召喚lihkg所有學神/P牌巴絲(95)

上個post
召喚lihkg所有學神/P牌巴絲(94)
https://lihkg.com/thread/2769798/page/1
- 分享自 LIHKG 討論區

好壞師傅list (只供參考，其實師傅都係人夾人嘅啫)
https://docs.google.com/spreadsheets/d/1P3ULTCnAeMVaZBseRkVgEQCKMRTTjUfzIxwtNeA69Hk/edit?usp=sharing

Q/A
問題1）
學咩車，幾錢先叫平，幾錢先叫貴，我報邊間學校或者駕駛學院好？

答案1）
首先要搞清楚，你想學邊款車，有2大分類，自動波及棍波。2款車，私家車(1仔牌)及輕型貨車(2仔牌)(以下簡稱貨van)。

問題2）
咁學邊款最著數?

答案2）
根據運輸署規則，考貨van牌係送埋私家車牌，考棍波係送埋自動波牌，換然之，學棍波貨van最合乎經濟原則，因為考1個牌就送埋其餘3個牌比你，即是Buy 1 get 3 free。

問題3）
我手腳唔協調架，學棍波實撞車！咁自動波應該學私家車定貨Van?

答案3）
你可以選擇自動波貨van或自動波私家車，同樣地，你考自動波貨van係會送埋自動波私家車牌比你。亦有人話，其實我只要自動波私家車牌就夠，少個牌對我冇影響，咁你可以只報1個自動波私家車牌。
棍波私家車，我唔建議大家去報考，一來師傅少，二來係4款車當中係最難學識。最易學邊款車，我認為最易學一定係自動波貨van，原因有3個：

第1，泊位會比私家車容易，因為考試個泊位其實係設計比大小小既車泊，例如貨van，而且貨van有後鏡可以睇到車尾入唔入到考泊車時既黃格，呢個絕對係優勢；
第2，貨van車頭有魚眼鏡，對考車既人仕要做3手軚掉頭極有幫助；
第3，貨van兩邊側鏡可以望到既範圍係比私家車為大，車身亦較高，盲點亦都比較少，而私家車有車頭部分，新手係比較難掌握與車頭距離，相反貨van司機已經坐到全車最前部份，只係需要掌握車尾距離感，所以我會建議新手學貨van。

問題4）
考試場地係點架？

答案4）
香港考車，主要分2大區-香港島區，九龍及新界區。以上我地都比較鍾意統稱叫考街。先講下九龍及新界區，考貨van，不論自動波或棍波，有5個試場，運輸署會隨機抽1個比你，分別有天光道，忠義街，油塘，澤安，永孝街。至於私家車，不論自動波或棍波，有3個試場，運輸署亦會隨機抽1個比你，分別係培正道，石蔭，忠義街。

香港島區方面就比較簡單，只有2個考場，分別係掃桿埔只考貨van及跑馬地只考私家車。

有人會問，李健或者鏗鏘果D係點玩法，嗱，我地要搞清楚，我地統稱呢D叫駕駛學校，駕駛學校係冇私家場，佢地只係幫你排街外場，亦即係你去跟私人師傅學車一樣，駕駛學校會幫你報名考以上幾個場地，再幫你安排師傅，而佢地比較有規模，可以隨時去投訴換師傅。

至於香港駕駛學院，佢係有自己既私家場，分別位於元朗，沙田及鴨脷洲。

有人會問，咦，我住元朗喎，可唔可以報元朗駕駛學院考，但用私人師傅或者去跟駕駛學校應考架，得唔得架，答案係NO，不可以。唔好問我點解，要問就問返駕駛學院點解政府會比咗個咁古怪既條例出黎。

仲有間新觀塘駕駛學校，佢哋觀塘嘅私家場係只考乙部，丙部去翻上面個油塘考。

問題5）
邊個場最難，邊個場最易？

答案5）
只要控制好部車，冇話邊個特別容易，邊個特別難。如果真係要揀一間，鴨脷洲駕駛學院，呢個絕對係全港最易試場。但要留意返，考官每日穿梭不同考場，昨日可能係天光道，今日可能係澤安，明日可能係元朗，後日可能係沙田，鴨脷洲係全港出名最易既試場，問題係考官去到鴨脷洲，覺得條考試路線咁易，自然會將心中把尺提高返，考生想合格都要合符返一定水平。

問題6）
報名流程係點架？

答案6）
建議先去運輸署親自報名，記得要帶3個月內住址證明，報完名大約等個幾月就要考筆試，筆試只係考20條交通選擇題，需要答啱16條或以上，答啱15條既，請麻煩報名再考過。筆試內容會係報名果時，運輸署會送一本藍色（以前係黃色）小冊子比你，你亦可以自己上網搵練習，網上有大量筆試練習提供，最重要係免費，真係做到你唔想做，考完筆試，運輸署會即場隨機抽1條考試路線比你，如果你係報香港島區考，當然只會抽到掃桿埔(貨van)或者跑馬地(私家車)，如果你報既係九龍及新界區，咁就會出現抽獎情況，大獎係獎你幾個月後去上面提及既試場考路試。
要注意既係，如果你報名報九龍及新界區，萬一考路試肥佬，你又要再申請多次考路試，運輸署係會隨機再抽過新既考試場地比你，又或者你好不幸，可能會再次抽返你既傷心地再考多次。
本人親身經驗，我自己係親自去運輸署報名，考完筆試之後抽到油塘，本人覺得太遠所以轉咗去元朗駕駛學院應考，最重要既係，駕駛學院冇收我額外費用，所以我建議考生們，先自行報名考筆試，抽到既場地唔合心意，可以轉去駕駛學院。但要注意，如果我抽到油塘，想轉去澤安考喎，得唔得呀，答案係NO，不可以，你只可以缺席是次路試，等重新抽獎，注意，你只得1/5機會抽到澤安，亦有1/5機會抽到油塘喎。

