韓國電影集中討論區 (15)

有冇睇過讓我們走下去//moving on
前年hkaff嘅戲，睇得幾舒服
總係覺得後面爭咁啲野令成套戲/題材昇華

賣波鞋個段最好，其餘嘅戲算OK嘅，最後講佢對老母改觀，算有說服力，不過呢d題材係常見，無乜新觀點，所以有你所講嘅問題。

頭先開翻條片睇咗一陣，有段戲講佢老竇同姑姐幫啊爺搵老人院，跟住兩個人一邊煲煙一邊講翻當年往事。個幾分鐘嘅戲真係平凡d，有d劇集feel 。桃姐入面都有兩場類似嘅戲，但細膩好多。年輕導演/作家嘅局限係明顯，比較難拍一d同自己差距較遠嘅嘢。

比較之下，我們與愛的距離個結局高d，雖然都只係集中係個學生妹嘅感受，但逼到佢去（間接）經歷一件社會事件，個世界當堂大咗（少少）

睇咗樓主強力推介的酸酸甜甜愛上你 睇到波鞋個位 個過場太令人印象深刻 突然發現睇過日本版 日本版叫愛的成人式

我知道係翻拍都覺得拍得唔錯，韓版加咗自己啲本土文化入去，例如社畜文化，令到職場線同愛情線配合得好好 Crystal演不修邊幅女同事都好有驚喜

愛的成人式睇過，好撚勁臭g前田敦子
唔易拍，算拍得好好，小說應該再神啲

翻睇《我要復仇》，發現到有好多細節位，剪接好乾淨俐落，鏡頭冷靜克制，冇一個shot係浪費

btw原來個傻仔係柳承范扮嘅


朴贊郁都客串咗一個鏡頭

如果純粹講電影語言係幾高分，不過d人物寫得比較薄，同埋最後班“恐怖份子”太搞笑

最尾班地下組織我覺得同套戲（或者朴嘅戲）嘅風格連貫，特別前段有唔少呢啲滑稽到令人發笑嘅場面

人物寫得幾立體，兩個主角設定其實幾一致，兩個都係善良嘅人（好多細微情節都表現到），兩個都係因為失去親人而做出極端行為，青頭仔想救贖而殺戮，宋康昊想報仇而殺戮，最終都係逃離唔到宿命，比較弱嘅反而係冇乜寫佢地同親人嘅關係有幾親密

對睇師兄點評論假冒女團

想睇*

河正宇真係正到仆街
最近一口氣睇咗佢五套劇
追擊者睇完差啲瞓唔著

好有諗頭

類型片的話，忽然諗起兩個片段，覺得d人物都有一定厚度

英雄本色，狄龍撞翻周潤發個段，離遠見到對方破下破下咁幫李子雄開車門，之後仲要被李施捨亥落

喜劇之王，星爺同張柏芝搞完後，第二朝好緊張咁打電話問人要幾錢，然後放地三千蚊，另轉頭扮訓緊，唔夠膽面對有可能發展感情嘅對象

戴個頭盔，雖然我覺得朴贊郁d人物好多都時為咗服務情節，但可能其他觀眾睇得好有共鳴。

我覺得朴贊郁啲戲好多時候都好surreal 原罪犯金子thrist呢啲睇左少少知冇乜可能係現實發生 睇嗰陣會將個著重點放係情節到 可能會下意識冇咁追求一啲豐滿的情感

韓版50度灰？
https://youtu.be/qksqRXi9qqI

牙梨呢輯相比以往正常

牙梨得罪人？

一剪完個傻仔頭就開始唔正常

Seohyun唔係俾人綁嗰個睇嚟把撚

原來又係改編漫畫

徐賢粉紅色恤衫個look完全唔想色 感覺孫藝珍後生十年嚟演應該正式好多

宋康昊套飛機災難片幾時上？