https://hk.appledaily.com/entertainment/20170910/ZNWPLMEOMLKFESHWWOLF5SEOXQ/
麥明詩面對政治議題向來敢言,當選港姐之初,就被爆曾參予雨傘運動,當日佢喺Instagram寫上﹕「天下無不傘之筵席」,被封「
人民民主女神」。
不過,今日有澳門讀者爆料,指麥明詩噚日為四太梁安琪率領嘅「澳門發展新連盟」站台,為17號舉行嘅澳門立法會選舉拉票。而該黨正是澳門一個建制派政治團體,麥明詩與首次出選、四太二仔何猷亨一齊站台,仲收咗支太陽花,但讀者就覺得麥明詩對澳門嘅立法會選舉認識唔多,亦唔了解四太過去喺澳門立法會嘅公職,所以對麥明詩好失望。
麥明詩今日回覆傳媒時
否認撐建制派,純粹係支持好朋友,佢話﹕「我同猷亨認識咗好多年,人生第一次見佢咁努力同投入,好想鼓勵佢,其實我都唔知背後嘅政治立場,下次會小心啲。」《澳門日報》報道,現場介紹,麥明詩原來係何猷亨喺英國讀書時認識,仲係梁安琪幼女何超欣嘅補習老師,稱麥明詩係「路過」撐好友。據了解,麥明詩同猷亨雖然讀唔同嘅大學,但林作與猷亨既是中學同學,而在英國讀書嘅華人唔算多,大家都係當地寄宿,所以認識後會互相幫忙而成為好友。
而四太亦似乎都好鍾意呢位「十優港姐」,前年麥明詩同四太一齊出席活動,都硬要拉埋阿仔猷亨一齊合照,未知聲稱現在係單身嘅麥明詩同猷亨有冇機會發展呢?
---------------------------------------------------------------------------------------
一定係支持朋友啦
唔通話自己支持建制派又想入豪門咩
除左讀書叻,麥明詩最叻就係抽政治水同拎光環,等人覺得佢與眾不同,幾年前社會重未因雨傘運動而嚴重撕裂,計過度過知道企邊一邊對自己有好處咪係IG貼張雨傘運動的相片,啲人一睇到就捧佢做民主女神,吹到佢好敢言、好有智慧。
既然係咁敢言、咁有智慧,點解反修例個時一句聲都唔出?好明顯,佢係一個唔想得罪任何一方、想食兩家茶禮的人。如果佢支持班後生仔就會同唔到班有錢人做朋友,如果佢支持正苦就會俾人公審。佢邊會係好似緬甸喲選美佳麗、明星用自己知名度同國際講自己國家發生咩事。(
https://www.youtube.com/watch?v=5s4j0cX4QfM)
佢最叻就係抽水,好似前排林作同鍾培生互相用粗口屌對方,講左句No Pussy,佢咪女權撚上身,批評幾句又有得上報。啲狗非禮強姦女手足又唔見佢批評下?