。如果想知道登山係咩一回事，可以睇返我之前寫既登山遊記。
https://lihkg.com/thread/201148/page/1
簡單講下自己既background先
我係一個影相佬，自細就睇紀錄片大，對呢個世界一直[/url]都充滿住好奇，夢想係做nat geo攝影師。
2014年去左尼泊爾既珠峰大本營後，自始之後就愛上左雪山。
2015年我同朋友去多次尼泊爾珠峰大本營，結果遇上7.8級大地震，我朋友一早落左山冇事，而我自己就差d食中雪崩。之後我誤打誤撞入左一間專門訓練雪巴嚮導既登山學校，認識好多唔同既雪巴人，然後成為左第一個海外畢業生。 我有幾個同學仔今年都上左珠峰幫手
2016年我去左歐洲爬阿爾卑斯山，學左Alpine阿爾卑斯式既登山技巧。
2017年我再係香港深造攀岩同其他登山技巧。
可能你會問我，既然你上次雪崩差d死，爬雪山咁危險，點解你仲要去爬？
我自己本身係一個小毒撚，好怕嘈又多人既地方，如果唔洗開工既時候，我會盡可能留係屋企打下機唔出街。一直以黎，我覺得係香港生活好有壓迫感，屋企唔大，行出街d人西口西面，做野d人又假，周圍又係嘈音，望上天又全部都係高樓大廈，我覺得好侷促好辛苦。
但第一次去到雪山既時候，我就愛上左呢一到既寧靜同壯麗。登山對我黎講係一種修為，當處身於稀薄空氣，踏住自己既步伐，同人率真的交流，生活回歸簡樸純淨，你會發現自己既思緒係前所未有般清晰，個一刻好似我可以同自己對話一樣，係一個尋己既旅程。留係山上面我覺得自己既心靈就好似得到解放咁。以我就用自己既攝影做媒介呈現呢個旅程既感覺，好想比其他人知原來呢個世界仲有d咁靚咁純樸既地方。
登山係一件好難好辛苦既事，而我每一次登山都會有唔同既得著。有時返到香港遇到挫折既時候，我都會同自己講既然爬山咁難你都做到，再難既事你都可以完成。
我真係好鐘意爬雪山，好想知頂峰既風景係點，所以我好想爬上去拍低上面既風景。我知爬雪山會死人，我自己都差d食雪崩死，好明白接近死亡既感覺係點，但經歷過呢件事後，我覺得生死有命，好多野個天都一早註定。個天要我死既，我係香港行出街都可能會比車車死，又或者比大樹壓死。如果時間到既，我寧願死係我鐘意既野手上，好過臨老鬱鬱不志咁死係病床到。對我黎講，我只在乎生命係咪活得精彩，而我同老母一早有共識，如果萬一有咩事既，請將我用得既器官都全數捐出比有需要既人。
可能你會話爬山會對大自然做成污染同損害，但我覺得人類一直都可以同大自然共存同互動，問題係你點樣通過教育去好好咁保護佢。你問我會唔會爬珠峰呢？我會想爬，但唔會join任何商業登山隊。一來貴，二來商業登山長時間既攀登會對座山有好大既損害。我會想嘗試用阿爾卑斯呢種極致既登山方式唔靠協作，以自己既實力去爬。一來快上快落可以減低對山既損害，二來其實以家既科技同訓練可以做到，問題係你肯願意用幾多既時間去訓練。我亦都唔想任何人因為我既興趣而受傷或者死亡。登唔登到頂對我黎講只係一個bonus，我只在乎登山既過程，靠自己去發掘探索，然後從大自然中得到樂趣。
登山從來都係好個人既事，可以有偉大既原因，亦都可以好簡單。我唔會係到鼓勵大家去登山，因為每個人鐘意既野都唔同。你鐘意覺得適合你既就去爬，做足充分既準備，唔好周圍掉垃圾好好愛護大自然就可以了。
lm
始終人係最複雜
