【Ivy So & Candy吹奏區】那天晚上,我遇上了一對吸血鬼姊妹(2)

496 回覆
83 Like 15 Dislike
2022-01-27 12:19:16
Push
2022-01-27 14:28:02
男主角終於似點樣。加油!我一直都有睇
係懶留言姐
2022-01-27 15:53:34
蜜柑 & 阿風感情線
2022-01-27 22:31:49
59.


「賀...賀臣!」

對於曾親手手刃自己的前主人,正花的怒火也馬上燃起來


「哼,比人電左咁耐都未死得,黎緊你既人狼基因都失去得七七八八」

賀臣掩住鼻道:「不過都啱既,你身體內外都沾上左吸血鬼既氣味」

「真係...嘔心」



「正花有冇吸血鬼氣味都好,都唔夠你把口咁臭呀,賀臣」

金仔邊打咀砲,邊拔出新宿棍,隨時投入戰鬥


「為左你,竟然甘心黎到我面前送死」

相反,賀臣身上卻沒有一分戰鬥的意圖,雙手放鬆

「睇黎,你揾到個好碼頭喎,正花」



正花雖未完全回復,但在這氣的時候,又豈能忍住自己的兩爪

「鏗!!!」



「正花!」

金仔伸出手制止:「你岩岩受左重傷,唔好出手啦」


「但係…」


「放心,最後一擊一定會留比你」


「唉你隻人狼真係麻煩架!響後面睇下我地點撚狗算啦」

夏梨嘆一口氣,與金仔共同向著前方


「拿拿聲搞掂你,再救桔梗!」
2022-01-27 22:32:16
「呵...咁有自信呀?」

賀臣繼續悠然自得,連爪也未伸出

「黎啦」


「雖然唔知點解佢都仲咁輕鬆,不過...呢關都一定要過!」

金仔和夏梨已經準備就緒,將要與賀臣一戰


「喝!」

在不短的距離下,金仔率先揮出新宿棍發動攻勢


由出招到來到賀臣面前,不消一秒

「呢啲就係你既速度啦?」

「!!」


「噹!!」

賀臣只伸出一指上的爪,將攻擊格開


「伸爪既速度,比我想像中仲要快...」


夏梨當然不會坐著睇戲,戴上專用手套的她亦早已以金仔作掩護,來到自己雙拳的攻擊距離


「嘿,你都要參一腳呀?」

「參你老母,打柒你就緊架啦」

夏梨揮出一記接近500磅的拳擊


拳頭來到面前,賀臣依然不慌不忙,身子傾後

「颯!!」


拳頭剛好在鼻尖上三吋經過,使賀臣也感受到拳風

「有意思...」
2022-01-27 22:32:41
「仲有呀!!」

夏梨又豈會容易放過賀臣,拳頭橫擺,以手鎚之勢向賀臣進攻


面對兩面進攻,賀臣終於伸出雙爪

一手架住新宿棍,另一手只向夏梨正面一揮


「噹!!!」

賀臣的力量竟然能壓過夏梨,直接將她打飛

「咩...咩話?!只係輕輕一揮...就有咁既威力!?」


即使夏梨的手套乃合金所製,但賀臣的一下攻擊竟然已經能令手套出現裂痕


「連夏梨都...」

「喂,顧掂你自己先啦」


暫時解決夏梨,賀臣左手已經準備刺向金仔


金仔見勢色不對,只好先退後數步

「咁快走,頭先唔係好進取既咩?」


賀臣舉起一手,以吸血鬼級數的速度,射出爪彈!


「!!」

面對出其不意的爪彈,正退後中的金仔只能架棍盡力擋下

「噹噹噹噹噹噹噹噹」


「擦!!!」

不過,爪彈雨過於密集,新宿棍也無法令金仔毫髮無傷

雙臂已被多發爪彈擦傷


「食屎啦你!!」

夏梨重新站起,繼續以近身格鬥狙擊賀臣


「哈,仲黎呀?」

面對夏梨和金仔的輪流招呼,賀臣依然氣定神閒
2022-01-27 22:32:59
夏梨從右方進攻,但攻勢都被賀臣單手擋下化解


「咁既速度,就係你地吸血鬼既極限啦?」


「喝!!!」

金仔當然不會就手旁觀,馬上與夏梨夾攻


「噹噹噹噹噹!!!!」

一手擋下雙拳,一手化解棍擊

賀臣雖要忙著應對兩人攻擊,但臉上繼續從容


「唔係掛...真係冇破綻?!」

「痴線!佢既速度竟然跟得上我地...」



賀臣雙眼慢慢現出紅光:「就比你地睇下,我同你地既差距啦!吸血鬼!」


「!!!」


一瞬間,賀臣的速度竟然加快

甚至連正常狀態的金仔和夏梨的雙眼,也一時間無法捕捉


「佢...既速度點解會突然間咁快架!?」夏梨雖無法相信,但也只好先轉守為攻




「我注射既戰鬥用納米機械入面有獵豹基因,依家既我速度已經可以追上你地」

賀臣將目標轉向夏梨

「第一個就解決你!」




「噹噹噹噹!!!!!!」

賀臣密集的攻擊,將夏梨逼至壁上



「無辦法啦!金仔!散開!」

夏利擋格時故意將右拇指放在嘴前

「你仆街啦!超鼓動!!」

一咬,夏梨身上湧出的熱力馬上使賀臣退後

「嘿,竟然唔係超加速…」
2022-01-27 22:33:17
「啊啊啊!!!打撚死你!!!」


得到反攻機會的夏梨揮動拳頭,每一下都足以打碎一般人狼皮骨

但面前的,是銀狼會首領,賀臣!


