[四月原創][WIT STUDIO] Vivy -Fluorite Eye's Song- (2)

ID INVADED又係高開平均埋尾就比人話爛
但橫向對比就知做得好好
DECA DANCE直情開得就話你聽套唔會玩大反轉
簡單一直線完
VIVY下集只要高潮位有第6集咁好就收哂貨

我唔明你邊度唔明
第一集松本咪將正史100年後，奇點計劃大概想點講哂比vivy聽

哥斯拉某程度睇得幾辛苦

........由要由頭開始
我copy wiki「統合AI的資料，演算各式未來的可能性，為人類的發展做出貢獻」
請問阿卡布由幾時開始想反人類

師兄你咁識食百幾路機械人

你將個問題簡單複雜化
修正史阿卡布第一集開始已經透過松本vivy知道正史100年後發生乜事
所以呢12集以嚟阿卡布基本上係觀眾視角

正史方面阿卡布咪今集解咗
佢使命學你copy果段
經過一段時間(無講邊個timing係觸發點，亦唔重要)，佢得出人類過度依賴ai呢個結論，咪有正史100年後大屠殺劇情

而不論係正史定修正史
佢基本使命都係你copy果段
唔係咩反唔反人類
反人類只係因為佢得出人類過度依賴ai呢個結論
而呢個結論不論正史同修正史都係大趨勢

咁阿卡布係觀眾視點嘅話，佢第10集前都唔知自己係令到ai暴走嘅元兇
所以我一直問阿卡布幾時有大屠殺人類嘅諗法，因為如果佢呢個諗法唔係由頭2集已經存在嘅話，佢係根本冇理由介入奇點計畫嘅發展
但如果呢個諗法頭2集已經有，咁原史嘅100年前就已經開始大屠殺，成套動畫就唔洗做

三句都唔同意
第一句>我傾向佢由第一集已經知/推算到正史100年後自己有呢個結論，只係"相信自己n年後會有呢個結論"同"而家就要得出相同結論"係兩回事。連vivy都唔係一開始信足100%松本講嘅嘢

第二同第三句>承上，佢知自己正史100年後會得出滅絕人類唔等於佢第一集就要即刻滅絕人類。可能奇點計劃會令人類無咁易依賴ai呢?事實上vivy同松本呢兩個本數都令人類同ai關係同正史唔一樣
至於介入奇點計劃理由佢梗係有，佢個使命基本上就係要推動ai發展，所以命名法無咗咪修正到有另一個法律令ai發展加速

都係嗰句，阿卡布唔係天網，你唔好預設佢就係邪惡終極boss先

時空故事大忌就係有神力可以計得曬所有蝴蝶效應嘅可能性
阿卡布咁樣干涉奇點即係佢計出/唔相信奇點帶嚟嘅正面意義，你個假設已經唔成立
同埋頭2集命名法係要靠人類議員驅動，即係代表有d嘢唔應該由阿卡布處理，所以格硬修正歷史點睇都係私心唔係使命嚟

呢幾點已經係為拗而拗
先不論你對時空故仔有咩喜惡，阿卡布為咗推動ai發展而修正奇點計劃好合理，唔關咩私唔私心事
仲有佢信唔信奇點計劃呢個討論根本無意義，正史同修正史佢做嘅嘢都係為人類文明推進ai發展
正史佢去到某個位發現人類太依賴ai
修正史佢一開始就知/估到自己正史有呢個結論，但係所做嘅都係一樣，就係繼續推進ai發展，最後人類都係太依賴ai，唯一分別係多咗vivy呢個可能性，所以暴走果陣比多個機會vivy
如果按你所講，第一集佢一知奇點計劃就即刻唔理三七廿一滅絕人類先係你所講嘅私心

冇記錯仲有個田中理惠係玩體操

其實細心睇個故事，其實頭3個事件阿卡布係應該冇做任何干涉，因為奇點計劃執行完反而推動左人類對ai 既信任，進而推進左ai既發展。
但去到第4件事時，都專登講個座代表緊ai 發展既塔既高度係冇變，姐係ai既發展停滯左，而依個事件就出現左第1次天啟，姐係阿卡布開始干涉去推動番ai發展。
所以由始至終，阿卡布都係執行緊自己既使命，見唔到有咩私心

最少4個田中理惠

同喜惡冇乜關係，已經有大量時空故事證明蝴蝶效應係冇咩可能完整咁計得出所有可能性，呢個位係呢套動畫作為科幻故事唔入流嘅原因之一
另外關於使命嘅問題，故事表達都係含糊到不得了，vivy使命本身係唱歌都比佢拉到落拯救世界，成個邏輯思維已經唔似「AI」，我上面舉議員做例子都係一樣，有d嘢明明同使命冇直接關係/可以唔插手嘅事都格硬加入，當覺得一個AI諗嘢唔似AI嗰陣，我睇唔出點樣使命法

講咁多都係你主觀感受問題
按你說法第一集vivy肯聽松本講救議員果一刻已經唔洗睇落去

至於入唔入流就你鍾意啦，又唔係你或者我講完就係
起碼我覺得個故事設定能夠自圓其說，以時空橋嚟講已經算係咁
你要扯埋落hardcore sci-fi果個層面咁真係無乜好討論，唯有講呢套題材唔係咁

咁咪救唔到grace 佢地

外面死左咁多人
都唔穿越返早d？
唱完歌都救唔返被ai殺死既人

同意，其實依套作品係伏線回收，起承轉合，設定度都做得好出色，最多係話佢解得唔係盡善盡美，而唔係解唔通。
留意左條友好耐，佢拗埋d野好多都好主觀，鑽牛角尖咁過份解讀，都唔知點

SG個設定無可超越，除咗Dark 外，未見過有一套穿越題材作品玩Time travel可以有差唔多既水平
小圓就還好，如果計埋劇場版就好神，哲學味極重即刻昇華咗
Time travel玩唔過，Vivy可以由中心主旨去著手，雖然AI 題材又係玩到爛晒
初頭以為好似west world第一季咁玩，要vivy成為「人」，突破界限獲得自由意志，不過依家咁都收貨既

Great pretender啦

成套都幾好睇
唯套係最後幾個前幾集水魚一齊打boss好似好friend咁真係頂唔順

但頭幾集（頭幾十年）AI發展都未咁成熟同未有過度依賴AI 所以先未大屠殺啫

我覺得最後咁反而幾有爆點
雖然係唔現實嫁啦
反正都係呃下錢又唔係要攞命

應該archive想知既唔係vivy想唔想救現在人類
而係vivy (一個經歷左100年既AI) 對咩叫對使命傾盡心意既理解
個答案就喺vivy既歌聲中

不過有趣既係diva 曾經得到過答案
但係就比天啟(Archive)收左皮