咁齋計賺錢,係ok嘅,起碼講辛苦又唔算好辛苦;有壓力但都係接受嘅范圍以內。
只不過,賺到錢反而洗嘅地方唔係真係好多。
樓想買,夠首期但始終未睇到個完全啱心水嘅盤。
我又唔好映相音響,唔賭唔嫖近排仲戒埋煙,剩返酒會飲下但始終有限數。
好運女友又唔大洗,家用俾完1/3都仲儲到一大舊,加埋武肺旅行都去唔到洗得仲少。
但係個人真係好似個殻咁,返工、放工,瞓覺。
週末會瞓多少少幫自己叉下電。
打機?會打嘅,有好玩嘅咪玩下囉,但有時放低咗幾日,玩返又唔記得上次打到邊
以前細個打機,打到天昏地暗,Diablo 2為衝 ladder,連打26個鐘除咗痾屎痾尿、完無離開過張櫈。而家?打2.6個鐘都已經覺得攰想抖下。
最大問題係點肝都好,一樣打唔贏重課或者班比你更肝嘅痴線佬。