【懸疑】你有懷疑過跟你同住的家人，可能並不是他們嗎？ 2

關燈的時候眼前說話的這個人就是真安琪、開燈的時候就變成了假安琪。

男主角同假安琪生活都會熄燈架，又唔見真安琪走岀嚟？

開始愈寫愈少咁🥲 都係隔一段時間再黎睇～

呢個位難搞，如果樓主解釋唔到，好易變爛尾故

lm

男主痴撚左線呀

兩個安琪都係同一個人，
只係女主想講內心說話比男主聽
但又放唔低平時既面具
唯有用一個假安琪去講哂心中所想出嚟
例如順產，未準備好有小朋友等

希望唔好懶係有格調咁畀讀者自己解讀／ 理解
可能我蠢 今次真係要作者詳細解釋下發生乜事

好似幾有道理

補充多少少


即係都知道係催眠㗎喇
但係就好似之前啲巴打話齋


之前同假安琪一齊唔熄燈㗎咩
嗰張3d圖唔係整容用架咩
如果係同一條友點解對佢個女咁差
下半邊面係咪因為心理作用所以喺男主角眼中先歪曬

希望唔好故弄玄虛 變咗爛尾故

留名

push

被催眠嘅其實係主角

留名

等到心囉囉攣

未準備好有小朋友/唔鍾意小朋友 都唔代表要傷害佢？
同埋下半邊面唔同咗 都要解

呢個又估得幾有道理

＞032

我迷茫地搖頭，完全唔撚知道他想表達甚麼。魔術表演嗎？

他把手掏進自己的襟袋，拿出一張名片狀的東西：「你同你姐姐淨係查到我做咗份咁嘅畢業論文，但係就無查到我而家做緊咩呢。」

我把目光移向姐，她搖頭。我們循著商業大廈的地址查找，只知道那棟有不少專科的醫療中心聚集。

「我讀書嗰陣的確係對『複製人』呢啲科幻嘢好感興趣，而家睇返其實嗰篇文章好多論述都幾中二病。」他自嘲一下，但氣氛絲毫沒有被緩和：「我畢業後再揀專科讀上去，而家執業嘅領域係精神疾病。」

精神……疾病？


「你有無聽過『卡普格拉綜合症』？」他拿起放在電視櫃旁的公事包，取出一份釘裝好的文件。

在旁邊的姐忍不住插嘴揶揄他：「實有啦，『醫生』。」

Javier被姐的話嗆到，咬咬唇又繼續說：

「自從幾個月之前安琪喺DONUT聯絡返我，我就一直跟進緊你嘅情況。去到而家，我有合理原因相信你係患咗卡普格拉綜合症。」



Javier拿住文件的手凝在空中，我毫無接過的打算。姐看不過眼，儘管半信半疑還是站到我的面前一把搶過來，在我身旁閱讀。

～

卡普格拉綜合症 Capgras delusion

患者會認為過去熟悉親近的人（或死物）被冒充或頂替。


病源：視覺訊息由梭狀回→杏仁核→邊緣系統 的線路受損。患者可以辨識到臉孔，但因迴路受損而無法喚起應有的熟悉和連繫感。

相關病症：面盲症 Face Blindness

人腦辨識人臉，需要透過兩條獨立的迴路。第一條以意識的認知為主；第二條則以牽引情緒為主，它會繞過意識路徑來直接喚起大腦對此人的愛好憎惡，亦即是我們與熟悉的人的連繫感。

正常人辨識臉孔，需要兩條迴路的運作。面盲症患者的第一條迴路受損，所以它們無法辨認出臉孔以及五官的獨特性，透過電極實驗卻證實了當面盲症者看到熟悉的人時，仍然會不自覺出現第二條迴路所帶來的「連繫感」。

卡普格拉症的病源亦是類似。卡普格拉綜合症的患者第一條迴路正常運作，所以他們可以辨識到「這張臉＝這個人」的視覺訊息，因第二條迴路受損的關係卻無法帶來與這個人的「連繫感」。為合理化當中產生的矛盾，因而衍生面前的人被冒名頂替的設想。


