火鳳燎原集中討論區（6）

我淨係唔想二公子又亂入

發夢
一定又會有阿叻

個人覺得二公子唔係周圍瞬移
而係好似老七咁運籌帷幄坐定定，就唔會咁反感

同埋陳某成日要Remind魏國有好多人想整死二公子，有啲悶

大家係咪誤會左啲咩

老八應該都係幫緊老六同老七，大家同一陣線

今集諸葛亮都講到好明白，佢問水鏡府既事重要啲定係天下重要啲
佢意思係佢知道點解老師會死，廖化都證實左個答案。但大家同一陣線，唔應該係呢個時候鬧不和，唔應該係呢個時候同老八反面

上幾話都借韓遂把口講得好白，老八既身分係漢中好有地位，應該係張魯既幕後軍師
呢一點又係好surprise

睇翻成個局，應該係老八推動緊成個局面幫張魯無後顧之憂入蜀。之前講既涼洲軍敗，投靠張魯，實力大增又再後無顧之憂。
但佢唔係真心想幫張魯，只係想借張魯施壓令劉璋向劉備求援，令入蜀順理成章。

而老七佢行緊另一條線，係確保無意外，可全取荊南，有足夠軍力可以入蜀。佢既難點係在於要東拒孫權，掙贏老五。佢基本上已經mission complete左。

而老六就自己再行另一條線，派張飛上去會合馬超推波助瀾，幫老八。另一個意圖係確保馬超兵敗後會投靠漢中，呢點係老八計劃重要一部分。


依家照睇，劇入面睇通睇透成件事既，就得八奇自己同韓遂。
老八為達目的不擇手段，甚至殺水鏡，最後應該都會出賣埋張魯，係幫助劉備得漢中既一役有重要作用

老八由頭到尾就係五斗米道
佢要幫劉備入蜀就唔會用假地圖呃劉備
點會去幫劉備

冇郁手嘅就係老七，同一陣線又點會稱之為「對手」? 又何需擔心?
老七唔做嘢只係因為老八而家所做嘅係佢計劃嘅一部份

史實...孟達俾二公子殺死喎

其實最近二公子係山越個度唔掂姐；
死三船、撞返火+鳳都無乜野，
係帶傷跌落水去到山越+山越勁到可以遊上黃河兩件唔合常理既事飛晒就好奇怪

呢度係講緊老七，呢點大家一致無歧議

但佢點解擔心老七，係因為佢自己都知自己既行為係水鏡門下已入異端，佢擔心老七出手清理門戶，阻住自己既計劃

呢度既意思係最大既敵人就係自己人，禍起蕭牆。呼應緊眼前就已有既馬韓之鑑。

而老七的確已經派左人去查清楚老師既死。佢呢一刻仲唔郁手清理門戶，只係因為天下之事比水鏡府中之事更重要

都係之前荊南個part有出過啲似有還無既hints，又未去到由頭到尾都知佢係五斗米咁誇下話

老六老七老八，三個都係想幫劉備，但呢三個都係獨立為政，各自有各自做，唔似老二三四咁有交流

入蜀個part都未講到，根本都未知之前張地型圖係咩料，拎呢part出嚟講都係白講，孟達同法正都係啱啱出背影only
但好明顯，佢實際做緊既野係推動緊劉璋大開中門比劉備入蜀。

但如果要問點會係幫劉備，就有幾個hints，

講劇情，上面講左老六老七到呢一刻為止都係同老八一齊推動緊涼州條線。呢點好明顯，甚至張飛都上埋去。如果佢害緊劉備既，老六點會幫佢

講身分，目前為止呼聲最高既老八真身就係所謂嘅真趙雲，又常山又姓趙又手指天
咁真趙雲又點會唔係幫劉備

講將來，最後漢中係會落入劉備手，馬超都係會落入劉備手。曹操仲要係漢中大敗，死埋大將。 而老八明顯係漢中既大佬黎，漢中係佢打骰佢話晒事。
就結果睇，都係劉備最後得益。只係劇情未到，唔知佢中間點扭橋


