識得愛人嘅入嚟

Lunchtime一推，好似開始推唔郁

想請教下各位
愛人如果要尊重本身既佢 唔好改變佢
咁自己需求又應該如何處理？
如果明知以對方能力根本唔會滿足到/試過提出但對方都冇嘗試過滿足？
咁段關係又應該如何走下去？

唔好改變係指唔好嘗試去改變佢嘅性格同價值觀，呢啲真係冇得搞，一搞大家都辛苦，遲早分手
反而係大家嘅交流技巧、生活習慣、行為模式可以嘗試透過溝通而慢慢磨合

你可以問吓自己
你係咪個需求一定要滿足先？滿足唔到嘅有冇其他解決方法/發洩渠道？
對方唔嘗試滿足你係因為過咗佢條底線？定係對方根本唔在乎你嘅需求？

其實真係好難磨合到
開頭已經知大家性格相差好遠
再相處耐左就發現價值觀 對事件睇法都好唔同
諗住有愛可以跨過去
但日子一長 漸漸就少左’愛‘
好多以前做得到的 依家已經唔會做
本來夾到既相處模式 又變左夾唔到

如果繼續愛佢 接受佢
就要忽視晒自己大部分既需求
對方滿足唔到 有部分係能力問題
例如：1佢唔係好接得住他人情緒
我都有降低期望 唔需要佢安慰自己
2佢唔喜歡表達自己
我都減少問佢呢類問題
etc
亦有部分係佢唔想滿足
例如：食飯見面頻率etc

攤出黎講有無協調到？
同埋愛係有極限

其實講到咁，你都已經答咗自己啦外人都幫唔到咩

不過我可以講多多，俾你參考
性格係可以和而不同嘅，除非係一啲挑戰你底線嘅性格，否則性格差異其實係好事，可以互補不足，有時重可以進行啲有價值嘅討論

但最底層嘅價值觀唔同真係隨時會火星撞地球（除非你哋有一個係聖人級數可以做到斷我執）

佢嘅情緒回應能力就真係睇你愛有幾深、可以包容到邊個地步，但唔千祈唔好失去你自己

其實感情好時都協調到嫁
但當遇到問題攤出黎講時就好易會鬧交
一鬧交之後再和好 又變番協調唔到 因為曾經協調到既野佢又唔想做

有時想引導佢表達多啲 想知多啲佢其實點諗 等我知我可以點做
佢又會覺得你逼佢思考表達自己（佢唔喜歡表達自己）

我都同意性格其實可以互補 有時反而係好事
但對方又唔係咁諗 佢話認同唔到我性格...
亦都好難討論 會俾佢一種感覺我批評緊佢 想同佢爭輸贏 性格好大男人 永遠覺得自己岩 就算有唔同 都只係價值觀唔同 佢唔會錯（駁唔到）

我都好迷惘 唔知點樣可以愛佢又愛到自己

愛不是佔有，兩個人開始夾到，會覺得大家一齊生活，個重擔會輕左，自己脾氣耐性會好左之類，慢慢你會覺得好慶幸識到枕邊人

利申：人生是修煉，日日不停學習

啲人話鍾意pure and true 乖乖女多數係因為好控制條女本身係咩人唔重要，好控制就ok

永遠覺得自己岩係死症

可能要考慮二選一了

果類人
男人之間都唔當佢男人啦
影撚衰哂

以我觀察呢啲佔大多數

週末一推

呢啲好多時最後都會沉落女player度，俾人hurt返轉頭

你咁講完覺得愛情世界好兇險
雖然我都試過令人嘅世界好兇險

你都知可以令人嘅世界兇險就唔好再咁做啦
能力越大責任越大，愛嘅能力都係
而睇清身邊人嘅追求都係一種愛人嘅能力

我非常喜歡「知世故而不世故，歷圓滑而彌天真」呢個講法

有時我都唔想，但就係控制唔到，之後先發現原來價值觀有問題，改緊，但要時間

推～不過唔知重推唔推得郁

不停被要求改變好大壓力