普及性：全球約 0.12％。

~

「你即係話，我細佬癡線？」姐關上了文件，語氣異常平靜地質問Javier。

Javier不諱言：「嚴格嚟講，卡普格拉綜合症係屬於妄想症嘅其中一個分支。」

不管他們說什麼，由此至終我放在假安琪身上的目光都沒有移開過半分。


「你意思係，」我終於開腔捺不住問：「假安琪……真係假嘅？」

他點頭，堅定地告訴我：「從來只有一個安琪。」


Javier替姐拉開椅子，邀請在場的人都坐下來。他習慣性整理一下衣袖，將手合上。


「卡普格拉綜合症嘅患者其中一個共通點就係佢哋會不停強調『替身』或者『Double』之類的概念，而且病發嘅對象極多數都係至親嘅人，好似父母或者伴侶。外國有病例，患者甚至係覺得自己住咗好多年嘅屋企俾人換走咗，而家住緊嘅呢間屋係假冒嘅添。

以過往咁多病例嚟講，最普遍嘅有幾個情況。
佢哋有啲會覺得自己嘅親人被另一個真實嘅人冒名頂替、有啲就會覺得自己嘅身邊出現咗親人嘅複製人，有啲甚至會覺得有外星人或者機械人工智能扮演緊自己嘅親人。

分別就在於患者嘅知識水平同環境限制。但其實都係萬變不離其宗，患者就係會認定自己嘅至親被人「換走」咗。同時喺佢哋身邊出現嘅嗰個人，係假嘅、冒名頂替嘅。」

Javier以熟練而不失謹慎的語氣輕輕問我：你，有沒有類似的感覺？



「雖然我唔知要點說服你，但我好肯定屋企嘅人唔係安琪！」
我記得那天我拉家姐陪我去警察局報案，我被趕出來後坐在街邊的石壆，氣急敗壞地這樣告訴她；

還有我看著那張由醫美中心發出的面相分析A4紙，當時我發現了它有複印本，馬上就在想「圖片可以複印，那人又可以嗎？」

我的確……有過以上的懷疑。

「而李生你嘅假設，應該就係當咗身邊出現咗一個生得好似安琪嘅複製品。」Javier不忘補充：「亦即係你口中講嘅『假安琪』，係咪？」


可是這又怎樣，可是被他一說又怎樣？難道他說一個冠冕堂皇的病名，就代表我一直以來查探到的、所相信的都不是真相嗎？

我為甚麼要相信你？

Catch到出文

怪唔得只有主角覺得老婆唔同咗樣
但點解露露會話有兩個媽媽？

Javier掀開文件，極富耐性一頁一頁地講解。這一秒我突然覺得，他真的好像一個似模似樣的醫生。

「頭先講到，卡普格拉綜合症同面盲症係好類似嘅。

卡普格拉綜合症就係認知迴路無事，但係製造『連繫感』嘅情緒迴路出事；而面盲症就係相反。

根據安琪俾我嘅資料同埋觀察，我有理由相信李生就同其他卡普格拉綜合症一樣，製造『連繫感』嘅情緒迴路受損，無辦法正常運作；
同時，我相信你嘅認知迴路都有輕微嘅受損，亦即係同面盲症嘅病源脗合。所以你先會覺得安琪嘅樣有少少唔同咗，而其他人根本唔覺得有分別。」



「乜你唔覺得，安琪個樣唔同咗咩？」
那天姐來訪我家，我急不及待就打電話問她為甚麼不八卦一下安琪整容失敗似的樣貌。

在地鐵遇上的那場惡夢我也歷歷在目。「我在地鐵車廂放眼一看，整卡車粗略估算數十個人男男女女、年老年幼，他們將臉轉過來，目光落在我身上——他們全都長得和安琪一樣樣。」我真的看到了，「每一個，都和她一樣樣」……