「呢種力量…唔怪之得可以秒殺利雲」

超鼓動的拳風,足以令賀臣皮膚出現傷口

「不過,佢出拳既速度因為阻力減慢左,只要唔同佢搏拳既話…」


賀臣加快速度,穿越多記夏梨的拳頭和爆風

「咩…咩話?!佢避開哂?!」


「你依家既拳,比起頭先減左好多喎」


「夏梨!!!」

賀臣正要出手之際,卻察覺

正花和金仔已經向着自己背面進攻


「太遲啦」

但超鼓動的拳風未散,反而阻礙兩人



「你既死期到啦!」


「刷!!!!!!!!!」

賀臣,一爪刺穿夏梨下腹

「啊…啊呀!!!」


「夏梨!!」

看住自己戀人夏梨中爪,桔梗又豈能冷靜下來


「呵,睇黎你既同伴都唔係賀臣既對手喎」

lambda笑道:「我今次比銀狼會既五支戰鬥用納米機械入面,以呢支擁有印度獵豹基因既最強」

「佢提供既速度,加上賀臣本身既實力,就可以發揮出超越你地吸血鬼既力量」
2022-01-27 22:33:36
「原來都只係呢個程度...」

賀臣殘忍地拔爪後,用力一揮,將血揮走


吸血鬼與人類一樣乃血鬼之軀

夏梨吃下賀臣這一擊,下腹馬上噴出大量鮮血



「夏梨!!!」

金仔比新宿棍揮向賀臣


「仲未識死呀?唔通你未睇清楚...」

此刻的賀臣雙手皆空著,全用作對付金仔


「你地,並唔係同我同一等級!」



「颯!!!!!」

賀臣兩手用力揮下,不但將新宿棍斬斷

更砍中金仔右胸!



「啊…啊呀!」


「金…金仔…!」


正花仍未反應過來之際

賀臣,已經一手收起狼爪,擒住正花頸項!


「嗚…!」

任正花如何掙扎,剛受電擊酷刑的她,力氣又怎能敵過賀臣


「遊戲已經玩完啦,正花」

賀臣冷冷望住倒地的金仔:「吸血鬼,你辛辛苦苦要保護既女人,最後都係要一死」


「呀…啊啊啊啊啊啊!!!!」


「彭啦!!!!!」

被激怒的金仔正要起身反擊,就被賀臣一腳踢飛



「正花,你真係可憐,你既男人依家都救唔到你啦」



「收聲…!」

就算命懸一線,正花仍向賀臣投以仇恨的目光


「比我殺兩次…感覺應該唔錯吧?」

賀臣抽起右手,準備最後一擊


「再見啦,你呢個滿身臭味既女人」
2022-01-27 22:38:42
1.


2.
有冇睇開造星4ching會去lolly talk年宵
2022-01-27 23:33:50
桔梗承認左夏利為戀人 即係les?
2022-01-28 00:08:55
Push
2022-01-28 00:46:06
你地果陣話會唔會係夏梨單戀嘛
2022-01-28 05:40:11
估唔到一個蜜柑已經好打過夏梨+金仔
2022-01-28 10:04:54
長距離攻擊姐……
正式埋牙先知,或者用大技才可以和對方打成平手
2022-01-28 10:05:40
我仲以為桔梗係鍾意男主呢!
2022-01-28 10:21:16
咁蜜柑係長距離攻擊㗎嘛
2022-01-28 10:32:27
我都係咁諗 兩姊妹都鍾意男主
2022-01-28 22:31:01
60.



