[多圖][一年長途遊記] 中南美到南極-西伯利亞至東歐 (完)

你點知的 塞浦路斯我想去好耐喇，唔順路都會去。

個title 寫(完)…… 因為篇遊記寫埋呢個post 就會完囉

想睇
原本想偷懶走去訓，見到你地等緊唔敢唔更新

咁夜都仲更新
我係budapest都係住同一樣有個天井個種大廈, 不過我入面感覺好新淨
個時好似200蚊一晚左右


之後budapest d相都差唔多
有D直頭一樣
有D我去個時仲係爛地/工程中, 見你D相已經整好左







個到夜景真係好撚靚, 我stay左5日, 好掛住

最新個篇
去旅行去到最尾結埋婚, 好閃

繼續留名 終於更新左一篇啦

感覺到就嚟完，原來真係會寫得完架睇到我都想出發了

恭喜絲打

我果時揀Airbnb都有見到呢間屋！但最後日子唔啱冇住到
個夜景真係好撚靚，好想再去多次

結婚了 !

唔係話南塞入 陸路係個關口行過去北塞咩

追到而家 見到你哋結婚了
覺得好感動要幸福啊

既然冒出左結婚念頭，即刻睇下晌塞浦路斯結婚要準備啲咩先

唔...…birth certificate…...出世紙? 可能我地太傻太天真，唔知道結婚原來要出世紙，仲要係正本，邊個會揹住張出世紙正本去backpack呀 一路慣左隨心所欲，原來有啲野都係唔可以太即興。估唔到結婚呢個idea來得快又去得快，多謝大家既祝福，但係我地仲未結得成婚住，fake左你地真係唔好意思

係塞浦路斯結唔成婚，都失落左一分鐘左右，之不過好快我地又收拾心情出門去玩了。今日會去Larnaka入面山中既一條小村莊Pano Lefkara，呢條小小既村莊以手工喱士聞名，呢個工藝係15世紀既時候由威尼斯傳入，現時已被納入聯合國非物質文化遺產。相傳達文西都好欣賞呢度既喱士，仲帶左塊返去米蘭大教堂舖設祭壇添。

去Lefkara既巴士班次好疏

我地出門口既時候已經有啲晏，去程唯有搭的士入村，半個鐘車程要成35歐，好肉赤。

一落車，就見到周圍都掛滿喱士啦

村入面仲有間細細既喱士博物館，可以入去參觀下





無論係舖頭前面抑或係屋企出面，都可以見到唔少婦女坐係屋前密密縫，佢地多數都好熱情，好樂意同人分享呢個工藝。佢地會係布上面剪出缺口，再用勾花黎填補空洞，空洞愈大，需要既手工愈多，價格亦都會愈貴



雖然佢下巴生鬚，但我相信佢係個婆婆來


黎到呢度先知道除左喱士之外，原來Lefkara手工製作既銀器都好精緻


老闆話呢間小店入面既喱士同銀飾全部都係村入面既屋企人自己整，佢地將銀線繞成好似喱士咁既通花，造成手鍊、髮夾、耳環、戒指等等既首飾，同呢個地方好配襯，而且價格都好相宜，戒指耳環之類既小飾物廿零歐就有交易，比起郁啲都要三十幾歐既喱士枱布抵好多。

擰轉頭諗住嗌男朋友過黎一齊睇，原來佢已經企左隔離聚精匯神咁揀緊戒指。佢突然間好認真咁話，一直以黎都無送過戒指比我，因為佢覺得戒指代表一生一世既承諾，唔係隨便可以送出既野。係呢度雖然結唔成婚，但係

"我好想送隻戒指比你"
"呢隻手，都係時候要有隻戒指喇"


我地就棟係呢間小店，同剛認識既叔叔嬸嬸一齊揀呢隻定婚戒指 大家聽到我地打算結婚，都紛紛上前擁抱我地，搞到好似我地係度擺緊酒咁，仲有合照環節添


呢個大叔都好搞笑，佢話佢後生時係國家隊既足球員，所以堅持係舖頭入面掛左好多格格不入既足球裝飾，連門口堆喱士中間都有個利物浦公仔 佢問我地婚禮打算請幾多千人，話因為佢太famous，個仔結婚既時候請左2500人黎飲都唔係好夠，請問有無人認識呢位好famous既塞浦路斯前國腳大叔?

佢地啲postcard都幾盞鬼，嬸嬸見我咁鐘意仲叫我隨便揀，送幾張比我，咁我緊係揀呢啲啦



最後除左戒指之外，我地仲買左朵可以吊咀襟花頭花幾用既花花添


然後我就戴著隻戒指遊街啦 Lefkara呢度係條山中既村莊，有好多高高低低既橫街小巷，人少少，村民都好友善，屋前種滿五顏六色既花，門前間唔時有一兩個婆婆係度繡手巾仔，周圍既景色都好似postcard咁，真係一個好靚既地方。心花怒放既男朋友話要好好紀錄呢一日，瘋狂捉住我影相







笨拙又真誠既表白，一齊揀戒指，手拖手係小村莊漫步，再係海邊摘一束鮮花。簡簡單單，率性又浪漫，我諗呢個就係最適合我地既定婚方式

塞浦路斯，果然係一個love island

好靚

好神奇，真係好似，連個天同地既比例都一樣，明明果啲位都無乜人企係度影相，真係好神奇

巴打住間房好靚，可能我地成日last min先book搵唔到咁抵既荀盤

原來唔爛尾不是個傳說

好彩果時一炮過去左好多想去既地方，要再自由穿梭唔同國家都唔知要等到幾時，仲有無機會了

照多謝先

是是，可以係Nicosia 過，但去到北塞好似要經土耳其走定唔知點，唔記得了我地又唔想去土耳其，覺得好煩咁就無去lu。

多謝你地，搞到我都有啲唔好意思添

現實既我地都就快結婚喇，你地既祝福我地心存感激收下了

絲打要結婚啦 恭喜哂

好閃好浪漫
雖然唔係正式結到，但送戒指個下都可以當結左啦，祝你地幸福

好靚

好神奇，真係好似，連個天同地既比例都一樣，明明果啲位都無乜人企係度影相，真係好神奇

巴打住間房好靚，可能我地成日last min先book搵唔到咁抵既荀盤

多謝
我去都好多年前啦，但一見到你d相就好有印象自己都影過一模一樣既，可能大家都覺得果個位靚

本身上年其實買左機票再去，但仆街武肺搞到去唔到，之後改左今年，當然又去唔到，而家改到下年，應該都係唔得，唔知以後仲有無機會去

樓主終於出文
絲打祝你幸福快樂