83 Like
15 Dislike
沙治·羅拔圖
2022-02-01 02:48:53
蛋 & Elka
西野七瀨
2022-02-01 23:25:02
62.
「超…凝結?!」
「咩,咩必殺技黎架…」
不止阿風,連夏梨也摸不著頭腦
「唔通,係蜜柑媽咪...」
金仔似乎猜到少許偽端
「係…係喎!auntie既必殺技!」
夏梨亦恍然大悟
「咩…咩意思呀?」仍未察覺的阿風忍不住問
「傻風你真係傻架喎!之前咪話左auntie,即係蜜柑既媽咪都係吸血鬼囉!」
「吓…」
阿風舉起手:「即係話,蜜柑有…兩招必殺技?」
「嗯,無錯」
耐性較好的金仔解答:「蜜柑同桔梗既daddy俾佢地既必殺技係超加速,但桔梗既親生媽咪係普通人類,所以佢只係有一招必殺技」
「而蜜柑,就有兩招,不過」
「除左桔梗同蜜柑本人之外,根本冇人知道果招必殺技係咩」
「哼,冇左超加速,你仲有咩必殺技都冇用啦!」
自以為穩操勝卷的賀臣當然懶理,眼裹只有一個目標
就是,將手上的利爪,刺穿蜜柑的心臟!
「去死啦!!!!」
西野七瀨
2022-02-01 23:25:32
「颯!!」
蜜柑左臂一記向上揮,就發生了令眾人無法想像的事
「吓…!」
「唔係掛!」
「點…解?」
「咁犀利!」
「冇…冇…」
一秒前仍得意洋洋的賀臣,瞪大雙眼
望住眼前
被砍至粉碎的利爪
「冇可能架!!!!!」
此刻,賀臣終能看清楚
眼前的蜜柑
手中握住一把血色的冰雕狀長刀
=============================
「吱!!!」
蜜柑手中流出的血,瞬間變成刀刃一般的形態
「蜜柑…呢招…?」
身旁的柑梗也是從未見過這畫面
「唔通…就係公會講過,兩種世界上碩果堇存既必殺技之一,『超凝結』?」
「似乎,呢招…就係媽咪留俾我既必殺技」
說罷,臉色漸變蒼白的蜜柑眼皮沉下,全身放軟倒地
「蜜柑!」
桔梗及時在倒下前扶住蜜柑
「個身…好凍…!」
桔梗轉望旁邊,剛才蜜柑製出的刀刃
「吓…!?」
刀刃,竟刺穿地面,緊緊插在地下
「吱…」
相連住蜜柑和刀刃的「血線」一斷開
刀刃瞬間溶化,變回一灘血水
「家姐…似乎呢招,負…荷好重」
幸好,蜜柑仍有意識跟桔梗對答
「 放心,唔係去到最壞情況…我都應該唔會用…」
西野七瀨
2022-02-01 23:27:26
「蜜柑手上果把咩黎架?咁勁既!」夏梨驚嘆
「睇顔色...好似,係血黎」
正花雖然不熟悉吸血鬼,但也能看到那刀刃的色樣
「吸血鬼...竟然有咁犀利既必殺技....」
金仔慢慢解釋
「嗱我都係自己響公會個圖書館睇書見到架咋...果六個吸血鬼祖先當中,擁有超加速既果位擁有最多後裔,所以超加速都係最普遍既必殺技」
「但有兩個祖先,後裔一直都係同人類繁衍,令到擁有其必殺技既吸血鬼少之又少,甚至可以稱得上為極罕...其中一種使用時會折壽,導致人狼屠殺戰後已經接近絕種...而另一種,就係超凝結」
「…」
lambda看住一切,竟感到興奮
「呢招,竟然可以斬得斷人狼既爪!!!」
「哼,你只係一時撞彩姐!」
賀臣馬上生出新爪,再度刺向蜜柑
「世上,冇物質可以敵得過我地人狼體內既金屬架!!」
今次,蜜柑轉以橫砍
「颯!!」
只是揮一揮,賀臣製造的利刀
又再次成為碎片,在空中緩緩降下
「嘭啦啦啦!!!!!」
「唔...唔係撞彩...我呢個距離,都可以感受到極地般既温度...」
「佢既刀,就係用呢種低温所製!」
賀臣漸漸接受眼前的事實
自己的爪,完全不是蜜柑手中之物的對手
西野七瀨
2022-02-01 23:27:57
金仔繼續解說
「我地吸血鬼既必殺技,其實都可以用科學去解釋既,超加速就係以加快血液流動黎令自身速度加快三倍,超鼓動就係收窄血管,産生高温同破壞力」
「超凝結...就係響加快製血既同時,再將自身體温降至絕對零度」
「絕對零度?!」
「所以,蜜柑依家傷口流出既血,都可以凝固成刀刃,硬度同鋒利度,唔單止超越狼爪,仲可以斬開鑽石」
「我唔信!!!」
賀臣利用體內龐大的金屬量,再次生長出利爪,對蜜柑亂揮
結果如一秒前一般,賀臣的爪又被蜜柑一刀斬碎!
