【Ivy So & Candy吹奏區】那天晚上，我遇上了一對吸血鬼姊妹（2）

反而我好期待三條女

65


7個月後


「嗄...點解香港可以咁熱架...」

阿風，正和自己的同學們，從大學的一大樓走出


「熱都算丫，仲要返黎上埋啲乜撚野工業training！」阿俊也氣道


「人讀大學我讀大學，我都唔明點解我地暑假要返學！」

「返學都算啦，仲要冇女！」

同班同學陳仔及肥威也忍不住吐糟


「咦…？」

阿俊指住前面：「果個…咪阿嫂？」



阿風一望

蜜柑，竟站在前面


由於天氣炎熱，蜜柑也身穿薄白長裙，算是稍微貼近時下女大學生的潮流




「阿嫂？就係阿俊講過上次同阿風上hall執野果個？」

「哇屌！靚到飛天喎！不過好似好熟口面咁既」


阿風不滿道

「屌你呀阿俊，又爆鳩我大鑊？」


「咁大件事…好難唔講喎…」


臉皮厚的三人馬上上前與嫂子打招呼

「hi阿嫂！你黎接阿風呀？」


蜜柑一聽到這兩字，雙拳馬上握緊

但這次，卻沒有如宿舍一次般大發雷霆


「阿嫂超靚女喎...唉風哥唔識人啦」

「仲唔快啲請出pool飯！？」

「咁唔阻你地二人世界啦，走先啦風哥風嫂！」

三人一邊說笑，一邊走遠

早已咬緊牙齒的蜜柑，怒視住阿風

「你幾時先肯澄清？」



「大佬呀，佢地要咁諗都冇辦法架...我再講咪盞越描越黑...」

阿風早已知蜜柑有事也在這裡：「搞咩呀？有咩咪今晚響桔梗度先講囉」





「家姐同夏梨響尖東等緊我地」


「...下？」

阿風馬上跟住蜜柑前行

「發生咩事呀？」


「興sir啱啱打黎話有新發現，似乎就係同無爪人狼有關」


「無爪人狼...」

「無爪人狼」四字，自從與lambda一役後也再沒聽過



這半年以來，阿風一直只跟住吸血鬼三女訓練

收拾銀狼會殘黨這種苦差，也全都留予吸血鬼公會

阿風等四人，也算是享受了一段不短的和平日子


「話時話...」

阿風從後上下打量蜜柑：「原來你都會着裙...」


「我鐘意着乜就着乜」

蜜柑回一回頭：「相反，你呢件t恤著到領都鬆哂，似乎你地啲工程學生都好環保」


被刺中痛處，阿風馬上惱羞成怒

「咩...咩呀？！我要跟你地訓練，邊有parttime返呀，咪冇錢買衫囉！」

兩人一同到達尖東

桔梗和夏梨早已在私家車上等着兩人

「hello阿風！」

「快啲啦傻風！」


「桔梗，到底發生咩事呀？」

阿風問：「點解會無啦啦有無爪人狼既消息既？」


「我地去到IID總部搵興sir再傾丫」





四人照樣去到美麗大廈，IID總部的「非人類生物對策組」

「興sir，我地到左啦…咦？」


「咕...咕嚕...」

在裡面的鈴蘭和Ronny，正在自己的電腦前熟睡


就只有興sir一人，正凝視電腦

「興sir，佢地搞咩呀？」桔梗問


「靜少少，佢地尋晚同我一齊睇帶冇訓過，比佢地恰下」

興sir自己也帶住一大個黑眼圈


「睇帶？搞咩呀？」夏梨皺眉頭問



「我地，再一次發現左『果個人』」


「果個人？」未知始末的阿風和夏梨問道


「半年前興sir發現左一個有機會同無爪人狼有關既人，幫IID行動司司長做野...」


「果個行動司司長曾經參與過一個行動，而果個行動既目標，就係捉拿一班同吸血鬼、人狼基因有關既『恐怖孩子計劃』下既實驗品」

桔梗詳細地講解：「『恐怖孩子計劃』既事，lambda都知道」



興sir開出電腦上的錄影片段

「記唔記得大約半年前，有一單青馬大橋既恐怖襲擊？」


「記得...報紙話有個好似ironman既人搞掂左丫嘛！」夏梨道


IID的航拍畫面上，直顯示著四人正圍攻一隻不知名的黑色生物



「哇咩黎架！」阿風大叫


「睇清楚啲...佢有人樣響上面架喎...」

該有人臉的黑色生物，正揮動手上的黑色物，破壞四周的車輛


「呢啲黑色物，有啲似賀臣當日...」蜜柑憶起與賀臣死鬥時的畫面


「當時既行動雖然唔係林日發指揮，但係」