「終於都黎啦咩,小鳥遊蜜柑」

賀臣一揮左手,將剛才吃下的兩粒彈頭甩飛


「你唔係以為,你果隻變色龍手下可以困得住我地下話?」

蜜柑邊換彈匣,邊道



「喂蜜柑你駛唔駛跑得咁快呀...嘩!!」

體能較差的阿風現在才趕到

「夏梨!!金...仔!!!」



「蜜...蜜柑...小心呀...條撚樣...咳咳!」

被重創的夏梨,倒在地上忍痛叮囑



「嗯...」

蜜柑望一望夏梨的右拇指

「用左超鼓動...都冇辦法傷佢分毫」



再盯盯因電擊酷刑而虛弱的正花

「方乘風頭先已經用左超加速...正花似乎都仲未用到超加速」

「而我...就仲有...」




「方乘風,正花,你地睇住夏梨同金仔」

蜜柑下達命令:「賀臣,由我黎對付」



隨後將袋中的兩支噴霧拋給兩人

「興sir比既止血噴霧,之前試過幾有用」

「正花,刀槍無眼,我未必留到最後一擊比你,對唔住」



正花了解情況有多嚴峻,也點點頭

「我知道...」
2022-01-28 22:31:29
「蜜...柑!」

阿風將蜜柑叫停

「小...小心啲」



「...我希望你對我有返啲信心」

雖然也是冷冷一句

但比起當初相識,蜜柑對阿風的態度明顯也有改變



「吱...」

噴霧落到夏梨的傷口,馬上固化成透明膜


但消毒效果也令夏梨痛得尖叫

「嘩...!勁乸呀...睇住丫傻風」


「對...對唔住囉」


正花也跟住,為金仔止血

「對...對唔住...最後都係救唔到你...」


「唔係...」

正花低住頭道:「你...」

「已經救左我好多次啦」





而蜜柑,正一步一步走向賀臣

「嘿,竟然仲向住我越行越近」


「唔行近啲,我怕我睇唔清楚你個樣,就送左你上西天」




氣氛一瞬間變得凝重

兩個實力最頂尖的吸血鬼和人狼,即將一戰
2022-01-28 22:31:44
「颯!!」

率先出手的蜜柑舉起雙槍,連續開了十多發子彈

「砰砰砰砰砰!!!!」



猶如平日一樣,蜜柑利用子彈在空中撞擊而改變方向的原理,製出子彈包圍網。向賀臣的全部方位攻擊


「雕蟲小技」

賀臣先使雙爪用力一揮,將眼前子彈掃清


「後面仲有!」

以腳尖為重心,賀臣高速轉身打走剩下的子彈



「嘭嘭!!」

賀臣卻只顧著水平方向,卻走漏了頭頂

兩枚子彈,應聲擊中賀臣頭殼頂



當然,這種程度的威力,不足以打穿賀臣的皮膚




「用速度最快既普通彈,都只可以偷襲到呢種程度」

對蜜柑而言,這一擊只不過試探:「佢既皮膚比啲低等人狼硬,睇黎一定要用擴張彈同白磷彈」



「子彈既速度...比我想像中快...不過」

賀臣一點也沒有恐懼:「我仲未出十成既速度呀....!」




「颯!!!」

只是一個箭步,賀臣就來到蜜柑面前
2022-01-28 22:32:09
「呢種速度...!」

雖然出乎想像,但蜜柑當然也能作出反應


「咁既距離下,我就睇下你點擋」

賀臣看準蜜柑沒有近身作戰能力的弱點,揮動利爪亂舞


「刷!!」

蜜柑一時未習慣擁有這等級速度的人狼,左腹側初割中一刀



「切…以為我冇刀就唔識近身戰咩?」

一路走來,蜜柑又豈會不懂埋身作戰

用食指做圓心轉動,雙槍作枴



「噹噹噹噹噹噹噹!!!!!!!」

蜜柑以雙槍的合金槍身完美擋下所有爪擊



「就睇下你擋到幾耐!」

「唔駛好耐」

蜜柑尾指外撥,一發子彈向後面的壁上飛出



「嘭嘭!!!!」

爆風剛好在不傷蜜柑的情況下,將她推進加速!



「咩…話!」

蜜柑乘著衝力,一口氣格開賀臣

再立刻駁上十多發子彈攻勢
2022-01-28 22:32:37
「砰砰砰砰砰砰」


「有趣...」

這次賀臣沒有再呆站原地,反而張牙舞爪,邊擋格邊反攻蜜柑


賀臣再度加速,速度已經和蜜柑相約

「噹噹噹噹噹!!!!」


前面的子彈被擋下,四周的又因賀臣的加速而全數被避過

「佢既速度,連我既子彈都甩得開...」



「你既子彈最極限...都只係咁既速度咋?!」

賀臣和蜜柑再次埋身



「噹!!!」

這次賀臣明顯有備而來,氣力完全壓過蜜柑



「嗚...」

爪尖已割中蜜柑左臂


「既有力量又有速度,果然好麻煩」


「論力量,你都係唔會夠我黎架吸血鬼!」

雙手都用作擋住賀臣的攻擊,蜜柑根本無法空出右拇指使出超加速


「再係咁既話...」

蜜柑氣力已達極限,頭頂上的雙爪亦越來越近



「蜜柑!!!」

兩人戰鬥白熱化之際,阿風竟跳到賀臣右側,銳意揮刀解救蜜柑


「方...方乘風?!」



「喝呀呀呀呀!!!」



「噹!!!」

阿風對賀臣的雙臂一刀砍下

但賀臣堅韌的人狼皮膚,又豈會被缺乏訓練的阿風斬開

「咩話!?」
2022-01-28 22:32:48
「你唔係以為,咁就傷到我下話,人類眷屬?」

賀臣手一揮,就輕易將阿風打飛至十多米外

「嗚呀呀呀!!!」


而乘住賀臣鬆開一手,蜜柑終於有空裕,將右拇指放至嘴前

「雖然唔想承認,但...今次多得方乘風」





「超加速!!」
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