【懸疑】你有懷疑過跟你同住的家人，可能並不是他們嗎？ 2

家破人亡都唔算好好啦

唔敢咁大想頭

【作者的話】

故事起源自今年年頭一宗喺議辦接到嘅求助個案（賣個廣告，多少少詳情有性趣可以去 https://bit.ly/3uf6Rt1 睇）

當時一認識到卡普格拉綜合症，就已經好想用佢作為一個故事主題寫出嚟，但後來再做多啲資料搜集，就發覺將佢變成懸疑故事嘅謎底係有好多事先始料不及嘅難度。雖然唔知大家想唔想知，純粹想分享少少寫作上嘅making of

首先因為卡普格拉綜合症嘅矛盾其實好明顯，患者覺得屋企人被換走，一問原因通常都會講因為佢哋身體上出現咗一啲改變（其中一個案例就係話一位患者覺得阿爸被人換走咗，純粹就係因為佢真嘅阿爸揸車無呢個人揸得咁快）。我哋旁觀睇就會知道呢啲改變其實好正常，但患者係唔會咁覺得。如果將呢啲理由直接擺落劇情上，好快就會發現主角講嘅嘢係唔合理。所以諗咗好耐，最後就為主角加上咗卡普格拉綜合症嘅friend面盲症，嘗試用複製人嘅猜測誤導大家去諗故事會唔會係走科幻／其他可能，先至可以將主角有病嘅謎底hold到去較後階段。

第二就係其實即使佢哋覺得家人被人換走咗，案例比率上其實得好少患者會傷害「假冒者」。正路可能就會諗如果屋企人被人捉咗，肯定會打柒個假冒者追問屋企人下落。但唔知點解（或者只係我未搵到相關資料）卡普格拉患者只有少數會做出呢啲行為，呢個亦都變成劇情上另一個唔合理嘅位。但既然故事係想將主角患病嘅事實埋到最後，事前就要合理化佢相對上退縮、保守嘅行為。最後就用咗兩人長年累月嘅婚姻問題、主角個人嘅性格特質、旁邊角色一啲輔助等等嘗試堆砌解釋點解佢唔去同假安琪正面衝突。

除咗想試下寫呢個罕見病，主角嘅婚姻問題都係我幾想探討嘅一點。與其話想透過故事帶出咩訊息，其實我一直都好認同文學（或者故事）唔應該係作為一個媒介去灌輸一啲概念，自問都無資格去教人要點做點做先好先啱。相反故事應該係作為一個平台，提出一啲話題去等寫嘅人可以思考；睇嘅人亦都可以一齊討論。故事唔係提供一個好肯定嘅答案要讀者去跟從自己諗法，而係應該提出一個問題，喺寫／睇嘅過程我哋一齊嘗試去搵個答案。去到最後搵唔到答案、或者根本無一個答案都唔緊要，重要嘅係喺思考嘅過程中我哋都會諗多咗、感受多咗。例如今次係幾好奇想知道到底人點解要結婚；到底係基於咩敢去作出一個咁大嘅承諾；面對對方違背誓言當事人會點自處；喺信任自己同信任另一半之間應該要點取捨等等。其實寫嘅過程就係思考嘅過程，睇完之後其實主角都無一個確實嘅答案。不過喺寫嘅過程，自己都會設身處地諗多咗少少，如果大家睇完又會一齊諗多少少，咁又係一個bonus啦。

其實今次都係新嘗試，想踏出寫開嘅comfort zone試下寫啲唔同類型、氛圍嘅故事去磨練下。每一次睇返都會忍唔住改啲改啲，睇完大家意見又會更加發現到有咩不足，諗下下次可以點樣改好佢。吸收多啲意見養份，希望唔使等到下世，終有一日可以成為一個更好更全面嘅講故佬


多謝大家睇到呢到

最後俾我多次廣告，鍾意睇嘅可以喺連登「追蹤」我咁下次一出故就會第一時間知道
想大大力支持，可以科勞我睇短故／散文／其他無法分類的文字：
Instagram:https://www.instagram.com/waittobewritten/
Facebook:https://www.facebook.com/waittobewritten

終於連載完！

最後變咗綠光照耀，仲要係好多頂綠帽，連個女都唔係自己嘅，發生係我身上，一係就會痴咗線、一係就學男主角一嘢拮死佢、一係就受重創，再唔信任何人。
我都唔明點解啲人著緊話要幾時結婚，就算自己條命唔長，當六十歲，廿幾歲結婚嘅話仲有成三十幾年，點知將來會發生乜事。咁點都要選擇一個真係適合又好愛嘅人先結婚，但我覺得好多人都唔係，可能係趕住結婚要生仔，可能係遇到個好嘅人唔想放手，但唔係好愛。
搵唔到啱嘅，寧願唔鬼結婚

你同挽嫂唔好搞啲咁嘅嘢

安琪又唔想要露露 連阿爸都放棄佢嘅話 佢真係喺英國寄宿自生自滅

其實睇到最後 安琪根本邊個都唔愛 只係最愛佢自己
男主角果到唔講啦
Javier果到 如果佢唔係要搵人執手尾都唔會醒起有javier呢個人
咁javier又願意同佢一齊搞咁大場戲 比javier屌下又有咩所謂 仲要有錢有名氣

其實做influencer/freelancer好容易避免被分身家
其一冇穩定收入 其二啲錢可以續d喺銀行轉畀姦夫
作者應該仲清楚過我

覺得最危險就係最安全

viu買嚟做就正

同時亦都令佢淨係坐一年就得屈機到
因為個個人嘅供詞都係話安琪係完美

Edan柒下柒下做男主啱晒

雖然我傾向相信喺故事入面係兩人都有問題，不過我諗呢個結局對雙方嚟講都算合理嘅

唔夠好戲啦
男主好似真係得劉俊謙得

主角得知自己患病後一段的確係想重建關係、建立返信任，而有一段時間佢都算係成功咗。但事實往往就係你花幾多努力去做一件事，同件事最後會否得償所願其實可以係毫無關係。你可以超級努力，但都未必會影響到結局。因為好似故事咁，結局一早已經寫定咗，佢老婆喺x年前已經周圍出去玩，個女從來都唔係佢，就算佢幾正能量呢點都唔會改變

唔敢話有咩好重大message要帶出，純粹覺得咁嘅走向雖然係幾令人失望，不過現實好似好多時就係咁 人就係咁有趣，不停失望，仍然不停抱持希望

巴打你個提議好好我嘗試喺呢個方向修正下

現實有得睇啦 點寫都唔夠原著咁曲折離奇

呢個故事全部人都無好下場

/r/nosleep rip off

沒有人是無辜的

女主角要雙面性格都難搞

可能可以養返醫生轉頭

果然理想很遠

絲打對我咁有信心好彩都無累到你要請食飯