「白痴!!你中計啦!!」
但賀臣的計劃,似乎並不是盲目攻擊蜜柑如此簡單
賀臣手也沒動一下,就將手中的利爪再生,刺斷連接刀刃和蜜柑傷口的血線
刀刃亦馬上化成血水
「哈哈哈!!你以為我睇唔到呀!你就係要靠呢條線先可以利用低温,維持到你既血成為固體!!」
「依家你已經冇時間流咁夠血整過把新刀啦!!」
對住失去必殺武器既蜜柑,十爪全開的賀臣已經將爪砍到蜜柑頭頂
「蜜柑!!」
蜜柑沒有絲毫慌張,伸出左手
左手中,竟出現一把眾人從未見過的optima v2手槍!
「砰砰砰砰!!!!」
多發子彈應聲射出
「嘿,仲以為子彈有用咩?!我.......咩話!!」
眼利的賀臣經已察覺到
蜜柑射出的子彈,均是血紅色
而且,槍口都有血線連住子彈尾
「我既『超凝結』,可以將血製成子彈」
西野七瀨
2022-02-01 23:28:25
「嘭嘭嘭!!!」
賀臣收招太慢,右肩馬上被子彈打中
但賀臣的金屬裝甲似乎仍能擋住血子彈,只出現裂縫
「哼,硬極,咪又係普通子彈!!」
「無錯,子彈太細的確係冇辦法好似頭先既刀刃咁硬,打得碎你既爪,不過...」
血線斷開,血子彈瞬間溶化
賀臣亦終於見到
在血子彈內
藏住擴張彈及白磷彈!
「!!!」
「嘭嘭嘭嘭嘭嘭!!!!!!」
有血子彈打穿絕對防禦
擴張彈和白磷彈的組合,不消一秒,就打進賀臣的皮膚
「啊呀呀呀!!!」
白磷彈猶如火焰般,在賀臣右邊身內燃燒
「嘩...」
「犀...犀利呀蜜柑!!」
「響你仲為我把血刀驚訝既時候,我一早已經響左手虎口既傷口度製造出包住擴張彈同白磷彈既血子彈」
蜜柑再次上膛
今次彈匣內,當然全都是血子彈
「雖然血子彈未夠硬度打穿你既絕對防禦,但如果係『夾心彈』既話,就可以先打出缺口,再用入面既擴張彈同白磷彈將你體內組織燒光」
「死前...感受下地獄既烈火先啦,賀臣」
西野七瀨
2022-02-01 23:28:49
「砰砰砰砰砰砰砰!!!!!!」
optima v2射出多發子彈,正中賀臣四肢
「啊啊啊啊啊呀呀呀呀呀呀呀呀呀呀呀呀呀呀呀呀呀呀呀呀呀!!!」
賀臣的手腳隨即受過千度烈焰燃燒
「我賀臣...點都唔會...俾你呢啲吸血鬼搞掂!!」
被燒得雙眼都快要甩出的賀臣,將全身的金屬液湧出
「唔係掛!」
「佢咁都仲出到招!?」
金屬液經過白磷彈造成的高温,猶如熔岩一樣撲向蜜柑!