你試下唔會先入為主咁睇
陳某自己都係近幾話既留言講，其實佢一路出緊答案，只係讀書好多時睇唔明

今集已經講于吉同左慈搵錯地盤
然後講用水鏡府做掩護去發展我教

老六幫馬超係要佈下荊州最後防線

將來落入漢中手係先投曹再比劉備打落黎
佢要幫劉備點會要投曹而唔係投劉

唔係下下加粒膠就有用既
漢中太遠未講到，佢大把橋可以扭啦

同埋先投曹之後請君入甕害死大將再歸劉呢啲，睇咁多年火鳳，隨便都諗到大把橋可以講得通

你要先入為主，都無辦法，等你真係諗到有新point再慢慢討論啦

仲有已經講左老八最初要由四郡入川
如果佢要幫劉備劉備邊到仲要浪費時間打四郡

咁多集已經明示左唔係幫劉備
你都仲可以覺得係幫劉備

由四郡入川呢件事個subject係咩先
老八係代表緊邊個勢力，想由荊入川先？
無理由係張魯由荊入川掛？

會由荊入去既咪姐係劉備囉
個段話係講緊，佢已經安排好荊呢個方向，依家又安排緊漢中呢個方向

不如你諗清楚先，唔好急住回啦
解答左老八，呀所謂既真趙雲，係代表緊邊個勢力去策劃由荊入川先，
之後你咪諗得明囉

老八由荊入川係用韓玄趙範佢地唔係劉備

用韓玄成件事就唔make sense啦大佬
依家打三國志玩地獄mode自我挑戰咩

佢係荊南人地地盤入面佈緊局，同佢想輔助韓玄做君主去入蜀係兩件事

你次次都是是但但拋低一兩句加粒膠就算，又唔思考消化，咁好難討論

上面提出好多論點例如張飛北上，真趙雲點會唔幫劉備之類，你又完全回應唔到

真係算數啦，等你真係有新point先再講
再求求其其彈粒膠出嚟，無討論既價值

你嘅同一陣線嘅意思係乜？
老二同老七而家係咪你所講嘅同一陣線？如果只係咁，我認同依個講法。
但如果你嘅意思係老八而家係劉備嘅人，咁我唔多認同，最少響依個時間點唔覺得係。

首先，響桂陽嘅時候老八一定唔係幫緊劉備，否則火哥唔使打生打死，連老婆都犧牲埋。咁老八係幾時變咗同劉備同一陣線？似乎係冇文本證據。

第二，老六點解要幫老八，主要目的係因為暫時老七同老八嘅計謀利害一致，坐大漢中勢力，令劉璋要引劉備入蜀協防。其次係靠張飛拉攏馬超，為將來舖路。

第三，就算老八係真趙雲，都唔代表而家老八係劉備嘅人。老八可以係響張魯滅亡嘅時候轉投劉備。

第四，張魯係畀曹操滅，要點樣扭橋先可以變成老八出賣張魯去幫劉備？

佢好似係趙範義兄 仲想幫趙範食咗四群 好似係見到趙範唔肯放棄小樊先心灰

咪講左老六幫馬超係要佈下荊州最後防線
仲有從來都冇講過八奇係真趙雲,一直係你自己話佢係
佢由刺殺董卓個陣已經同趙範一齊

老八 之前講佐又係常山人又姓趙又係刺客

真係諗唔到有咩其他史實人物會係老八

好大機會到最後 老八 (真趙雲) 成為 首尾呼應角色

成堆趙雲(不同立場 但有共同目的) 合作行刺二公子

趙唔趙雲就佢會兜得返 係老八呢一刻應該仲係自己一個新勢力 邊度有能力入川就跟邊度 可能張松都係佢嘅化身之一 諗住用涼州兵入川

如果陳某又格硬黎

今天既我打倒琴日既我

真係好撚灰

專登寫到趙範 真情聖 捨棄江山都要死攬住個唔鍾意自己既 小樊

而小樊就寫到 望夫石咁等候 燎原火 (假趙雲) 成廿年有多

點解唔可以係趙昂

若果係跟幼八戲戰圖 老八應該係屬曹營

趙昂為天水人，曾擔任羌道令[1]，與同鄉人士楊阜、姜敘、尹奉等均具名氣

老八 神早官宣佐 常山真定人 喎

改設定會炒車架喎