興sir將畫面放大：「我地又見到佢啦，我先稱呢個人做a1先啦」

「係佢...」

眼利的蜜柑一眼就察覺


與黑色生物作戰的其中一人，正是興sir所講，林日發所隱瞞的神秘人

「咁今次我地都幾乎可以確定，佢響香港啦」



「但係，依家唔係」

興sir繼續開出多個畫面：「我再查左當星期全香港既cctv，都發現唔到a1」

「我開始覺得，一切都係林日發搞鬼...所以，我就向...呢三個人埋手」



青馬大橋上的另外三人的資料，彈出螢幕

「呢個叫慕容肇麒，一直被稱為香港ironman既人，有林日發批出既軍火執照」

「劉彩琳，同慕容肇麒一樣都係香港大學學生，身上都係著住由慕容肇麒提供既戰鬥衣」

「呢兩個人，都有被cctv影到既紀錄...但之後既果一個，同a1一樣，無任何平日既cctv紀錄」



一個跟蜜柑年紀相約，臉蛋可愛的少女

「慕容春櫻，18歲，係慕容肇麒既妹妹」



「嘩...好靚女...」阿風不敢在這嚴肅場合開口，只能在心裡叫道



「本身同屋企人住大角咀，但上年9月後，就再冇cctv影到佢」

「雖然我都唔可以推測佢同a1係情侶關係，但...似乎佢同a1一樣，行蹤都被林日發做左手腳」


「咁佢...依家響邊？」



「呢個...簡直用左我一星期」

興sir再開出一cctv畫面


「呢度...」

「唔通...」




畫面中的慕容春櫻，正牽住a1

在祭典中四周觀覽


「兩日前，日本大阪，天神祭」

「只能夠講句好彩，IID同林日發響日本既權力，未去到香港咁大，可以隨便令一個人消失」

興sir飲下一口咖啡：「最後一樣野，亦都就係今日最重要既野」


畫面再顯示出林日發的日程報告

「林日發，正正尋日到達大阪」


「！！！」



「雖然我唔知道佢地到底搞乜，但今次…的確係最好機會，接觸到a1」

興sir搖搖手：「不過講明先，我幫呢就剩係可以幫到呢度既姐，再踩過界既話我地三個都死無全屍」

「帶武器果啲無問題，我可以比幾個專門過x光既偽裝行李袋你地」



「家姐，今次…絕對值得一搏」


「嗯！」

作為領袖，桔梗終於作出

這個簡單的決定


「我地，聽日出發去大阪」




「目標，接觸a1」








「北海道秘密研究所，瑞木康夫個老野都收得啲野幾埋架喎，不過咪又係俾我搵到」

同時間，留上黑色長髮的lambda亦正坐在迪拉斯的直升機上


看着手中的儀器，lambda笑得陰險

「好快，好快…就可以將所有『恐怖孩子』…拎到手！」


《吸血鬼姊妹》完

彩egg1


彩蛋1


關西國際機場


「.....」

阿風呆頭呆腦，拿起自己的行李箱



夏梨一手拍中阿風頭頂

「你唔係下話傻風？搭飛機搭到暈？！」


「唔好咁講啦夏梨，阿風眼訓姐」

桔梗和蜜柑也取下自己行李


「我第一次搭飛機咋…而且」

阿風憂心道：「我大學d training唔走得堂架…」


四人步出入境大堂，正式上陸


「呼！！幾時都話架仔國既空氣最舒服！！」

夏梨像個小孩般跳動


桔梗見身旁的蜜柑神情嚴肅

「放鬆啲啦蜜柑，興sir話會繼續幫我地睇cctv架嘛」


「嗯…」

話雖如此，蜜柑依然集中精神，以防走漏一眼


「咁…我地出左市區食野先丫」

「好呀，我要同桔梗食大阪燒！」

夏梨牽住桔梗，興奮叫道



「！！！！」

一下電擊從蜜柑腦內經過


「家姐，有…吸血鬼…響度」

「…我都感覺到」

不止桔梗和夏梨，連阿風也能感應到



「唉果個發叔咁撚仆街既！叫我地去到北海道咁撚遠，又唔撚送我地！」


「把聲…」

「咁熟既？！」

蜜柑和桔梗都愕然



「咦？！你地咪桔梗同蜜柑妹！？？？」

兩姊妹一轉頭

眼前的青年，竟然是


「彌生？！」


「哈哈好耐冇見啦！！又會咁撚岩既！？」


當日曾到自己父母喪禮的彌生，竟在這裏相遇

而彌生身後還有七人


包括

「係…慕容春櫻，仲有…」






蜜柑，絕對不會忘掉那人的容貌




「…a1.....！！」