「咁既温度,就算你既血刀有幾凍都冇用呀!!」
「蜜柑!!!」
對住準備將自己吞噬的高温金屬液
蜜柑雙手同時谷出鮮血,應聲製出兩把血色長矛
蜜柑,竟直奔向金屬液!
「蜜柑!你…你做咩呀!」
「你傻左呀!」
「以擲槍直取首級既方式既話,未必過到呢堆熔岩咁既金屬液」
「就只有呢個方法」
蜜柑高速旋轉手中的雙矛,衝入金屬液中
西野七瀨
2022-02-01 23:29:36
蜜柑的手速竟能敵過金屬液,衝向賀臣!
血矛不停溶化,蜜柑就不斷流出新血補固
「金屬液比我想像中更熱...不過」
體外高温、體內低温、加上不停造血
蜜柑身體已經到達極限
「颯!!!」
蜜柑越過金屬液,躍至賀臣面前
「咩...咩話!?」
眼前的現實,讓賀臣看得傻眼
蜜柑乘住衝力,一口氣將雙矛刺向賀臣胸口
這次,即使擁有人狼皮膚及金屬裝甲,也輕鬆被血矛刺穿
「呀...呀...」
即使是賀臣,受到這直攻心房的一擊
毫無疑問都必定致命
「無可能...無...無可能...」
賀臣的金屬液也慢慢失去控制,慢慢流至四周
「我理應...我理應超越左你地吸血鬼...」
懷住不甘的怨憤,接近死亡的賀臣後傾倒下
「賀臣...」
「今次係我...贏左」
一說罷,蜜柑也如賀臣一樣應聲倒地
手中兩把血矛亦緩緩化成血水
西野七瀨
2022-02-01 23:30:00
一說罷,蜜柑也如賀臣一樣應聲倒地
手中兩把血矛亦緩緩化成血水
「蜜柑!!」
阿風等三人已不理賀臣仍在的風險,奔向蜜柑
「蜜柑你點呀!」
性急的夏梨一碰到蜜柑,馬上縮手
「嘩頂!咁凍既你個身!」
「阿風,幫蜜柑保溫先」
「哦…!」
阿風馬上跟住金仔,除下自己外套蓋住蜜柑
「駛唔駛…」
蜜柑整塊面蒼白,口中噴出猶如極地寒風的氣息
「『超凝結』我自己都練習過幾好次,只要控制到時間響一分半鐘下就唔會有生命危險…」
「只不過成日用既話會對心臟有長遠影響,我先少用…」
「正花,剩低既…交俾你」
「嗯…」
本應能將賀臣一擊必殺,但為了正花
蜜柑竟剛好留下賀臣性命
正花面前的,是奄奄一息的賀臣
平日氣勢磅礡的賀臣,這刻卻只能倒在地上,等待死亡
「賀臣...」
西野七瀨
2022-02-01 23:30:51
「嗄...咳咳!!!嗄...嘿嘿!!」
賀臣仰望住正花,臨死前也不忘挑釁正花
「可以...親手處決我...你一定好開心啦!」
「不過你...唔好唔記得,你...只係...一件比我玩厭左既玩具咋哈哈!!」
「收聲...」
「吸血鬼!你...都係執我二灘咋!哈哈,我睇你隻手,都係因為佢先搞成咁架啦!」
「收聲呀!!」
正花一口氣伸出十指長爪,直插賀臣心臟
「刷!刷!刷!刷!刷!刷!」
即使賀臣雙眼瞪直,早已在第一擊斃命
正花仍沒有停下,彷彿要將賀臣的身體刺成肉醬
「...」
在旁的蜜柑、阿風和蜜柑,也看得不敢作聲
「刷!刷!刷!刷!刷!刷!」
「正花...」
只有金仔,在這刻作出反應
從後牢牢抱住正花
「已經...夠啦」
「你已經...親手抹去自己既過去啦」
「......」
停下動作的正花,默不作聲
「就算過去既你,係邊個既玩具都好」
「未來,我都一定會響你身邊」
「金仔.....」
剩下的聲音,就只有正花自己的啜泣
金仔亦感受到,機械手腕上,不斷滴下的眼淚
西野七瀨
2022-02-01 23:35:33
1.
