我get到嘅係Antonio係見到黑毛完成唔到/冇能力完成使命,而自己嘅使命就係輔助佢黑毛完成使命,所以佢個結論就搶左黑毛身體代替佢完成使命,因為咁樣就完成左黑毛嘅使命 => 之後就完成埋Antonio嘅使命
但其實從後來佢兩個好似殉情咁嘅結局睇,我諗Antonio其實係唔想黑毛承受一直完成唔到使命嘅痛苦
就咁睇返其實ai個「使命」好悲哀,完成唔到使命嘅ai就只係瑕疵品,尤其係「用聲音令人感到幸福」d咁闊嘅使命根本都冇咩可能做到(亦唔知點measure使命成唔成功);但ai係有自我思想嘅,黑毛呢幾集講嘅野就係ai注定比「使命」束縛、同埋ai完成唔到使命嘅痛苦。
人類完成唔到自己嘅「人生目標」嘅話可以選擇逃避,或者就算能力有限做唔到「使命」嘅話亦可以終於改變自己嘅「使命」,再唔係就自我安慰。
但對ai黎講,「使命」就係全部,係被製造出黎嘅目的、生存嘅目的亦係令佢地痛苦嘅泉源。
同埋後面發現其實antonio根本冇殺黑毛只係代替左佢承受痛苦,所以我覺得原先歷史到決定自殺嘅都係黑毛自己。(9估)
呢幾集真係好高質
feel到套野想探討嘅野越黎越深入,之前都只係用其他野黎同「使命」探討對比,但呢次直接對「使命」作出探討
近年原創番黎講呢套真係冇得輸