第一次追你啲故,毫不猶豫咁樣一口氣由 (1) 追到 (2) 完咗
初次睇我覺得個plot flow 幾好,表達到男主角嘅混亂同埋對所有野嘅不信任,一路睇一路會跟到男主角嘅諗野方向,呢一方面做得好好
但係去到後面發現係俾人用一個病去欺騙佢嘅時候,可能因為本身鋪排到係懸疑,所以去到發現係病嘅時候就覺得同我嘅期望有好大落差(好事?)
同埋可以著墨多少少去形容返佢發現有「病」嘅時候嘅心路歷情,而家睇落去都似係,呀,睇完,知道有病,但係個掙扎未係好到肉,好似抽離咗咁樣去睇一個患病嘅人,同先前可以完全代入真假呢個亂局嘅狀態差太遠
亦可以鋪陳到最後男主角點樣一直掙扎好唔好睇安琪嘅電腦,我印象好深刻嘅就係「安琪俾密碼我係佢信任我,我唔用個密碼係我信任佢」,但係只有幾句寫佢幾掙扎,就失色咗少少
認同樓上講嘅可以做多啲側面描述(雖然呢樣可以係因為第一身寫嘅限制而做唔到太多)
最後結局有啲 anti-climatic 但係同時都expect到,因為故事寫到呢一度點都會有啲dystopian嘅感覺,亦符合到你想帶出「分唔到真假」嘅呢一個終結
any肥 加油