蜜柑=暫時七巴小說宇宙入面戰鬥力最強,勁過彌生同叢雲
2.
正花=暫時七巴小說宇宙入面最佳女主角
3.
祝大家新年快樂
4.
前幾日電左頭,以為自己變左新地
西野七瀨
2022-02-01 23:36:17
elka勁能mk好正
書寫少年
2022-02-01 23:50:43
1. 蜜柑咁勁 但我覺得彌生都好勁
4. 想睇
咁你搵到你嘅椰奶未
松岡菜摘
2022-02-02 00:49:33
推
我就是高達
2022-02-02 01:26:58
竟然係咁,想知兩兄弟係咪純種
我就是高達
2022-02-02 01:28:07
+1
鐵拳無敵鍾培生
2022-02-02 03:23:23
咁就贏咗
書寫少年
2022-02-02 18:07:59
Push
西野七瀨
2022-02-03 00:22:27
劇情未到,但可以答:唔係
西野七瀨
2022-02-03 00:23:11
唔會自貼
西野七瀨
2022-02-03 00:26:18
「嗚嗚嗚嗚嗚!!!!!!!」
比起剛才更響亮的警報,傳遍整座大樓
「喂咩…咩事呀!?」阿風驚道
「警告,本基地已啟動自爆程序,將於三分鐘後爆炸」
「警告,本基地已啟動自爆程序,將於三分鐘後爆炸」
「警告,本基地已啟動自爆程序,將於三分鐘後爆炸」
「警告,本基地已啟動自爆程序,將於三分鐘後爆炸」
「我岩岩啟動左呢座設施既自爆裝置,三分鐘,三分鐘之後,你地就同呢座基地一齊消失響呢個世界上啦」
lambda露出一個意味不明的笑容:「既然我得唔到線索,我唯有直接『清除』你地啦」
「吱」
說罷,lambda的立體投影就失去於六人眼前
「三…三分鐘…!!」夏梨也大驚
「隆隆隆隆隆隆…」
基地也開始不尋常地震動
「似乎lambda唔係講笑,佢真係,諗住響度炸死我地…」
桔梗道:「雖然我仲未套到lamdba同迪拉斯既真正目的,但係,佢同我地一樣,都係搵緊無爪人狼 」
「冇左我地,咁佢就可以…『獨享』無爪人狼」
「lambda先生,呢邊請」
lambda跟住迪拉斯傭兵,上到UH60黑鷹直升機
「只有純種吸血鬼先有既第二招必殺技,果然有趣!」
失去賀臣這得力打手,lambda卻絲毫沒有擔憂
「冇左賀臣,銀狼會已經冇利用價值啦,剩低既就由班吸血鬼自己清理佢地啦」
「依家基因複製機已經到手,只差…無爪人狼」
lambda回頭一望即將被炸成廢墟的基地
「就睇下,你地走唔走得甩啦」
「踏踏踏踏踏踏!!!!!」
六人內除了桔梗,雖各自都受傷
但在這與時間競賽的關鍵時刻,也只能咬緊牙關
「興sir,呢度既基地就黎爆炸,大約…仲有兩分半鐘」
要逃離千石洲,當然需要興sir等人的直升機
「你唔好出年先講?」
興sir有點不忿:「我地依家距離未夠近,最多只可以響南邊既石灘度放梯落黎」
金仔馬上開出機械手,投射出千石洲的立體地圖
「嘩,700米!」
本來以吸血鬼的速度,700米的確小菜一碟
但現在的六人,仍未脫出迪拉斯的基地
兩分半鐘的時間,的確緊湊
