【懸疑】你有懷疑過跟你同住的家人，可能並不是他們嗎？ 2

都有個位想反駛
「假安琪」同主角剖白個段似係真情流露
結局講到全部都係做戲有d奇怪

同意呢位巴打
幾鍾意結局個twist
但如果中間少d其他範疇既討論
最後個反高潮會自然好多

我係諗剖白個part佢的確係真心嘅。因為婚姻真係有問題，而佢喺好耐之前嘅曾經都真係有為關係著想過，所以佢可以講得出兩人問題

而到現在佢已經同咗另一個人一齊，只係為咗扮鍾意主角而鍾意，呢段時間為咗掩飾家暴壇嘢而喺屋企要扮好鍾意佢，嗰啲「啾咪啾咪」嘅說話就係假情假意


可能情話嗰句有啲misleading

最後想營造佢不停喺「信」同「不信」之間徘徊不定。以為無事，點知又好似有事，然後又好似無事，最後原來堅有事 etc 我想像嗰個時候應該幾煎熬
最後我都覺得，主角係將自己由誓言當中解脫咗

啾咪 ( ･᷄ὢ･᷅ )

我記得呢套穿謎底嗰下好正

任何愛情總有一日會變成親情，冇可能永遠肯為對方學整甜品、或者一直講一堆肉麻情話，但係咪就代表「唔再鍾意」呢
呢啲嘢就真係追求唔同，有啲人追求嘅係喺埋一齊嘅安心感，但係有啲人只係追求愛情嘅新鮮感，兩種人喺埋一齊注定會分開，但前者係分開嘅時候肯定傷得更深
有時都幾羨慕以前嘅年代，大部份嘅人都係前者，望住自己屋企嘅長輩喺埋一齊幾十年如一日咁，有時都莫名地有啲羨慕

我想像中嘅安琪真係已經完全唔鍾意主角，但又未到見死不救，所以先會陪佢睇病
愛同唔愛之間有好多空間，一齊多年嗰種感情又多個層次。我自己覺得去到當中無晒愛、對呢個人淨係剩低熟悉感同慣性嗰刻，其實個感受好強烈，你會好清晰知道當中剩低嘅一定唔係當初嘅鍾意
尤其安琪出面有第個「真正鍾意」嘅人，對比下就更知道對主角嗰種完全唔係呢回事


所以對安琪同主角傾返以前嘅事(好或壞都好)，同而家愛唔愛佢應該係無抵觸

但係又記得佢地嘅紀念日

我覺得安琪假緊嘅時候可能有一刻諗返過以前嘅嘢
想同佢好好過落去
但係當佢知道露露唔係主角個女
佢接受唔到以前嘅自己係咁
所以都唔想再愛主角 先會變成咁
因為見到真情剖白之後佢都唔再需要啾咪嚟扮完美人妻

咁點解之前安琪講冬甩
同男主就講donut

我都想知

我嘅角度睇係
佢覺得自己以前做錯過 而主角又係同佢一齊經歷過佢錯嘅時間嘅人
所以同Javier一齊某程度係逃避以前自己嘅錯 佢覺得咁樣就好似洗咗底咁
想送走露露應該都係因為呢個原因

Cls巴打勁有心
你呢個扭橋再扭多一層，點會介意，無睇得咁上下深入都唔會有咁嘅idea，多謝你咁認真睇就真


其實每次完故我都會隔一排再翻睇一次，整理大家意見同諗法再成篇執一次
所以大家嘅留言都真係幫咗好多

Til death do us part

現實生活有幾多對可以走到最尾仲咁鐘意對方大部分都係最尾冇晒感情，但因為一紙婚書/小朋友所以仲同一屋簷，基本上係冇晒交流，唔明點解唔離婚搵過第2個愛嘅一齊，咁唔會開心啲咩？

利申 父母分床訓左幾廿年

睇到後面越睇越攰，太多修辭借喻，大部分男主角內心話。令成篇文個感受好重，要好用力去理解每一句。
我覺得可以通俗，少少節奏鬆緊屬緊會舒服啲

Btw，岩岩先發現誠信局都係樓主寫，誠信局除左個結局有啲太理想或者太夢幻之外，節奏黎講反而比依個故好好多

有幾篇全部都係大道理feel，要逐隻逐隻字睇完再諗一陣先明白曬，如果淨係想追情節的人真係好容易too long didn’t read

誠信局我都係果句，由開頭到大結局前一篇都非常高質，但大結局果篇破壞左個故九成

本身仲諗住話露露比人勒頸呢個未解謎 原來留返最後先解