同居生活 | 「疑」情別戀 每日連載中
她撓起雙手,乾脆倚在床板坐在枕頭之上,邊想邊說:「因為有把聲不停同我講『你唔可以離開呢個人』、『你喺呢個時候走同由得佢自生自滅係無分別』。聽得多我就覺得又好似係喎。一齊咁多年嗌咁多次交都唔走,一知道你有病就話走咁好仆街啫。講過㗎嘛, 『無論順境逆境,富有貧窮,健康疾病,我將永遠……』」說到這裏她停下來,刻意用笑聲屏蔽我們多年來都久違的兩個字。