問題7）
考試流程係點架？

答案7）
不論貨van或私家車，都分為乙部試及丙部試。一般都係同時間進行哂兩部份，亦有少部份既駕駛學校係分開兩部份黎考，先考好乙部試，再等幾個月後考丙部試。我個人意見係，其實乙部試都幾悶，如果考乙部試之前既練習，你只可以不停做場內動作，又唔可以出街，重重覆覆咁做，你唔厭我都覺得悶啦。

乙部試: 乙部試係考泊車，3手軚掉頭同斜路起步，只要有任何1個項目肥佬，就整個乙部試都肥佬。先講泊車，顧名思義，就係泊好架車囉。即係成功用1次機會泊入1個S位泊位或L位泊位，視乎考試場地要求。3手軚掉頭就係2條行車線，考生只用2次向前，1次向後機會，成功將部車180度掉頭，中途唔准掂兩邊石壆，千祈唔好睇輕呢個動作，呢個動作考你用手扭軚速度，用腳控制車速。最後就係斜路起步，成功將部車停係斜路，再成功係斜路起步，起步果刻唔可以溜後，溜後即肥。以上都係乙部試內容。駕駛學院就有呢到優勢，因為練習地方正正係你考試地方，只要好好地做，要合格唔太難，相對上，考街既考生就會比較麻煩，因為你練習地方未必係考試地方，有可能師傅未能提供，亦有可能場地所限。所以考駕駛學院相對上係有優勢。

丙部試: 每個考試場地都會有3-4條考試路線，考生需要自行駕駛車輛，途中考官會示意考生需要行駛既方向，考生係唔會事先知道考邊一條路線。不論考街既考生定係駕駛學院考生，都需要出街行一個圈返去，所以有人話駕駛學院係易考D，我係唔認同，因為丙部試大家都係同等條件，唯一唔同條件既只係乙部試。丙部試所涵蓋範圍非常廣泛，考官會留意考生有冇做足每個預備動作，每一個動作有冇做足同做好，例如望鏡，望盲區。首先我地細分車內環境同車外環境因數，車內環境係指你車內動作有冇做好。
例如：每次開車前有冇望鏡，軚盤運用流唔流暢，油門運用流唔流暢，離合器運用流唔流暢，腳掣運用流唔流暢，手掣有冇拉好或開車前放好，轉線有冇擰頭望，轉線前有冇打指揮燈，落雨識開水潑或大燈等等等...

以上動作，有D可以容許你犯錯一到兩次，有啲係未必容許你有一次犯錯。車外環境就比較複雜，絕大部分都唔容許有1次犯錯，例如停車時觸及前方或左右兩方行車線，行駛時觸及左右兩方行車線，影響其他駕駛者，沒有注意交通情況不論開車或行駛途中，太接近其他物體，在物體後急速扭軚駛出或物體前急速扭軚切入，不利用先行權利，不讓路予有先行權利之車輛等等...車外環境變數實在太多，怨未能盡錄。

繼續討論

留名

Lm

肥乜？

187 衰轉灣位置不正確同軚盤不正確，但我其實唔知衰邊個灣 ，岩岩打左去上攞report


應該踩到界
從來轉灣無話正唔正確，唔好出界就得，我理解係咁

即是乜

永孝街我今日考大圈，如果真係衰轉灣踏線，我估係葵盛圍右轉李賢堯門口，或者臨入考場個灣，呢兩個有機，但我真係唔知衰係邊。

二線 李賢堯右轉

我發現咁大篇嘢得嗰一句用刪除線，冇入去copy格式就咁copy啲字會copy唔到不如下個post真係delete嗰句嘢算數

問題15)
Pass左想問下點去counter拎P牌？預約得唔得？

答案15)
你填份TD590其實有寫：
( 甲 ) 郵寄至東九龍郵政信箱 68115 號，運輸署觀塘牌照事務處⋯⋯
( 乙 ) 親自或由代理人交回下列地點⋯⋯（自己睇份表啦，都係嗰四度啫）
運吉改咗，搞咩牌都可以預約

頭先上最後一堂
終於克服江蘇街條斜路
因為今日咩情況都遇過晒
一次臨轉上去對面有的士落黎 轉得好貼
再一次前面李健車臨轉上斜位 點知行過龍要倒後
仲有次係有車江蘇街路口打死火燈

上次考果時 練車澤安勁易揸
今次第二次考抽中澤安 難到叫救命

有無人排到九龍van快期 今日排去到幾時

我考肥過澤安 覺得唔係話超易

想問三手軚係咪每手回直之前都唔可以停？姐係例如第一手撞盡右軚去到差唔多咪踏住brake->再放brake回返直-> 最後手制N波ok?

月經問題
都話快期唔係排期
係d人改期 本身個期就會空咗 黎出黎做快期畀大家搶
TD官方答案 7-30工作日內既期都有機會

好似只係拉死軚唔得， 即係唔好brake住回