我有。
結婚之後,我同老婆搬咗出嚟住。個女交俾父母照顧,屋企長期只有我同老婆兩個人。但最近,我發現我老婆,有啲唔妥。
呢一刻佢喺雙人床上面背對我,攬住張冷氣被捲埋一嚿咁,瞓得好冧;但同佢一個身位之隔嘅我完全唔敢瞓著——屋企最近實在發生太多解釋唔到嘅怪事。
我一路望住佢因為呼吸而高低起伏嘅身體,
一呼,一吸。
一副身體有體溫、有呼吸,係咪就代表佢係一個活生生嘅人?
我好懷疑。
每晚熄咗燈之後,我點知佢會做啲咩?
呢個人著住佢套睡衣、頭髮係佢染嘅顏色,甚至連睡姿都同佢一樣。我瞓喺雙人床嘅另一邊,呢種陌生嘅距離感已經纏繞咗我好一段時間。
一呼,一吸。
就算認錯任何人,我諗點都無可能認錯枕邊人。
但如果瞓喺我隔籬嘅人唔係佢,
住緊喺我屋企嘅呢個人……會係邊個?
POST 1:https://lih.kg/hzusDS