Javier插嘴說，在地鐵遇上的那一幕很可能就是我腦部迴路受損前期病發，如同面盲症無法分辨人臉的癥狀。


「其實有唔少卡普格拉綜合症嘅病例都出現過類似情況。有個患者覺得父親被人換走咗，原因就係佢認得父親係無咗一隻門牙，而眼前呢個人補咗牙，佢立即就辨認唔到呢個係佢父親。

事實就係我們人嘅外表本來就會經常變化，你可以經歷交通意外而多咗一條疤痕、會長肉、會箍牙補牙。即使有呢啲改變，正常人係會有能力辨認到『呢個係箍咗牙嘅家姐』或者『呢個係肥咗嘅爸爸』，但係卡普格拉綜合症患者就會將佢哋當成係完全嘅另一個人。」


很早期的時候我去偷窺安琪，發現她沒有了我以為她有的生產疤痕。當下我在想的是「但是世上沒有其他人知道，她的腹下有一道因生產而造成的疤痕。所以萬一她不是動了甚麼激光除疤手術，而是某人想在模仿她的時候因為根本「不知道她有疤痕」，而沒有複製過來，這樣又說得通嗎？」

我不明白他們為何會覺得這種想法武斷，當下我對這個推測的確深信不疑。


「至於點解我頭先要不停開燈閂燈呢。我哋首先要知道大腦有分視覺同聽覺兩種路徑，佢哋都會將資訊傳送去邊緣系統，交俾潛意識分析。然而，呢兩種路徑係採用唔同嘅神經管道，所以即使你視覺嗰條路徑受損，導致你無辦法透過面孔而激發出連繫感，但係只要你嘅聽覺神經無事，佢嘅聲線依然可以激發你對安琪嘅連繫感。

而人嘅大腦有半數嘅大腦皮質都習慣依賴視覺線索多於其他五感，所以當卡普格拉嘅患者見到親人時，即使聽到熟悉嘅聲音依然會覺得嗰個人唔係佢；相反如果係講電話、或者視覺受阻嘅情況下，卡普格拉患者係仍然可以成功辨識到親人。

頭先我哋開住燈，你話眼前嘅人係『假安琪』，因為你仍然被視覺線索主導，受損嘅迴路無辦法處理呢個視覺訊息，你就將佢當成係『假嘢』；
而一閂燈，我刻意阻截咗你嘅視覺線索，你嘅大腦一被逼轉為依賴聽覺線索，你就即刻認得呢個係『真安琪』。

呢個就係卡普格拉綜合症其中一個巧妙嘅地方。」


當日我們在Javier工作的大廈等了半天，家姐傳來在巴士上偷來的錄音，「我湊近耳朵去聽，一聽就認出是真安琪和一把男聲的對話。」

而在商業大廈前，家姐嘗試跟我FaceLime，我所看見的是一個貌像安琪的女人在講電話。但那時候家姐是有提醒過「……你睇唔睇到呀，斷咗線呀？喂佢話你Poor Connection喎……」，我們的通訊的確是經歷了數段「有聲無畫」的定格，即我是先聽見了安琪的聲音，然後才看見她的臉。

而我還曾經很納悶「昨晚和我傳短訊的人是假安琪，現在電話卻在真安琪手上……」，同樣是我只聽得到聲音的情況下，真安琪就出現。

他所說的聽覺線索，就是指以上這些情況嗎？
因為我是先聽見了她說話，所以我的聽覺線索成了主導，從而影響了後來才接收的視覺線索，才令我覺得擁有這把聲音的人，應該就是真安琪了。


說到這裏，我最意想不到的人居然插話。


「係啦！講起嗰日就啱啦。」姐突然一拍檯面，嚇得大家都縮退了半分。她舉起食指直指對面的兩人：「咁你同佢係咪有路呀？我哋喺巴士錄低哂㗎，你點解釋？都唔知你哋係咪夾埋⋯⋯夾硬屈我細佬有病想送佢入青山，咁你個八婆就可以吞埋層樓啦，係咪咁呀？」