，何必要邀請我呢個吸血鬼仔呢」


「嘿...睇黎，我比小鳥遊大小姐你拒絕左添」

故意裝作失望的lambda按下手中的搖控：「不過，你好快就會願意同我合作架啦」


房間左側的牆身慢慢向上收起，露出內面的玻璃


「！！！」

桔梗清楚看到玻璃後的另一房間

「呀呀呀呀呀！！！」

戴上降狼環的正花，被綁在機械椅上，不斷被電擊



「正花...！」



「由你地發明既降狼環果然有啲意思」

猶如欣賞正花被折磨的lambda笑道：「比起人類更導電既肉體，究竟係點呢？」



桔梗情緒開始出現波動



「難得捉到隻得到超級基因既人狼，當然要好好咁做各種測試啦，如果唔係上次做乜要剷上你地屋企捉哂你地兩個」

lambda得勢不饒人：「話唔定靠佢就可以知道人狼同吸血鬼混合體既秘密呢，咁到時就唔駛勞煩你啦」


「啊呀呀呀！！！！！！」

此刻的桔梗，聽著正花痛苦的哀號

雙拳緊握，恨不得即場把lambda碎屍萬斷

但看著鄰房的正花，桔梗實在無辦法在這情況保著正花安全



被電至意識迷糊的正花，在腦海中浮現的只有一句

「金仔...救...我...」




「！！」

金仔忽然感到一下觸電感覺


「喂金仔，搞乜呀？比蚊咬呀？」在後面的夏梨目睹這不尋常動作，問


「冇，只係因為...」

金仔也感到一種難以形容的感覺：「個心好似忽然一沉咁...」



「希望，唔係正花有咩事啦」

「到啦...」

四人走出森林，終於到達目的地


在他們眼前的，為數座研究設施

單憑燈光和噴出的白煙，似乎也可推斷設施正在運作當中



「嘩門口！」

阿風指住正門前的廣場範圍，不但泊著多部直升機，更有數十士兵不斷來回巡邏

「禁衛咁森嚴，唔講仲以為黎左軍事重地...」


「迪拉斯的確係軍事組織丫，只不過係用生物科技公司呢個名掩飾姐」

蜜柑再次閉眼感應：「家姐...越黎越近...」

「而且佢身邊都有...可能係正花」



「......」

金仔不禁回想剛才觸電的感覺：「頭先...唔通係正花？」


「咁...我地點潛入去先？」夏梨問


「金仔，你既機械手可唔可以掃瞄到呢幾棟野？」


「應該可以既...」

金仔將掌貼至外牆


「嗶！」

基地的模型馬上投影出來

八層，而且每層的內部都九曲十三彎


「正花身上既跟蹤器就響呢個位」

金仔指住八樓上的一點；「估計桔梗既位置都會差唔多」


「搞到迷宮咁，迪拉斯係咪屎忽痕呀...」夏梨不禁道

「呢度」

蜜柑指住基地的後方，一道小門

「雖然離基地內部比較遠，但呢個位似乎係最安全」


「嗯！蜜柑有道理」


四人蹺過森林，來到該小小的後門

果然迪拉斯也早有預備，一早有三名士兵戒備


「全部都著住防子彈的輕裝甲...不過」

蜜柑已舉起裝上滅聲器的SIG P226：「點都唔會硬得過人狼既皮膚」


「吱！吱！吱！」

面對頭盔裝甲，蜜柑照樣輕鬆以三槍將他們送上西天


「暫時見到既都只係普通人類士兵，睇黎銀狼會並冇派咁多人狼，同lambda應該只係合作關係」



夏梨跑過去，並搜查三具屍體身上衣物，找到三張電子卡

「呢張...似乎係用黎開門果d卡喎...」站在一邊的阿風道


「唉試下咪知囉」

情急的夏梨正要將卡擺向門前


「咪住先呀夏梨」

即使蜜柑喝停，但夏梨的手已經放到讀卡機前




「嗚！！！！！！！！！！！！！！」

整座基地竟響起警號



「咩，咩料呀！」

夏梨此刻才發現，左上角落設有閉路電視

「似乎拍完卡，要先用閉路電視黎確認身份先會開門」

「今次...大鑊啦」



「嗚！！！！！！！！！！！！！！」


「唉...夏梨你咁衝動做咩姐！」金仔摸住額頭懊惱道




「咁我想快d救桔梗丫嘛！一…一日最衰都係你呀傻風，響度話咩應該係開門卡！」


「吓？又關我事？！咁，真係開門卡黎喎！」



「唔好嘈啦」


「砰！」

蜜柑直接以手槍將門鎖打碎

「既然比人發現左，咁直接…以武力同佢地硬拼啦」

星期六、日例休

預定初七果個禮拜就大結局

今日咁早up文
例牌又要等兩日好辛苦

我新年嗰排生日喎
會唔會加更呀

定係又休刊一星期

Push

試下做比你

就嚟完

七巴會唔會直落下一個故

唔會，乜都未寫

但你係諗左個劇情同大綱？

Update晒紙言啲舊故

做左之前果三個人名改動

反正都唔係太多人追開，任改唔嬲啦