彩egg2



「嗄...嗄...」


「點呀靚女，同我地玩完遊戲啦喎...」


在阿白的眼前，是一條死胡同

在阿白的身後，是一個又一個


正流著口水的人狼






「噹！！！」

兩雙利爪同時擊向叢雲的刀上


「嗚！！」

衝力之大，使叢雲也被壓向後，跟阿白只有一步之遙

「叢雲！！」



「哈！你頂唔頂得順呀」

望住叢雲拇指上的血，帶頭的人狼笑道：「你用完超加速都只係殺到我地一半人狼，效率低左啲喎」


「呢班人狼，速度同力量都比以前認識既快...」

叢雲左手拔出另一伸縮刀

「刷！！！」


雖然這一橫砍威力不足以重創人狼，但至少先將眼前的兩人狼打退

「阿白！走！！」


「但係...」


「仲有呀吸血鬼！！」

再有三隻人狼接力圍攻叢雲，使他沒有喘息空間


「走呀阿白！返去揾阿昇同新月佢地！」

「走！」


即使不願掉低叢雲，但叢雲的多番命令下

阿白，也只好不理一切，掉頭逃跑

「靚女你區區一個人類，又點會夠我地跑呀」

「兄弟，捉住佢先」


人狼們，笑淫淫地捉住阿白雙手

「唔好呀...！」



「嘩大佬！條女真係好撚靚呀，女明星咁！」

「果隻吸血鬼收埋件咁正既女，好心一早拎出黎分啦！」




「嗚...嗚」

快將被污辱，手無駁雞之力的阿白除了啜泣，就只能祈求

「叢...叢雲...救我呀...」




「嘭啦啦！！！」

一聲巨響，在人狼頭頂響過


「嗯？咩聲呀？」

「唉咪理啦！屌女要緊」



但當再一次望向阿白時，所有人狼都呆着了

「呃…」

「咩…咩話？！」


人狼老大的雙手，竟然

一瞬間被砍下



「啊啊啊啊啊啊！！！」

一切發生得太快，人狼老大現在才痛得尖叫


「大…大佬！！！」

人狼們馬上嚇至退後


而兩個身影，已經不知不覺間，來到阿白面前


倒地的人狼老大望向一人

街燈照亮的不只她冰冷的美顏，還有


「你既爪…唔通」

「你係銀…！！」



「刷！！！」

一隻利爪，直接刺穿老大的頭顱

「嘈死…」


「你…你地係…？」阿白驚魂未定，口仍震着道


「hello小姐，你無事丫嘛？我叫金仔，今年....」金仔有禮地問道


「啪！」

正花一掌打往金仔頭頂

「嘩好痛，正花你做咩打我呀…」


「唔好一見靚女就心心眼」

正花回頭望向阿白



「小姐你放心啦，我地...會保護你」

後記

1.
首先多謝大家一路棒場支持《吸血鬼姊姊》

2.

寫故生涯中字數最多，連續時間最長
仲有咩好講

3.
講到呢度大家應該已經估到無爪人狼既真正身份
故事亦終於連上《孤獨兄弟》主線

4.

寫故生涯最鐘意既角色：正花

5.
下個故未知，但應該會找左三條女數先
但三條女係我用黎r讀者既最後武器，有啲唔想咁快寫（唔係出過三條女第一季既話，上個post點會三百幾正評丫）

6.

我一定係錫蜜柑先架啦

7.
Ivy So同Candy已夠人，請大家轉撐lolly talk
https://www.youtube.com/watch?v=9lUIuUyOOVg

8.
彩蛋寫阿白果段有少少想寫重手啲

9.
《吸血鬼姊姊》係2019年開始諗的

真係唔覺你原來寫咗咁多字，原本以為係三條女第二季先睇，睇睇下又覺得幾好睇，多謝你嘅創作

一直G持七巴！

我都係由兩條女同三條女開始睇 之後睇晒你嘅英雄系列 依家個主線會唔會發展到變成marvel個英雄內戰咁

就算你唔寫三條女 繼續寫英雄系列我都會睇
不過有三條女睇先當然好
就算睇完三條女都會繼續live英雄系列

係睇三條女故先接觸七巴，不過英雄系列認真好睇

辛苦哂巴打
可唔可以pin時序出黎 追完想由一開始睇哂成個系列

無咩內戰的
我依家戒左睇MARVEL就係唔想寫到令人覺得係AVENGERS

吸血鬼姊姊響時間上大概係2018年11月
過多排我會比錢買呢個網既PLAN

我都係三條女故先入七巴坑

西野巴個宇宙都幾大
想追哂都要啲時間

進入終極女權時代

七巴預計下個故幾時開波