「夠架啦,我地會趕到黎 」
「砰!!!」
六人從基地的天井跳到平台上
「咳!!」
受傷較重的正花一時受不住落地的強大衝力,打了數個筋斗倒地
「正花!」
金仔馬上回身抱起正花
「唉…竟然仲要你救」
西野七瀨
2022-02-03 00:27:22
「警告,本基地已啟動自爆程序,將於一分鐘後爆炸」
「警告,本基地已啟動自爆程序,將於一分鐘後爆炸」
「警告,本基地已啟動自爆程序,將於一分鐘後爆炸」
「警告,本基地已啟動自爆程序,將於一分鐘後爆炸」
「砰砰!!!!!!」
蜜柑用爆炸彈將大閘炸開
「踏踏踏踏踏踏踏踏踏踏!!!!!!」
「!!!」
「哮呀!!!!!!」
十多隻人狼竟從一躍而下,來到六人身後
每一隻都如當初在公會被神田斬殺的一樣,失去任何理性
「竟然仲有呢招…」
蜜柑照拔出雙槍:「你地行先,我殿後」
「警告,本基地已啟動自爆程序,將於三十秒後爆炸」
「警告,本基地已啟動自爆程序,將於三十秒後爆炸」
「快啲呀!!!!!」夏梨懶理腹部不斷出血
「啊啊啊啊啊啊!!!」阿風也大叫著
「砰砰!!!!!」
蜜柑邊走邊朝後方射擊
「可惡,用完兩招必殺技之後準度差左好多,手指都開始發唔到力…」
「興sir…佢地到左啦!!」
金仔指住前方上空,AH64直昇機已經到達目標位置
「十…」
「九…」
六人穿過樹林,面對住目標的沙灘
「八…」
「七…」
「六…」
「桔梗!」在機上的興sir用揚聲器大叫
「五…」
「正花!你上先!」
正花用盡全力,總算抓得住軟梯
而金仔亦緊接捉上
「四…」
「喝!!」
夏梨雙腳躍起,成功捉住
「桔梗!!」
「三…」
步速較快的桔梗靠衝力,上到夏梨這較高位置,留下軟梯下面多格方便阿風和蜜柑
「阿風!蜜柑!快啲呀!!」
西野七瀨
2022-02-03 00:28:41
「二…」
「吼!!!!」
蜜柑仍只顧對後面的人狼群射擊
「唔可以比佢地跟太貼...」
「一...」
「唏!!!」
早已經放盡氣力的阿風,憑住求生意志,向上跳起
「啊呀呀!!!!」
阿風。成功抓住一級
「零...」
「隆...」
「隆...」
「嘭嘭嘭嘭嘭嘭嘭嘭嘭!!!!!!!!!!!」
倒數時間已到
整座迪拉斯基地,由底層開始爆炸
「嘭嘭嘭嘭嘭嘭嘭嘭嘭!!!!!!!!!!!」
不止,就連這座千石洲也被地底的炸藥炸至地陷
爆炸威力已經讓直升機不停搖擺
「嘩!!!」機內的鈴蘭和Ronny即使扣上安全帶,也感到強烈震盪
「唔得啦...桔梗!!我地要即刻飛離啦,唔會隨時墮機」興sir道
「啊丫!!!」
最受爆風影響的,當然是最接近地面的阿風
「阿風!捉實呀!」
桔梗大叫:「蜜柑!!快啲上黎呀!!」
以免被一同葬身火海,直升機已開始向高空上升
即刻仍有多隻人狼追住,但蜜柑也知道再留下的話,就只有死路一條
爆炸的地陷已經來到蜜柑的腳邊
蜜柑以爆炸彈向後發射
「嘭!」
以強大的推進力,拋離人狼群,一躍至軟梯之下
失去理性的人狼們瞬間就被爆炸的火焰燒成灰塵
蜜柑與眾人,就只有一步之遙